¹ Gasakbo Yesus sa angmi mate ya gemane gensol midemang gasakbo gesakola-sakola gaima goimang. ² Mea akuhwatu mideya Yesus sa gaile wong me anmakang sinagoge migom, ganiak anmakang adubo wong gemaia ya gogaditmang. ganiak ga kawaisa, tangmi sul akinga megeganende mang, gasakbo luai piabo anga gatangkang megobaimang ? ³ Galakte pomabo bonguu topahlute, Maria gedum, wai Yakobus genot wai Yohanis wai Yudas, wai Simon ? minatunggasi genot malele sikang akmi ako,ganiak gemunga makadebo gasikiymang ⁴ Gasakbo Yesus sa Ga lakmegebai ya taitau mideuete anmakanga Lubilinga golu goparu gantuubo gemanekangmi gasikiymang, gasakwete getamanggeli ganaimi, gekadiy midente gasikiymang. Ganiak Yesus wai angmi luaipia migafonggodena ya Gatang konau me anma su ok gobaite geimatsa gomaldemang. ⁶ Gagosuisak gegatawiyna minatung gelak gowaisingna. gasakbo gawaima me mana-mane kanahbo anma gomgapaising. ⁷ Gasakbo Yesus Ga gesakola-sakola ganung karnok wawiy ok gabosi wai rumai barangme geitadi gante mewe bokagasa gatawe. ⁸ Gasakbo gawai gama pika debo gesakola-sakola gebaibo gawai yiysama minuanok gonate gatang saka ma ya talengkonau go ya abe kofa wai sea gemo,sengue gemo. ⁹ Gantuubo iwakul luu go falakka ok terna. ¹⁰ Ganiak Yesus sa lakme gebaitesoke, ia tangmi anma gekadiy mide angmi inisingtea iya. ¹¹ Gantuubo ya weta taugeng itafane wai iowaisingna ganimbang yawatu bo miiyasa iwa gosaninte, gansi gosaksi deme kadiy adu gemeinte. ¹² Gasakbo gesakola-sakola gaima wai matea anma gaima gominsi gaima gesula migakiy . ¹³ Ganiak Ga setanga adu boimang, gasakbo gawai limunma me anmakang gobaite gomal demang. ¹⁴ Ley Herodes sa Yesus gania goluai gomaring sa gemaimang ganiak anma kawaisa Yohanis Pembaptis sa le gengkanemang angak gatung gallo luaikang-kanga geimidimang. ¹⁵ Anma su ok kawaisa gala Elia ba. gantuubo wai tiy kawaisa gala libiling ba. solmu anma libiling nok getawa ba ¹⁶ Ganiak Herodes sa ang luaia gemaia ga kawaisa akasi ang Yohanis bo gafilanga na sole ya waigengkanemang. Yohanis Pembaptis Geipanmang ¹⁷ Herodessa anmakang gabah ya pika debo yokkanisa gafung ya ba ukangmi gemungmi beibone me Herodias Felipus genot ganiy migake genang . ganiak gatung Herodessa Herodias uh tatang fun mang. ¹⁸ Yohanis ga Heroges geabite mitalesingmang. Biysolna a enot gemale geime te me enangde. ¹⁹ Ganiak Herodessa me gemungmi witebo Yohanis sa kul geipaninte, gantuubo gatosuisak tawing. ²⁰ Kana gegenglaka Yohanis sa anma sol ya anma bila wai Herodes sa gatang me Yohanis sa geimibele. Herodes sa Yohanis ganiya godingna nungkang gemtangna gantuwbo Herodes sa Yohanis kul gekanggoding. ²¹ Gantuwbo ya watubo gekangnokmidea angwatu Herodes gewatu bomigolemang genang, ganiak ga getuang-tuang ya ge subelam wai tuang-tuang Galilea wah uh lakmata kate genang. ²² Anggewatumi Herodes gedum male yame anungmangmi soyang dansa nate gogaset genang me Herodes ya anungmang gemungmal de genang ganiak Herodes sa geduma gebai minang emunga migoitaningbang anung soi ganinsi na meeng. ²³ Gasakbo Herodes sa ya gedum ganeng sumanmang minau asoimbang nanung meeng mea namungkang we meeng. ²⁴ Ganiak ang dum male mate mea gukui gebai sa nakul minau sointe? gukuia gogawai Yohanes pembaptis gafilang. ²⁵ Ganiak anggewatu mi duma puna debo ya gepa gata mi kawaisa ina nemunggoitangsa Yohanis pembaptis gafilangak meneng. ²⁶ Ganiak leila ya kul galilboka gentuwbo ikage sumannak misviyak galilla gedum gei nua bo soiya gelak goyou demang. ²⁷ Le,a genmabo ramai baranga gebohbo ya Yohanis