¹ Nyaka nakuwa kuwana ngarakuwa ata Israel ne Silo, bage apadede kema padau papakuwa waida nee, orona ne negeri ama nyerahbana barrada. ² Asisapo pittu kabisu ne tilluda ata Israel da kolepona milika pusakana. ³ Bage, napanewe Yosua barrada ata Israel, "pirra gaikyapo madoina you bu mowwo monno duparetaba ne newgeri pa ya bana MYORI, Allah ama kawedamu hitti aulluna ⁴ Pede touda ata wali ngarakuwa kabisu, monno ka kapamendera wekkina baku patukadi bawoletage ne negeri, btulisai milika pusakada pakole bada, monno ka ammidi barragu. ⁵ Monno enga bagebai pittu padou. Kabisu Yehuda dangngi nee daerah bali selatan, monno ngarakuwa ole dadina Yusuf dangngi nee bali utara. ⁶ You catata negeri pittu padou, monno ngindiwi barragu. Yauwa enga lettobagu undi arona MYORI, Allahda. ⁷ Takka, kabisu Lewi da kolekina torada, oroda ne jabatanda sebagai imam MYORI nyaba milika pusakada. Nyaka kabisu Gat, kabisu Ruben, monno ne gai kabisu Manasye adeiba babana torada nee bali timur sungai Yordan, pa yana Musa hambana MYORI." ⁸ Maka hidda ata hangu siapbana bakako.Yosua na ya perintah barrada hida ata bakako kaenga tulisada ne negeri, monno patekkina, "Kakomi, nipputa kuwa ne negeri, monno tulisa ngarakuwa ba appa waina, monno kaenga walimi barragu. Newe, nee Silo, yauwa enga tumba pongngubagu undi ne aerona MYORI." ⁹ Hida ata hangukakobada bapabaka ne negeri monno batulisai hida kota daftar dana pittu padou, bage wali bali barrana Yosua kemadana nee Silo. ¹⁰ Murrina, Yosua na tumbana undi tubada ata ne Silo arona MYORI. Nee Yosua nabage ne negeri barrada ata Israel badekudi toradou torradouda. Tanah torana Benyamin ¹¹ Murrina, na louso undian tubana paburru wali waina Benyamin dekudi ngarakuwa ole dadina. Daerah awenna undian tubada hidda ata neege tilluna daearah paburru wali waina Yehuda monno daerah paburru wali waina Yusuf. ¹² Watte nee uppuna bali uatara hida ata wali loko Yordan, penne ba li barat pegunungan, bage dukkana nee mareda benango Bet-Awen. ¹³ Wali nee, na watte napala lie Lus, pakitana tebana laddakana nee bali selatan Lus, ne Betel. Na watte naburru pakitana Atarot-Adar, pakitana laddakana aneena bali selatan Bet-Horon Hilir. ¹⁴ Na watte nama woleta, na elepakitana laddakana aneena bali Bet-Horon selatan pakiatana uppuna selayan, bage na dukkana nee Kiryat-Baal, ne Kiryat Yearim, kotada ata Yahudi. Ne nyado uppuna barat. ¹⁵ Na watte selatan nawali lawina Kiryat-Yearim, bage napakitana bali barat, monno napakita kaina nee mata wee Neftoah. ¹⁶ Bage na watte na burru pakitana lawina laddakana a neena arona lembah Bet-Hinom, nee bali utara lembah ata Refaim. Murrina, dodo lembah Hinom dekuge malouna tebana gunung yebus bali selatan, dukki baburru ne En-Rogel. ¹⁷ Bage, watte nama woleta aro utara, napakitana En-Semes monno napakita patirrikaina Gelilot pala bakatekala Adumim, burru batu Bohan, milikada ngarakuwa ole dadina Ruben. ¹⁸ Na watte napala laddakana karape lamberana bapala Bet-Araba bali utara, monno burru nee Araba. ¹⁹ Bage na watte napalage laddakana karape lamberana Bet-Holga bali utara, monno na watte nadukkana kasikkuna utara Laut Asin, pakitana mananga loko Yordan nee bali selatan. Ne nyaba watte selatan. ²⁰ Na loko Yordan nyabana watte ne uppuna timur. ne nyaba milika pusakada keluargana Benyamin, monno badeku ngarakuwadi ole dadina. ²¹ Ngarakuwa kota paburru wali waida ole dadina Benyamin hiddadona Yerikho, Bet-Holga, Emek-Kezis, ²² Bet-Araba, ²³ Haawim, Para, Ofra, ²⁴ Kefar-Amoni, Ofni, monnoGeba; kabullu duada kota monno desa-desada. ²⁵ Gibeon, Rama, Beerot, ²⁶ Mizpa, Kefira, Moza, ²⁷ Rekem, Yirpeel, Tarala, ²⁸ Zela, Elef, kota Yebus, nyado Yerusalem, Gibeat, monno Kiryat; kabullu pata kota monno desa-desada. Hida nyadu milika pusakana Benyamin paburru wali waina dekudi ngarakuwa ole dadina.