¹ Gasak bo Yesus ga tame gawetami anma gaom, anma adugai suwe Yesus golol goway, ganmansi gawe tame waimi ii tami nising, anma adugai sua buktami tamegawatami. ² Gosak bo ga lak mata adu me anma gaomgafasing anga: getamungdi-getamungdi. Ga wong getaitang me kawai ³ Gowo gaisingo! anma nok tefebeh gedu gafa tafe beh. ⁴ Ganmansi gafonggaodaya, watu bo ga tafe behsa, buni kabii ya yii bai gawa go mutang gesak bo tii atii gada suwe kate. ⁵ Kabii me ya funung bo wi serapii mi mutang. Wii serapii bo funung maneh luii karii na bo bumi gabota tang. ⁶ Watu watipuh tatang ke pilade, bun gada gobo tatang ganmanti alisii na si gunung auke. ⁷ Kabii we bilakii nasaring ganai mi mutang, gasak bo bilakii nasarang gada gobo tatang buni gada gaput ganmansi buni gabode aganmansi ih maleno goimena. ⁸ Garuntu bo, kabii we funung kang mul sidamang mi mutang, gobotsng batade, geih gemale goi me ya, kae su mi ok, kartama mi ok, asakhii mi ok. ⁹ Gasak bo Yesus ga kawai, mageng gawai go bo gowaising, geningbang gegowaising. ¹⁰ Watu Yesus gefakona, anma gata bele le ge sakolah ganung karnok wawiiom suwe karnok bo bukta getamungdi sa ge gemang. ¹¹ Gasak bo ga gowai, latala gelak bunta bo surga mi le me ibai mang. Ganmante anma apenga getamungdi nate gotafuinte me gebai. ¹² Ganinsi gai gegate gan mante solmi gegatenak getawa, gaigemai ganmante gabii gosui gopanai ganinsi bii gemung migakhirna, bii gobuh gogakhena ¹³ Gasak bo Yesus sa gibai, ibii bukta getamungdi sa inglakma? Itaiganiminte bukta getamungdi sa gaima inglak de? ¹⁴ Tafe beh gedu gala solmi latala gewong lak goluwai desak gal. ¹⁵ Gal motiya solmi mesii yei bai gamungmi mutangsak getawa, wetebo wonglak goluwaide gal. Watu bo gemaisa katii gada suwe wonglak bo goluwidafa me katii mibila. ¹⁶ Gasak we te anma bo sii funung wo bii tunii mi, anga anma bo wonglak gamai bo gogano gogapah sak gal. ¹⁷ Ganintubo geli bii sii geihmi lapang lasingna. Gesak bo watu taipang tafung, bokha gasa gai suwe bang ge iman le mutamang. ¹⁸ Gasak wite apenga bo sii bilakii nasarang ganai sama mi mutanmang. Gal motii ya anma bo wonglak gowai siniyak gal. ¹⁹ Ganmante buktami imung gotawai gatalede, sul tuk lak tuk, nuwe piya-piya le sinang kawasabilil me gosui, angak geng me wonglak taitang lak gadegaputsak gatung bii ih male dena. ²⁰ Ganintu bo anma me funungkang tafe ya anga solmi anma bo wonglak gawaising, gatafane anga ihmale mesa, karsu me ok, asa nok me ok. ²¹ Iking ehsa pelita buh meya baragi mi ba? Nate me ya saitiyak gemi miba, iking eh sa bii me ya linsamami mina? ²² Gasak gatu nuwabunta nok bii go it go mali na na. Gasak wete lak bunta nok bii goelang na na. ²³ Mageng goway go bo gowaising, ganungbang gegawaising. ²⁴ Gosak bo Yesus gagebai, minau imaing bong i gasui gopakhingte. eh bo i me to eh sa, angak wai me iyao eh, wai tana apenga me ganendan te. ²⁵ Angak gatu mageng nua gata, wai me ganende, ganmante mageng nua gatama, minau geng gato bang wainungngatame. ²⁶ Gasak bo Yesus ga kawai latala ge wong laka solmi bun getawa bo me funung mi tafe sak getawa. ²⁷ Tafe beh gedu tiisama watu ge tale-talesa ge bun gada guipuh bo botatang sa tafe beh gidu bii genglakma, tanga ninte bo tetang. ²⁸ Fununga genonung ih male de. go sol-sol kanga gobotatang, gosak bo gekik gada goime, gesak bo geih ge made gadagoime. ²⁹ Ge watu mide bo geih sa le tena maledang bang anga le gangme gaboi ge leng midentu, anma anga le longlong ya gangme gaboi. ³⁰ SAWI BILE GETAMUNGDI Gesak bo Yesus ga kawai, munaukona si me latala gekang gemali getamungdi? Nate getamungdi bo toningganingu se me getamungdi? ³¹ Latala ge kerajaan solmi sawi bile bo me funung mi tafesak getawa. Gala geng sawi bile bo kul menaka bo buktami apenga ganii mi, ³² ganmante watu tafe ya sawi bile bo anga gobotang batadebo mutta sopa milami migawinte gasak bo gaoting gabang batode ganmansi atii motii gada suwe gapai gi mi wali mi ³³ bukta getamung di bo angata adu makha angak Yesus ga wonglak goluway gomaring te me i bai, solmi le imai fak gal. ³⁴ Ga lak kawaisa bii bukta getamungdisa nok gotapang na, gagaima mipakhade me ge sakolah-sakolah gafa gebaimang ³⁵ Watu bo angmi ya posiya Yesus ga gesakolah-sakolah gebai, mansi siya tame kadat tung mide. ³⁶ Anma adu angmi gedi, Yesus le ge sakolah-sakolah gekang ya Yesus gewate mi te ii ta mide. ii apengak we adu gai angmi. ³⁷ Ganinde silai bata suwe, tame gada poita batade batade me ii ya gobeh, ganmansi ii ya li gai olemang. ³⁸ Ganmante Yesus kapal gemungmi bantal tami getale gopangmang. Gasak bo sakolah-sakolah ga Yesus gatang bo ge bai, guru, menaugatung abii seyosuinabo, ganinsi nung getabode? ³⁹ Ganmansi Yesus gasplle bo ga silai ya garamang ya tamewe rama-ramademang. ⁴⁰ Gasak bo Yesus ga kawai. Minau gatung i bi ye? Tana i iman go na? ⁴¹ Gaima gebiye sak bo tawing tebai, mangeng akho gatung, silai bata le tame gaubusinta akho!