V 1 Nyaka dukki hidda duada papa Lewa ne'e sodom loddo rai male. Nyaka na Lot neina mandi'i ne binna wanno sodom kanna etawi hidda ata, nya kanna dede na kako bana renggawi, monno na Lot na kawodo na katabadi. ² Nyaka hinna ge na Lot, "morigu, li belli ne umma nggu. mori-mori taddona ne umma nggu monno nggai ka wano di wa'imi, koka kowa kambu gedde kipa kita ngge pa kakomi." Nyka ha wale papa lewa, "indaki, ne yamme engama taddona ne maredda aro wanno. ³ Nyaka na Lot enga ruddu nadi hidda ata diangge ka kako palolo dengnga ndi bah ndura ne ummana. monno na lot na yadi panga'a lappata na tunnu ndi ka mbaba nda bo'u bengnge bana yadi bah nga'a. ⁴ Dan dukki kipo ba dura ngge, ngara kuwa kabni abo'u lappata ha kaweda ha kopa ngge ne ummana Lot. ⁵ Nyaka kawissaka mbarana Lot, " nggedi hitti ata ha duada mbaramu ne nggedde? paloussondi ngindiwei ne mbarrama kama ndala dengnga ndi." ⁶ Takka dia ngge, na lot kanna palouso ndi banna tabbokai hidda ata monno kanna todiwe binna lirana. ⁷ Hinna ngge, "nda hinna kiwe ole dadi nggu! ndi rawi kangge ne pa rawi nda ndua. ⁸ Rengngewe, ne yauwa wa'i ndi ana mawinne nggu a duada nda manngu la'i ponna; nggai kakku yami gidi kaiwaindi monno kai raingge appawe pa mbei atemi mbarada. Takka hidda ata a wa'ina ne umma nggu nda ulla kandi balengnga ne'indi mbarra nggu. ⁹ Takka, hida ata nda rengnge kiya Lot monno hidda ngge," eruna!" baka hidda dommo ngge, " Ne wou kaina ata ha dappa maikidu, takka nebinna ndupa dekki wekki kanna ka dangngu ole kaikananggu Hakim! Ne binna ne'e marawi poge ha louka bokala hakaladana mbarramu inda piah hiddi ata." dia ngge katullawi Lot monno kandurra kangge binna. ¹⁰ Nyaka hidda ata duada ha wukke binna monno ha tongnguwa lot tama ne umma monno ka tudiwe binna. ¹¹ Lengnganapa hinna, nappa kaburra dandi matada hida ata waina nee binna dana, a wali bo'u dukki ha kaweda kane'i ndi ha eleta langngutakawe ne binna. ¹² Hinnawe, patekkida ata duada mbarrana Lot, "nggarrandi ole dadimu ha dangngi ne wanno dana? Olesawamu kabani, monno ana kabanimu, monno ana mawinnemu, lappata ole dadimu wadde ne kota dana, lousomi nea wali newwe. ¹³ Ne yamme enga pa moddama ne wanno newe oronawe parawida ata ha dirraka ne wanno monno na dukki bawi mbarrana Allah; monno na tukama nggai kama pamodda newe wanno." ¹⁴ Nya kanna kako na Lot bana tekkida olesawana, alu ummana monno ana mawinnena, " Ngettana Louso wali ne wanno malla na Maromba Alla na mbeingge bana pa modda ne wanno!" Takka hidda olesawana nda rengngekiwe monno salluna hiddai. ¹⁵ Dukkiwe kambu nggedde, Hidda papa lewa ha rudduwa Lot, hida ngge," Keddemi! Kako ngindiwi alumma monno ha duada anamu a waina newe, mu mbei kaingge bu wenna podda ne wanno dana newwe!" ¹⁶ Ka hinna walli kaiwwe na Lot, namma ndo'ipo ba tongngunawi limmana monno ka tongngu kainai limmana Allu ummana, monno limmana hidda ana minne na duada malla na Maromba Allah namma nawwara pongguwi Lot lappata ngara kuwa du dadina. Ka ngindiwa na Lot dukki ne'e mbali wanno. ¹⁷ Nyaka dukkiwe ngge balengnganapa ngindiwa Lot ne'e mbali wanno monno du dadina, Nyaka hinna ge na iya ata papa lewada,"keduwu, lolowe lolo ngaumu! monno ku du nggillaka kanna lira monno ku dangngi wa'i nea hapa rabana. Keduwu ne lete detana, kanda kareikanna minggi!" ¹⁸ Nyaka hinna ngge Lot, mbarrada hidda