¹ Gaile ya wai yeinok Gadara gemanimi. ² Ganiak Yesus Ga iymisiy ya anma nok kataigeng mi katia geitanisiniya puna debo sue Yesus mitatawiy. ³ Ang anma katai gengmi genising biy anma taduka debo geifalna ,Tafoda kape we wete tawing. ⁴ Tiyna geifal geigiy mea gewa tafoda kape mefal gantuubo genua gopata wai anmanok luete migamaina . ⁵ Tinsama watu mikanah bo gataigeng wai bukta mi kailakide,wiyme geno geisa gobaite longlamu de . ⁶ Gantuubo ga okiymi Yesus gatakiyak ga tak tea Yesus gatami golu goparu mang. ⁷ Ganiak ang anma atena it te gama pikadebo yakawaisa minang sinok sirena Latala gedum lambo yatung linsamami ? na miamuntai Latalla noukangna . ⁸ anga ganiak Yesus legebaimang hei katiy boka gekang ako anma geruma mi emime lentagole . ⁹ Gasakbo Yesus Ga gemang,aniya ma?" gagogawaisa nania Legion nila ninungmang. ¹⁰ ang anma ga Yesus migamuntai temoi ganinsi angweta mi geiboina, ¹¹ Yamung pebata lotangnok bukgala minuakate . ¹² Gahbo katiy gada Yesus migasoisa akasi A nibosinsi niymewe ang pe pe gemunga goi niwe. ¹³ Yesus Ga gelaka goyuu demang ganiak katiy boka mutia geime pe gemung gewebo gosuisa mo ribu ok gaima taktea me wai katang mimutangbo gonademang. ¹⁴ Ganiak anma bo pegoyaka mutiya getaktelei bo lakmea mane-mane kanah wai anmakang ganeng goluai gomaring bo nuami gafonggodeya guilei. ¹⁵ Ganiak anmakanga sue Yesus gatadesakbo ika anmabo katiy boka gotaning wai legion genma le nisingbo falak gegodemang wai gomal demang ¹⁶ Gasakbo katiybo anma gemungmi gawai mepegemunggoi getesakbo takbo me karagoi gesiy angak goluaide. ¹⁷ Gasakbo anmamutia gaya Yesus gebainsi weta angami migaduh. ¹⁸ Gahbo angwatumi Yesus Gate iytadea,anmabo katiygai gosubiytea ga sue Yesus migasoinsi gallo gal uh de. ¹⁹ Gasintuubo Yesus sa biy goyuudena,ya Gagebai.,anungmi awaibo ya eli etamang gatade.ganite minau emtatawiymang gopiysarteme gebai nate goluaide.ganinsi Tuhan na galila etamanade. ²⁰ Gasiak anmabo anga minai Yesus geigobaite megatadimang goluaidemea Dekapolis genmakang gebai ganmangsi anmakanga gaima gogaditmang. Yairus Gedumma Gobaite Gengkanemang Ya Malebo Wegei Goitaliysa Gobaite gomalde. ²¹ Angwatumi Yesus Gaya iytadebo ya geinok mideya anmakang adu bo Yesus waigawa tami geitawah. ²² Ganiak Sinagoge gegafilang gania yairus gasuwe Yesus guilai, gahbo gasiy Yesus gewagalami golugoparu. ²³ Gasiak ga Yesus migamuntai sa akasi nedum male kiding nadi gabodemang.Asue atangme geitadinsi gomalde. ²⁴ Ganiak Yesus wai Yairus ganok mamang.gantuubo ganung okma.gantuubo anma anungmang bo Yesus goibo ya gowaimang. ²⁵ Gasakwete malenok tung karnok wawiy ok ge wegei gotawiy. ²⁶ Gala le lubilinga adugei sue gobaite gamalde ganiak karnoka legataleimang ganmante gefadia nung meganende. ²⁷ Gemaisakte Yesus sa sue angmi angak gamaya anmakang anungmang ganaisamami gejuba gofung. ²⁸ Male ga kawai na gejuba konau gofungsak ganomalde. ²⁹ Angwatumi webo gotawiysa sit ganiak geisa legomaldemang. ³⁰ Yesus genglakbo sinamabo geihmi melentagolemang ganiak anungmang ganaisamami ga migakiy sakbo gakawai :" mageng nejuba gofunmang?. ³¹ Gasakbo gesakola-sakola gagebai,anma bo tolutiy toma ganaimi mageng ejuba gofunmang? ³² Gasiak Yesus sa Ga taileibo anma bo gejuba gofaneya gate. ³³ Ganiak ina nuabo migafonggodeya ilanmangsi malebo anga gebiebo gasue Yesus gatadebo gaimabo solak Gamikawai teme gebai. ³⁴ Ganiak Yesus sa Ga malesak kona gebai nedum,emungsol geng obaite omaldemang. kangakmi awaitea elietamang gatade". ³⁵ Yesus sa Gatana kawaisak Sinagoge gafongfunmang mutia sue gebai ? edumale gabodemang minatung gur gemung gasiy. ³⁶ Ganmante Yesus sa Gabiy gowaisingna sinagoge gedu Gagebai ibiy ibiena alila megorumai. ³⁷ Ganintuubo Yesus sa Gabiy anmanok dewete goyuu debo goina,ganmangya Petrus,wai Yakobus wai Yohanis,Yakobus genotle genggafa goi. ³⁸ Ganmansi gaya Sinagoge gegafilang gekadiy gemung midea galeisa anmakanga kata-kata debo taniy maling mikil ote nungme gete . ³⁹ Ganmante Yesus gatawie kadaiy gemungmidebo gagebai,minatung kata-kata debo mitayampi ako? duma biy gabodena ganmante nung talemang ⁴⁰ Ganintuubo ganung Yesus sa gatayei. Ganiak Ga gabohbo anma anugmanga yalenta goife ganite Yesus sa Ga dum gukui,ya genmakanga gesoi,tawe kadiy gemung mi dum gatade. ⁴¹ Gahbo Yesus sa Ga dumkiding gatanga gofungbo gebai,"(Talitakum gemungmi male kiding ganiak Yesus Ga gebai asole!". ⁴² Dum male legasole lasing ya gaile mate gewe geme,gala getung karnok wawiy ok minaugatung gasi anma kanga ako biy gemunga misiyna. ⁴³ Gasiak Yesus sa pika debo dum gukui gepa gebai ganinsi gabiy goting gotong debo anma anungmang genglakdena ganmante duma nua megeninsi nua gekate.