¹ Neniawe lara mburru 'nda'ndina Adam. na Maromba Allah napa nda'ndina ata pi'a, mbanapa 'nda'ndindi ndekungge ne Toundouna. ² Allah napa 'nda'ndina kambani monno mawinne. Ne loddo papa'nda'ndi wainanandi, Allah napa maringngiwi monno napangarandi "ata pi'a". ³ Mbalengngapa ngau touda kabullu ndouna Adam mbanna toleka, niaka amanai iya lakawa kambani papa 'nda'ndina, a hinnana touna, monno na Adam napa ngarani na lakawa Set. ⁴ Pondo ngau ndouna Adam mbali 'nda'ndina Set, monno wa'indommopundi anana a kambani monno mawinne wadde. ⁵ Nyaka 'nda'ndi tolekanna Adam ne 'nggaina iwangau touda kabullu ndu'a'ndanna, wuddi na mate. ⁶ Ne mba ngau lima ndouna Set mbanna , nyaka amanai iya lakawa a ngarana Enos. ⁷ Pondo ngau pitu ndouna Set mbanna toleka mbali 'nda'ndina Enos, monno wa'i ndommo pundi ana kambani monno ana mawinnena waddeka ⁸ Niaka 'nda'ndi tolekanna Set ne a 'nggaina iwa ngau kabullu ndua'nda douna, wuddi na mate. ⁹ Neba iwa kabullu ndouna Enos mbanna toleka, niaka ama nai na lakawa a ngarana Kenan. ¹⁰ Pondo ngau kabullu limma ndouna Enos mba'li 'nda'ndina Kenan, monno wa'i ndommo pundi ana kambani monno ana mawinnena wadeka. ¹¹ Niaka toleka 'nda'ndina Enos ne a 'ngaina iwa ngau lima ndouna, wuddi na mate. ¹² Neba pittu kambulu ndouna Kenan mbanna toleka, niaka ama nai na Mahalaleel. ¹³ Pondo pata kambulu ndou ndommo ponna Kenan mbali 'nda'ndina Mahaleel monno wa'i ndommo pundi ana kambani, ana mawinne wadeka. ¹⁴ Niaka toleka 'nda'ndina Kenan ne a 'nggaina iwa ngau kambulu ndouna wudi na mate. ¹⁵ Mbalengnga pa enne kambulu ndouna 'nda'ndina Mahalaleel niak ama nai lakawa a ngarana Yared. ¹⁶ Pondo ngau touda kambulu ndouna Mahalaleel mbana toleka mballi 'nda'ndinaYared monno wa'i ndommo pundi ana kambani monno ana mawinnena wadeka. ¹⁷ Niaka toleka 'nda'ndina Mahalaleel mbanna toleka, wuddina mate ¹⁸ Neba ngau enne kambullu nduanda ndouna Yared. Niaka amanai Henokh. ¹⁹ Pondo ngau ndou kiapona Yared mbali 'nda'ndina Henokh, monno wa'i dommo pundi ana kambani ana mawinne wadeka. ²⁰ Toleka 'nda'ndina Yared ne'e a nggaina iwa ngau enne kambulu nduada ndouna ponna wuddina mate. ²¹ Neba enne kambulu limma ndouna niaka Henokh amanai Metusalah. ²² Henokh engangge mbanna mbarani Maromba Allah ne a tounda ndouna mbali 'nda'ndina Metusalah, monno wa'i nommo pundi ana kambani monno ana mawinnena wadeka. ²³ Niaka toleka 'nda'ndina Henokh nee a nggaina touda ngau enne kambulu lima ndouna. ²⁴ Nee a pai loddona Henokh nappa lolo ndengani Maromba Allah mbage kanna muana na Maromba Allah mbanna keketambawa. ²⁵ Neba ngau pondo pata kambulu pittu ndouna Metusalah niaka amanai Lamekh. ²⁶ Pittu ngau pondo pata kambulu nduanda ndou kiaponna Metusalah mbali 'nda'ndina Lamekh monno wa'i pundi ana kambani ana mawinnena waddeka. ²⁷ Nyaka toleka 'nda'ndina Metusalah ne a nggaina iwwa ngau enne kambullu iwwa ndouna mbuddina mate. ²⁸ Mbalengnga pangau pondo pata kambulu nduanda ndouna Lamekh, niaka wa'ini a iya ana kambanina papa 'nda'ndina, ²⁹ Niaka na lakawa kanna pangarai Nuh. kahinnangge "Na lakawa nia a yawe ndeta enge engge mbaran nda ngara ndukkanna ata ndopana monno amawilla ndengangge parahinana welina ne tana papawillina Maromba Allah." ³⁰ Limma ngau iwwa kambulu lima ndou kiapona Lamekh mbali 'nda'ndina Nuh, monno wa'i ndommo pundi ana kambani ana mawinnena wadeka. ³¹ Niaka toleka 'nda'ndina Lamekh ne a nggaina pittu ngau pittu kambulu ndouna Lamekh wuddina mate. ³² Mbalengnga pa limma ngau ndouna Nuh, niaka ama 'ndai Sem, Ham monno Yafet.