1 Undian kaduada na naouda tubana kabisu Simeon, ne paburru wali waina Simeon dekudi ngarakuwa ole dadina. Milika pusakada needi tilluda milika pusakada paburru wali waina Yehuda. 2 Bage, Milika pusakada hida ata Beersheba, Sheba, Molada, 3 Hazar-Sual, Bala, Ezem, 4 Eltolad, Betul, Horma, 5 Ziklag, Bet-Hamarkabot, Hazar-Susa, 6 Bet-Lebaot monno Saruhen; Kabullu touda kota monno desa-desada. 7 Ain, Rimon, Eter, monno Asan; Pata kota monno desa-desada, 8 monno ngarakuwa desa awoletage kota dukki Baalat-Beer, ne Rama, nee bali selatan. Nyadu milika pusaka kabisu paburru wali waina Simeon dekudi ngarakua ole dadina. 9 Milika pusaka paburru wali waina Simeon walida wadde paburru wali waina Yehuda, orona hida torana Yehuda allu kalada pongnguna. Nyaka paburru wali waina Simeon nadeiba milika pusaka wadde wali milika pusakana Yehuda. Tanah torana Zebulon 10 Undian katoudana nalouso torana paburru wali waina Zebulon dekudi ngarakuwa ole dadina. Daerah milika pusakada dukki nee Sarid. 11 Watte da napenne pakitana bali barat pakitana Marala, nuduwe Dabeset, bage nuduwa loko a kokora aro nee Yokneam. 12 Na watte na elena wali Sarid aro timur, pa ouda waina mataloddo, pakitana watte dana Kislot- Tabor, pakiktana Dobrat, bage, pakitana yafia. 13 Wali nee pakita patirrina timur, paouda waina mataloddo, pakitana Gat-Hefer, pakitana Et-Kazin, aro Riomon, bage kako aro nee Nea. 14 Bage na watte na elena bali utara Hanaton, monno na dukkana ne tebarana Yiftah-El. 15 Kolege Katat, Na-halal, Simron, Yidala, monno Betlehem; kabullu duada kota monno desa-desada. 16 Nenyaba milika pusaka paburru wali waina Zebulon deku ngarakuwadi ole dadina, kota-kota monno desa-desada. Tanah Kabisu Izakhar 17 Ne paburru waliwaina Izakar, na ouda undian kapatana, paburru wali waina Izakar badekudi ngarakuwa ole dadina. 18 Daerahda nyadowe Yizreel, Kesulot, Sunem, 19 Hafaraim, Sion, Anaharat, 20 Rabit, Kisyon, Ebes, 21 Remet, En-Ganim, En-Hada, monno Bet-Pazes. 22 Na watte nanuduwe Tabor, Sahazima, monno Bet-Semes, monno na watte na dukkana na Loko Yordan; kabullu enne a kota monno dersa-desana. 23 Ne nyado milika pusaka paburru wali waina Izakhar dekudi ngarakuwa ole dadina, hida kota-kota monno desa-desada. Tanah torana Asyer 24 Undian kalimmana naouda tubana kabisu paburru wali waina Asyer badekudi ngarakuwa ole dadina. 25 Daerahda nyadowe Helkat, Hali, Beten, Akhsaf, 26 Alamelekh, Amad, monno Misal. 27 Na watte nawalipalina aro timur, pakitana paouda waina mataloddo, nee Bet-Dagon, nanuduwe daerah Zebulon monno lembah Yiftah-El nee bali utara, bage napakitana Emek monno Nehiel bage aro nee Kabul bali utara. 28 Monno, pakitana Ebron, Rehob, Hamon, monno Kana, dukki nee Sidon Besar. 29 Murrina, na watte na dunni bali aro Rama, dukkige ne kota amangu tembok na, Tirus, bage na watte na dunni aro ne Hosa monno na dukkana ne bonnu wali wilayah Akhzip, 30 Uma, Afek, monno Rehob; duakabullu duada kota monno desa-desada. 31 Hida nyadu milika pusaka paburru wali waina Asyer badekudi ngarakuwa ole dadina, kota-kota monno desa-desana. Tanah torana Naftali 32 Ne paburru wali waina Nftali na ouda undian ka ennena, tubana paburru wali waina Naftali dekudi ngarakuwa ole dadina. 33 Daerahda wali Helef, wali pohon tarbantin nee Zaananim, Adami-Nekeb, monno Yabneel, dukki ne Lakum, monno dukkana na loko Yordan. 34 Murrina, na watte na dunni aro bali barat Aznot-Tabor, wali nemmi napakitana nee Hukok, na nuduwe daearah Zebulon nee bali selatan, na nuduwe daearah Asyer nee bali barat monno daerah Yehuda nee Loko Yordan, aro timur pa ouda waina mataloddo. 35 Kota-kota pawoletada temboka hida, Zidim, Zer, Hamat, Rakat, Kineret, 36 Adama, Rama, Hazor, 37 Kadesh, Edrei, En-Hazor, 38 Yiron, Migdal-El, Horem, Bet-Anat, monno Bet-Semes; kabuluu iwwa kota monno desa-desada. 39 Hida nyadu warisanda kabisu paburru wali waina Naftali dekudi ngarakuwa ole dadina, kota-kota monno desa-desada. Tanah torana Dan 40 Ne ka pittuna, ne tanah pa yawa kabisu Dan. 41 Hida nyadu tanah payawi, Zora, Esytaol, Ir-Semes, 42 Saalabin, Ayalon, Yitla, 43 Elon, Timna, Ekron, 44 Elteke, Gibeton, Baalat, 45 Yehud, Bene-Barak, Gat-Rimon, 46 Me-Yarkon, Rakon, ngarakuwa daerah barra Yafo. 47 Bage, Kabisu Dan na sulita bana kolena padou. Nee waidi gobbana hapa wessi monno atana Dan dana mudahkie bana pakalai. Atana Dan kako pagobbana lawai Lesem. Hapakalai Lesem monno pamatea ata aneena nee ba wai teko. Bage, hida atana Dan adouge kota Lesem monno apa ngarage ne kota Dan dekuge ngara kabisuna amada. 48 Hida nyadu kota-kota monno oma pa yadai kabisu Dan. Ngarakuwa kasumbu ole dadina kole dobbana tanah torada. Tanah torana Yosua 49 Abawe ba bagei tanah hida paama ia kabisu-ia kabisu, ne tillu dongada awyatawe ya kai tanah Yosua anana Nun. 50 MYORI naparitah memabai hida paama bakole dobbana monno ba ya tanah. Bage, A yawe kota Timna-Serah nee daearah kabundukana Efraim. Ne nyawe kota pabeina wali barrada. Nyaka, Yosua napa kedde kota monno dangngi na douge. 51 Hina nyadu tanah pabage monno pa yawi ia kabisu-ia kabisu Israel wali Imam Eleazar, Yosua anana Nun, monno ngarakuwa paama ia kabisu-ia kabisu nee Silo bapa kuwana aro kemah arona MYORI. Ne bahinna nee ba lyolyobai ba bagei tanah.