¹ Nama Rommba Allah napanewe mbarana Nuh, Tamawu nee tenadana, yo'u mono ina ummamu, orona ku etangowe tole kamu atinndina ne tillu ndongada aluwa mangedana. ² Mono nginndi ia mane ia bei hidda ranga awaina mbarra mu, aerri mono ndaeri. ³ Mono nginndi ommoni ia mane mono ia bei keila abisa paka rawamu ne ponnu tana. ⁴ Neba, na dukki ne lodo akapittuna ne youwa Maromba Allah kupa mburuni naurra aekagai neponnu tana apatta kambullu lodo na mono apatta kambulluh geddena ne yauwa Maromma Allah kupa modda muddikawa ngarra kuwana awaina ne ponnu tana parailimmagu. ⁵ Nyawe, Nuh kana dekukuwage ne papatukannai Maromma Allah mbarrana. ⁶ Na Nuh, enne ngaundouna baammi wangukalada neponnu tana. ⁷ Nyawe na Nuh, kana palolodenggandi ana kabanina, mawinena, mono mawinne nda ana kabanina tama nee tena dana orrona wangulakada. ⁸ Ngarra kuwa ranga aerri mononda erri, keila-keila mono kaapa-appawa apalawe weina karana ne ponu tana, ⁹ tama bahtera dana pangu Nuh, hinna kaie papatukana Marommba Allah mbarrana. ¹⁰ Pitu loddonawe amalawi banemme wangu kalada napa tandanege tana. ¹¹ Na dukki enne kambulu ndouna mbanatole kana Nuh, na dukki wulla kaduanda lodo akambullu pittu nati wulla, kama wuke mata wee nee awali tana ndana, mono ama wuke mbinna-mbina wee wali langita ndeta. ¹² Nyawe, urra kana mburu ne ponu tana mado'ina ne pono tana patta kabullu lodona patta kabulu ngeddena. ¹³ Ne lodo enganya ommowe, Nuh mono ana-ana kabani,Sem, Ham, Yafet pangu mawinnena, mono wasse atama nee batera ndana. ¹⁴ Papa lolo dengana waidi ranga matombana, wa'ikaidi ranga'a pakarawana, ranga palawe neponu tana, mono ngarra kuw ranga alera. ¹⁵ Hidda ranga atama bahtera ndana mono Nuh; patuma dou-patuma dou na iya ranga-iya ranga atoleka. ¹⁶ Ngara kua ranga atama bahtera ndana; mane mono bei, samakaiye papa tukana Matromba Allah mbarrana Nuh. Nyaka, Maramba Allah natowe binna bahtera lirana Nuh. ¹⁷ Na wangu napa tandanege tana madoina patta kabullu loddo mono namatambo pakita we ne wee nabahtera namake keta madeta wali ne ponu tana. ¹⁸ Wee namatamba pakitawe mandetana monno nama tambo luwana ne ponnu tana. Nyawe bahtera kana lena-lena na ne ponnu wee. ¹⁹ Wee napenne na alluwe ne ponnu tana, nyawi kabunndukana-kabunndukana mandeta ne kambu langita apatandanedi wee. ²⁰ Ne wee na dukka bana lawi ngarra kabunndukana monno na louka cawe bana tandanege wali ponnu na. ²¹ Nyawe kamatekuwa wa'i na toleka ne ponnu tana, keila-keila, ranga paka rawa , ranga amatommba, palawe wainna karana, monno ngarra kuwa ata pi'a pangu keila-keila lerane bondo. ²² Ngarra kuwa wa'ina ne ponnu tana, ngauwainna korruna mate. ²³ Na baba na Marommba Allah bana pamodda kuwawe wa'ina ne ponnu tana mono atapi'a na dukke rangan wa'ina ne ponnu tana keila-keila lera ne bondona, hidda pamate kaiwi ne ponnu tana. Nya kidona Nuh pongu hidda papa lolo dengngana nya tama nee bahtera ndana hiddapo engana. ²⁴ Monno, ne wee enganyapoge bana kurruge tana mando'ina.