gafilanga ba ukangmia garotmang. ²⁸ Gegesiksa ika anma bo rumai baranga Yohanis gafilanga menua tadi gasakbo meya lei gedum genmang, gasakbo lei gedumma mea gukui genmang. ²⁹ Angwatumi Yohanis ge sakola-sakola gemeiyak gegaima Yohanis geisa mebo ya falenmang. Yesus sa wangma me an makang ribu gisang geng bo katemang. ³⁰ Gamiak rasul-rasul wai Yesus gekang angmi bo rasul-rasul la minai-minai gagabai te sokembang gimea mi Yesus gebate leimang. ³¹ Yesus sa lak me gebaite soke , mansi siyme wetabu mikil luw taninte bu karoh nafe anmakang adu ya suwe sakgatung. Yanus kafe wete ramana. ³² Ganiyak Yesus wai gesakola-sakola ya geime iy tadebo weta kil midemang. ³³ Gantuwbo anmakanga adu gegafe bo gogenglemang ganiak anma adu gei yiybai apenga goi bo ya gesu Yesus wai gesakola-sakola gewate midemang. ³⁴ Yesus sa angwatu mi mate ya liwai gamung mideya galeysa anmakanga kul adu maka ganiak galilla ku gemboka solmi lubang kapiy bo genma gonak getawa,ganiak Yesus sa wai angmi lakka odu maka megomte leimang. ³⁵ Le watu ya poh apale,Sakola-sakola sue Yesus sa gebai, wetabo ako mikil wai le tinsama demang. ³⁶ Anmakanga gaboh bo giya ganinsi gaya mane apenga mi nua baile bo gekate. ³⁷ gantuubo yesus sa gogawai sa akasi ingkul wangma megeng bokate gesakola-sakola gogawai, ganibang niwai kul ya abe kofa dinar asa ok baile wai megeng bo gekatente? ³⁸ Yesus sa wai gogawai abe kofa talesing gei iata? gaua guilei te soke sa gakawai, abe kofa gisang wai akma ok. ³⁹ Gasakbo Yesus sa gebaitelei gaima saktami waite nising. ⁴⁰ Anmakanga tamangmana wai te nisinmang, tiy anma asaknok tiy anma kargisang. ⁴¹ Gasakbo Yesus sa abe kofa gisang me wai apma ok me, gasakbo galeiteme otung adiya taninte gasidu migasoi gasakbo abekofa mikadiy te tamangmanade. Me gasakola-sakola geng gansigame anma adu geng bo kate,gasakbo Yesus lue apma ok me anmakang adu gotilonmang. ⁴² Ganiak anmakanga nua kateteya gato pimang. ⁴³ gasakbo anmakanga abe kofa ya apma so karnok wawiy ok gogaleh bo gemete laimang. ⁴⁴ Wai lamsaka ribu gisang ge abe kofa katemang. Yesus Lita Mimamang ⁴⁵ Gasakbo Yesus sa gesakola-sakola lak pika me gaboh bogesu me iyta gete bo mate ya. Betsaida mi demang,gaile anmakanga gabohbo mamang. ⁴⁶ Gasakbo gesang angmi tawai bomaia Yesus sa me bukta goigete bo akuh genang. ⁴⁷ Lea tinsama desa sakola-sakola lea liwai samami gantuwbo Yesus sa gafa tana auka tami. ⁴⁸ Galeisa gesakola-sakola iy bugoma sa gearah gante silai bopulsak nung gakila me iy bo gaminisiyak taninte,moya tinsama bo gebiat,Yesus sa Ga lita mabo ya gesakola-sakola lenungmi gawinte genang. ⁴⁹ Gantuubo galeite sokesak Yesus sa litamabo sue yak gemungmi nua boka geng suemba,ganiak geigaima gama megeitadimang. ⁵⁰ Gasakbo ga Yesus gatakiak gebiemang.gantuubo Yesus sa Ga uhtokawai,iram,biena Neng ako. ⁵¹ Ganiak Yesus sa me iyta gete yak silaibata bomeyak nunggogarammang wai gesakola-sakola kulgemtangna. ⁵² Ganiak gesakola-sakola luai pia abe kofa gisang bo migafonggodeya tana migemtangna kana gemungak gaima mikui. Yesus Anma Adu Gobai Te Gomal Demang. ⁵³ Ganiak ya Yesus gesakola-sakola iymibo mayak suwe Genesaret mane mi getamai mang. ⁵⁴ Ganiak gaile iyta misiyte soke, anmakanga le Yesus sa genglakde. ⁵⁵ Ganiak anmakang adu takboya manegaimami anma geimatta geini bome bara tadibo suwe Yesus gatade. ⁵⁶ Ganiak Yesus sa geime manetau tante, anma gaimatta leme anma anungmang ganayami Yesus gadiyle gansi Yesus sa suwe gatadembang gaile Yesus gefalak aifang konau gofungsak lenung geimat sa maldemang.