Latalla Geukang Ya Anmakang Gegamabung ¹ Gasakbo Farisi genmkanga geitawah wai Taurat genlaka meganendebo ya Yesus gatade. ² Galeisa Sakola ganungsu ok gei gatang dakungak me abekofa gofung bokate. ³ Gante Farisi genmakang wai Yahudi mutiy gatang mutia biy limegogasadena te gafung ganimbang gabiy katena anga megesul muisa genagwe . ⁴ Yahudi genma mutia gasue anungmang midesa gatanggenga tana goside na gabiy nuakatena. ⁵ Gasakbo Farisi genmakang ya Taurat genglak mutia ga Yesus gemang minau gatung Gesakola mutia gabiy ateng genang wente nuakatena?" ⁶ Yesus sa Gagebai Yesaya ga wongdia nga sol meilbo iruma buta gobo gobilenia atamang bo ako gawauta nolu noparu ganmante gemunga niteokiy. ⁷ Gegaima galilwebo nolu noparu gemungami tafasing ganmante ga nua galna-na me anmakanga gagebai. ⁸ Latala Gewonglakka ibiy goina,ganmante anmakang genising gelasingsak igofung . ⁹ Gasakbo Yesus sa Gagebai sulkufa debo ime Latala gelak gasikiy ganiak gatung inising ilasing sak igofung. ¹⁰ Musa ga kawai ukui epa golugoparu,mageng ukui epa geboka gegasa dembang gala ukangmi yagogabode. ¹¹ Ganintuubo ila kawaing nok-nok ikang kawai gukui ya gepa ya minau konao mitatawiy minaiu konau migatafanembang boka gasa. ¹² Gasakbo ibiy itanglakiy teme gatadina minaiu gobai gasakbo ibiy iatang gakiyna manai gagobaite megukui gepa gatadi. ¹³ Ganiak Latalla gelakbila igedibo me atengbo minising milasingsak angak genangwe gasakwe itana nua nokde-nokde gobai . ¹⁴ Gasak bo Yesus gawai guiti sakbo gebaitesoke ,igaima nalak nowaising gasakbo nenang goi. ¹⁵ Bii nuanokgei wisikatami tawe anmakang gemung mide. Gemung gobaite boka dena. ¹⁶ Mageng gawaigo, bang gowaisingi! ¹⁷ Gasakbo angwatu Yesus sa gotawe kadiy mide, ganintuubo anmakanga biy gekang angmina.Ge sakolah-sakolah gemang,lak gesola tauganing,ngasak bo gawai gebai telai ilakwe iymitang . ¹⁸ Gasakbo gawai gebaitelai, ilakwe i gatafanena? I biy inglakna, minai geng wisakatami anmakang midangbang,anga biy geboka gona? ¹⁹ Gasak minaigeng tawe tawamide anga biy tei ih minabo tatomi gasakbo mea ahpida migabarwe . ²⁰ Ganiak gatung gesu nate geboka gona angak gatung Yesus Ga kawai minai geng anama gawa goiyame angak geng boka nate tapila angakgatung Yesus sa Gakawaibo wangma gaima biy foina." ²¹ Anmakang gemung miyamesa anga boka gasa; tapui, taka, teipang tafung, galil kamelang,koh mayang, sul tuk-lak tuk, gemung maka. ²² Tapui,takawe, galilkui, boka gobai, anma gasiygako, anma gemakede, gaikane gaipaling. ²³ Nua boka gaima anmakang gemungmi yame, anmakang gaima boka gasa gobai na. ²⁴ Wetabo angami Yesus sa gaya Tirus sidom gerulmi ya kadiy nok mide, gegamabunga, anmanok genglakdena, ganmante anma gaima genglak. ²⁵ Gaima guilei gowaisingsa, Yesus genglak,malesak nok gagedum male katiy gai gemunga minisinmang sue Yesus golu goparu. ²⁶ Malebo anga Yunani gedu, siro, fenesia migole mang,ga Yesus migamuntai,ganinsi boka gasa (Katiylan) boite lentagoiyame dungmok gemungmi yame lenta gode. ²⁷ Gasakbo Yesus sa male boanga gebai dumkak genggesu gatopinte, dumkak ge abekofa me kui gata gabarwesa anga biy solna. ²⁸ Ganintuubo malebo anga gagogawaibo Yesus gebai"sol,Tuhan,ganintuubo,Kui mutiybo meja gimiw wete gawamolbo walsa gakulkatente. ²⁹ Gasakbo Yesus sa male gebai, i anga mikawaiak,iyangkang. katiylana edum gemungmi le lentagolemang. ³⁰ Ganiak malebo anga ga gawaitea gekadiygi gedum gatadesa Katiylana leme lentagoi femang geduma getalemang. ³¹ Gasakbo Yesus sa gawai Tirus gerulmi,sidon gegoibo ya lungwai Galilea bo Dekapolis gerulmi. ³² Gasakbo Amabo gawaimokbo kawaing boka pulte mesue Yesus gatade,ga Yesus mi gasoinsi, gatang me anmabo anga tadi. ³³ Yesus sa anmabo anga pulbo ya anma anungmang geokiy mide gasakbo gatang me anmabo anga gawai migasole gasakbo lesupia gawai gopiya gofunmang. ³⁴ Gasakbo Yesus sa adiygong mi leytete, Ga karohte milapane,gasakbo Ga kawai "Efata" gemungmi golakiy !. ³⁵ Angwatumi anma gawaia golakiymang, gopyibo tofaleleya taoh ganiak gakawaisa letatok. ³⁶ Ganiak Yesus sa anma mutia Gagesahbo lakbo anga gengmaue gebaina.Gegaimante gesahsak nungkang goluaide meyeinok-yeinokde ³⁷ Galmutia kulgogadit gasakbo gakawai Ga karnokbo gobaia gaima kang.anma gawaimokakte mea galakgemai gasawai kawaisa kang .