¹ Angwatumi,anmakangbo anungmang bo gaitawahmang,gantuubo nua gona minai gakate,Yesus Ga gesakola-sakola guitibo gebai. ² Nala nalila anmakang anungmangbo ako gemboka,minatungahnate inate watu bogesuh,nuagona minau kate legamaitan mang. ³ Nanung gabohbo giyabang tiy yeisamami gotapur minatung gahnate ganungsu ok ka tiy okiy mi suemang. ⁴ Gasakbo Sakola-sakola gada gogawai taigante anma no bo siwetakilluugo ako abekofa tuknok sime anma anungmang bo ako katebo gatopi. ⁵ Gasakbo Yesus wai gebai! abokofa talesing gei iata! gadawai gogawai abekofa gisang ok . ⁶ Gasakbo,Yesus sa Gapikadebo anma anungmanga gaima fununguu tanising gahbo Ga abekofa gisang ok mebo angak Ga tagekangbai gahboGakadiy-kadiy gabo Game Gesakola-sakola gengbo gesakola sakola gadawai me anungmang genmang.Gallo gadawaime anma anungmang genmang ⁷ Gasawai Gesakola-sakola ap kona nung kiding-kiding konau wai aduna angak Ga ta gekangbai,Yesus Ge Sakola-sakola gaboh api tilong meanungmang geng. ⁸ Anma anungmang katebo ya gato pimang gasakbo gemol gekabita gatotawasia so gisang ok ole mang ⁹ Getosuisa anma riba biat gei katemang anga lewai Yesus Ga gaboh teleibo. ¹⁰ Gasakbo Yesus gesakola-sakola nung punadebo meiytagoi getebo ya Dalmanuta gebuk midemang. Yesus Ga Gegasoinsi Surga Ge Aifanga Megogonte ¹¹ Farisi genmakanga sue Yesus gatadebo gekang lakmatame tawing to eh,gasakbo Yesus ga migasoinsi surga ge aifanga megogonte, gantuubo anga nung gasiymang. ¹² Gasakbo Yesus sa gesinama Ga ganeng karohte lapane,galak kawai minatung ina gedum gekak kul geaifang mikia,gesolak mikawaibo meibai.biling noklue geaifang ako meibaina. ¹³ Gasakbo Yesus sa Gamigawai biy gekangna gabo me iy ta getebo yayeinok midemang. ¹⁴ Gesakola-sakola abekofa mitopangbo gona nung tuk nokbo iy mi. ¹⁵ Gasakbo Yesus sa Ga gayatdilei iogayeinte! Farisi ya Herodes gekang geboka geiminang. ¹⁶ Gasakwete anmabo abekofa gona getokawai teweme . ¹⁷ Anga legenlakdelei Yesus Ga gebaitelei,minatung ilbo abekofa gona igetokawaite ako,ibiytana inglakna gare gotopanmang. ¹⁸ Gare inga go gantuubo igatena,gasakwete iweia goubo imeina . ¹⁹ Angwatumi abekofa Na kadiy-kadiybome anma riba gisang genia gemola gekabita itotawasiya sotalesing bogalehmang. wai Ga gogawai so karnok wawiy ok! ²⁰ Gasakbo abekofa gisang ok bo me anma riba biat genia so wangma gemol gekabita boi tawasia sotalesing olemang? Gagogawaitelai"so gisang ok" ²¹ Gasakbo Gagebaitelei ibiytana igatafanena? Yesus Betsaida mi Anma Gengkur gobaite gomaldemang ²² Gasakbo Yesus ya gesakola-sakola gekang ya Betsaida midemang, gasakbo ganungsu ok anma gengkur ok pulbo ya Yesus migamuntai ganinsi gageigofung. ²³ Yesus Ga anma gengkur gatang fungbo pultea mane wisikata demang. gasakbo Yesus Ga anma gengkura genga misupiy gasakbo gatang metadimang. Gamigemang,aleisa nuanok egatere? ²⁴ Gasakbo anma anga galeite melinsama getebo gakawai" na anmakang gate ganintuubo naguileinte leisa solmi bonggeng malolemwa. ²⁵ angalelea Yesus gatangme anma genga wai tadi,ganiak anma anga,anma genga anga nungleimang,galeysamaldmaldemang gasakwete galeisa gaima tatok. ²⁶ Gasakbo,Yesus Ga gabohtea gekadiy gide angahbo gagebai"tawe mane gemung midena" ²⁷ Angaleleia,Yesus gesakola-sakola gekang gamane-mane kanah gaya Kaisarea Filipi manemi,gayeisamami masa,Yesus ge sakola gemang"anma anungmang kawai sa, nalaako ma? ²⁸ ."Gagogawai talei Yohanis Pembaptis,apenga gada kawai sa Elia,gasakwetw apenga gada kawaisa anma nok nabiy galdende. ²⁹ Gasakbo,Yesus le gemang,"ganintuubo,ala taiganing,nala mang ako?Peterus ga gogawai"alanga Kristus. ³⁰ Ganiak,Yesus game gegawawang ibiyme anma apenga gebaina. Gepaka Mikawai Yesus Gaya Fadiy Tarei ³¹ Anga gania Yesus gawai gesakola-sakola gom gapaising,anmakang geduma gakul lamfadiy bokagasa mitareinte/Yahudi gegafilang gasakwete taurat migenglakia gasikiy gabo gageipang ganintuubo watubo gesumi gasole gengkane geno demang. ³² Ganiak Yesus ga lakmata mikawai.angak gatung Petrus ya Yesus gatangleh megamungmide gagesa. ³³ Ganintuubo ganiygakiybo gesakola-sakola guileitelei,Yesus ga Petrus gesahbo gakawai"angoewe,ala katiy"minatunggasi ilabiy Latala gelakgemata gosuina,ganintuubo bukta wisikata genmakang gelakgeng imungmigosui. ³⁴ angaleleia Yesus sa Ga anma anungmang ya gesakola-sakola guitibo Ga kawai megotaninte."mageng ga noimbang,gakul geisa migawatinte,ganinte palbonga gawalete,gasakbo ganoi. ³⁵ Ganiak,makona geng gekangsila gegalilbang gekangsila gaya gonade.ganintuubo makona geng nalakgatung gekangsilanade gasakwete injil ganimbang gaya kangmal mitatawaiy. ³⁶ Bukdakata gaima enang ganmante ekangsila gonadembang minau angmi egatawiy. ³⁷ Minau anma mikopangbo me gekangsila manale ? ³⁸ Makonageng ya nelakbile goleita inadungmok bo mesingna gasakwete bokagasami,ganimbang anmakang gedumluuwete gogakiyne sa geleita gayagewatumi gepa ya Malaikat gesinama ganeng gayame.