Akuh Watumi Yesus Gai Matta Gobaite Gamaldemang ¹ Yesus tawe akuh kadiy mide sa, angmi anma nok gatangnga nok gomang. ² Ga Yesus gasu gasugatiylensi Ga anma geimatta gobaite gamal dembag boka megofung ³ Yesus Ga anmabo gatang gokta gaboh bo gasole lasing,gagasole sansammi lasinmang. ⁴ Yesus Ga galmutia gemang! akuhwatumi anga kangre bokau gobai gobaite gengkanere nung geipang anganiak galmutia nung garammang. ⁵ Yesus sa Ga gatagamung milei gasakbo galilmakade galilboka debo me anmabo wiybong getawa nate gasakbo anmabo gatang gohta Ga gebai atanga gasole,ga gatanga gasoleya gatanga maldemang gohtana gagenang goi ganiak gatanga maldemang. ⁶ Ganiak Farisi genma gasole getak bo ya Herodian genma gekang tofasing ganinsi Tuhan Yesus geipang. Anma Adugei Yesus Goi ⁷ Yesus sa Gagesakola-sakola geokiybo gaya lungwaimi ganmante anma adubo Galilea gebukmi ya Yudeami angak wegoi. ⁸ gasakwe Yerusalem mi, Idumea mi,Yordan gensa yeinokmi,gasakwe Tirus gerulmi,gasa Sidon gerulmi watu anma adu geigomaibo Yesus Gagobai,mesue gatamide. ⁹ Anma adukgatung Yesus Ga gesakola-sakola gebai ganinsi gawai iynok meganende ganinsi gawai nasorangna . ¹⁰ Gante Yesus Gaile anma adu gobaite gamalde angak gatung anmabo fadiy ganenga mitasorangbo suensi Gagobaite gamalde. ¹¹ Gasakbo Roh dakung gei Yesus sa gegate, gafonatami golugoparu gasakbo ga it : ala Latala gedum" ¹² Ganmante Yesus Ga galmutia pika gesah bo galama,anga mikawaina gahbo Yesus sa Gapika gesa. ¹³ Gasak bo, Yesus sa Gate bukta mide anma anungmanga guitibo meme gekangde gasakwe sue gatade. ¹⁴ Yesus ga anma karnok wawi ok gotai, gamingsih Yesus gekang, gasakbo, ga gabo ya wong kawai. ¹⁵ Gase ga rumai barang megeng ganingsih me setang boi. ¹⁶ Yesus ga ganung karnok wawi okbo gotaiya: Simon (Yesus ga gamimeya Petrus). ¹⁷ Yakobus gedumle Yakobus ya Yohanis (Yesus sa ganiy apenga meganendea Boanerges,gemungmi"gur gedumle.). ¹⁸ Andreas, Bartolomeus,Matius ,Tomas, Yakobus,Alfeus gedum,Tadeus,Simon Zelot wah, ¹⁹ gasa Yudas Iskariot galbo Geimi gabokemang. Yesus Gerumai Latallami ²⁰ Gasakbo Yesus sa Gaya kadiynokmi anma bosor sa wai angmi geitawah ganiak Yesus ya Gesakola-sakola Gagebai abekofa katesa boka . ²¹ Gasakbo geligetamang gagemaiak gasue Yesus sa pulbo migawai gasakbo Gakawai galabiy wai tatokna. ²² Taurat migenglak mutia gaYerusalem misiy gakawai gala belsebul geng gemungmi temang katiylan gegafilang gerumaimi gata katiylan apeng boi ²³ Gasakbo Yesus sa Gaguiti sue gatade Game getamungdi genagmi kawai tota katiylan na gawai katiylan na boi. ²⁴ Leinok gerumaia migawai migalede mewe tawing tenang kaiti ganimbang rumaia gona ²⁵ Gasakwe kadinok mitiy-mitareke, bo tawing tenang kaiti ganimbang kadiybo anga biy rumaina. ²⁶ Ganmante Katiylan na gasole tawing tenang kaiti nate mitamanmane gasimbang gewonga gonade. ²⁷ Anmanok gabia anma bo rumaiya gekadiymi genuanok mena ganiak anma bo rumaiak gesu faltemedi ganingbante gaya angmi takawe. ²⁸ Gesolak name ibai,anma kang gedum getapila ya gelakboka gobuh, ²⁹ Ganmante mageng Roh Kudus geboka bai anga getapila biy gobuhna gewia. ³⁰ Ganinte Taurat migenglakia gakawai Gala Roh boka geng gosubiytemang. ³¹ Gasakbo Yesus gukui ya genot genaka sue kadiy wisika melasing anma gaboh bo gatawe gebai. ³² Anma anungmanga Yesus gebele nising bo gagebai," alai,ukui ya enot enaka eikia te fefamung lentago. ³³ Yesus sa Gagogawai mageng nukui gasa nenot nenakang ? ³⁴ Gasakbo anma anungmang gebele nisinia gaguilei ya gakawai ilai akok nukui akok nenot nenaka . ³⁵ Ganiak mageng Latalla gegamabung goi angak nekak nenaka lam nate male nate nukui .