¹ Tenggarra matambanna na ata pi'a ne ponnu tana, nyaka hidda appa 'nda'ndina ana-ana mawinne. ² Ana-ana na Maromba Allah mbanna eta'i ana-ana mawinne mbaka 'mbo-'mbola, nyaka ne hidda a 'mpe-pe'ndiwi mawinne pa mbeinda ngga'i kamma ndekewi marai mawinneni. ³ Nyaka hinnangge Mori, "Ne Youwa ndakku pasellakiwa na Ngau'nggu Amatua ne mbarra ata pi'a muri wali-muri wali. Orrona na ata pi'a mba ata ndakkewa nyaka tolekanna ngau ndua kambulu ndou kinna." ⁴ Netti ponna, tengngarra nyapo Nefilim mba enga ponni ponnu tana, mbalina Nefilim ana na Maromba Allah appa ambenna ana-ana mawinnena ata pi'a monno haida lakawa mawinne apa'nda'ndi ana'nda. Nefilim ata pangarai netti ponna; monno ata papaakawa. ⁵ Kambage, na Mori na eta ndommowi ne mbokala na ata pi'a a louka pakka laddangge mbokalana ne ponnu tana, ngara kuwa pamillu atenda nyakido ne mbokala. ⁶ Na Mori na mingngirra ndengngangge ne 'nda'ndi nda ata ponu tana, ne'a hinnana na karodduka ate ndengngangge. ⁷ Nyaka, Hinnange Mori, " Ne Yowa ku pamoddawi kuwa a kako waina ti'ana ne ponnu tan; ia ata, ngarra ranga, mono ngara kuwa keila a lera ne bo'ndo ne Yowa kuminggira ate denggadi ne mbaku pa n'da'diwi." ⁸ Takka nebahinnawe, Nuh na kolege maringgi malala a wali mbarra Mori. Nuh mono Wee Bah ⁹ Nehinnawe lara pa lina mandi'ina Nuh. Nuh a tindinai, nda ata katadakiwa nettipona, mono ne moripana engngai mbarra Maramba Allah. ¹⁰ Nuh mangngu ana na a touda kabani neida: Sem, Ham, mono Yafet. ¹¹ Ne'e a ngaina ponnu tana na bonnuge pa lummuna mono buttu ate. ¹² Ne banna etawe ponnu tana na Maramba Allah; mono bana madawuwe oroda ngarra kuwa ata ndandua patanda mono tolekada ne ponnu tana. ¹³ Nyaka, hinnage na Maramba Allah mbarra na Nuh, " Ne Yowa ku watebawe bakku pamokdawi ata pi'a ne ponnu tana oro mbabonnuna parawida da duwa.Nya nebahinnawe, Kupamokda dengngage ne tana. ¹⁴ Raini na ia tena wa'i wasu Gofir, raidi koro-koro tena dana, mono padappetadi dengngadi ter ne nenyanana mono jounga. ¹⁵ Nyaka ne mbahinnawe raini ma louna touda ngau hasta, dapina limma kabullu hasta mono majetana touda kabullu. ¹⁶ Raini mawona na tena mono ka bawe ne ia doppana ne tuma bo'ndo tena, raige binna nekarape tena, mono raini touda katekdina ne tena ndana; ponnuna, tilluna, mono mbawa. ¹⁷ Nyaka, nebahinnawe kupa keddewa wangu kaladana neponnu tana gak'i kana pa mokdawa garra toleka ne kabu lamgita. Ngarra kuwa a wak'ina ne ponnu tana na mate. ¹⁸ Takka, Ne mbahinnawe ku raige ia pa tekkigu ne barramu, mono ne yok'u tamawu ne tena dana, yok'u mawinnemu, ana-anamu, mono mawinne'da anamu a nekna barramu. ¹⁹ Ne yok'u ka ngindiwi ia be'i ia mane nggara kuwa ranga ne ponnu tana ne tena dana, ia mane mono ia be'i ngnga'i kakarawada moripada ne barramu. ²⁰ Neida keila-keila deikuge dede douda, ranga -ranga dekuge dede douda, mono kawikdu kawokdeka dekuge dede douda hidda. dwada wali dede doda a kona barramu ngnga'i kakolena toleka. ²¹ Nginndi marengnga denggngadi kuwa pawukku pangnga'a pakuwadi pangnga'amu mono pangnga'da hi'da". ²² Hinnawe papawillina Nuh dekunge paparetana Maramba Allah barrana.