ata duada ata, "Nda lummu kanna pa Ama! ¹⁹ Ne yauwa ku deiba ba nemanawara ha wali mbarramu, monno ne baku morimingi mipa tutu bage ne ndua atemi lappata bu karawa ngga lolo ngau nggu, nyaka nyawe ndaku tarra bana kedu netti ponnu laddakanna monno enga dappa ngaupa bada ngga ne podda balango ha wali mbarramu dukki bakku dappa mate! ²⁰ Etawe, wa'i ngge ne wanno ha tukke wali newe monno na ki'i kiddo ngge. Ba nya wa'i dona kaloga nggai kakku kendu wa'i ne'e nggai kaku toleka. ²¹ Nyaka hinna ngge na pappa lewa barrana Lot, "Nyado, Ku rengnge bago nepa tekkimu monno ndakku pa modda kiwe ne wanno patekkimu. ²² Ngetana ki kako ne'e wanno pa tekkimu malla neba enga punggu danna mapandekiwe bakku pakakowe nepa tekki nggu," Ne nyawe ne wanno kappa ngara ngge wanno soar ²³ Wuddi oundana na mata loddo na dukki bana Lot ne tana Zoar. ²⁴ Nyakana Maromba Allah kanna pamburruwi urra balerang monno Api ne wanno Sodom monno Gomora, Na urra pappa mburru nawi Allah wali langita. ²⁵ Nyaka na Maromba Allah kanna pamoddawi hidda wano h duada monno ngara kuwa ata ha wa'ina ne'e lappata ngara kuwada patodakada ha timbu ba. ²⁶ Takka, na alu ummana Lot ha wa'i kaina pappa lolo dengngana, na gilla kage lirana nya kanna kabali katukku mei. ²⁷ Lenngga napa mewa ngge tana ge, Abraham na kedde kambu geddena na dede ne arona Allah. ²⁸ Nyaka na Abraham kanna gilla kanna ne wanno sodom monno gomora lappata ngara kuwa rabana. Nia kana eyawe koto mau ha wali ne duada banno wanno na tudda mau api pa powi ha malgana ²⁹ Nyaka hinnawe mbuttu atena Allah banna pa bonnawe ne tana Sodom monno Gomora, takka na Allah enga lolonawi Abram. Nya kanna palousowi Lot ne hawali tillu paka rei dengnga, ne banna pa moddawe ne wanno pandou ne'i wa'i Lot. ³⁰ Nyaka na Lot na kako wali Zoar monno kanna dangngi ne ha iya kareka watu, ne lete detana, monno kana palolo dengngandi ha duada ana minne na monno orona bana mandauta dangngi ne'e Zoar. ³¹ Wa'i ngge happa iya lodona, na ana minne na Lot ka'a hinna ngge mbarra Allikanna, "na ama da naka weda bana monno ndai dommo bana kabani ha dekeanda hinna kaina ata wadeka. ³² Nyaka hinna ngge, meiyada kata pa enuwi anggura na amanda monno kana ndura dengnga nda nggai nanggu kata kolena ana ha wali mbarra amada. ³³ Nyaka, dukki ne gedde ngge hapa enubai wee anggura na amadda nya ka amme ba'i na ana bodina na kako mbarrana amana kanna ndala dengngawi amana. Na Lot danna pande kingge ba ndura dengngawi monno ba kako. ³⁴ Ka hinna ngge na tekki bawe mbarrana Allikana' " Hitti male yauwa ku ndala dengnga bawi ama. Ne binna meiya dommo nda katta paenu dommowi anggura nggai ka kindora nggai ne wou kadala dengnga kawi ne nggedde. hinna poddo kata kolena umbu aiba ha wali mbarra amanda. ³⁵ dia ngge ka kindora dommowa anggura na amada. kanna tama kaina na allikanna banna ndura dengngawi monno bana ndala dengngawi amana. hinna dommo mo na Lot dan pande kingge bah ndura dengnga monno ba kako. ³⁶ Nya ka pa ti'a hidda ana minne na Lot ha wali mbarra amada. ³⁷ Nyaka na ana bodina nappa anawi lakawa kabani monno kanna pangarawi Moab. Na Moab ama kawedadi ngara kuwa da ata Moab ha wa'ina ne binna. ³⁸ Nyaka na Allikanna ngge nappa kaini iya ana kabina ngge monno kanna pangarawi Ben-Ami. Na Ben-Ami ama kaweda kaidai hidda ngara kuwa ata Amon ha wa'ina ne binna.