¹ Ne'e pandou Abraham, nakako ne tana Negeb litundu nekareka ndana negetilluna Kadesh mono Syur; naduk'iwe ata apa maikidona ne Gerar. ² Abraham napanewe tubana Sarah , mawinnena, " Wottonggu," nyabawe na Abimelek, raja Gerar, napa tukaniata kandedewa Sarah. ³ wa'ingge a iya ged'dena , napa newe na Maramba Allah, mbarrana Abimelekh napa tingngo wekkina lede kanaganippi, nehinnage, Maramba Allah, "Mba enganga matemu orona na mawinne padekemu mawinne atawa." ⁴ Hinnamowe, Abimelekh ndanna mbarra kipo Sara, hinnage Abimelekh, " Mori, beige pamatewi bangsa nda salah? ⁵ mbanda hinnakige Abraham panewe mbarragu, ' na mawinne wottogu hinnage,'? mono nyadoi kaidona ahinnage ,' nakabani na'agu hinnage.'? nebaku raigu wali ategu mono panngu limma akabola." ⁶ mbalinnag, Hinnage Mramba Allah kadabanippi ndana, " o, ku pandege ku raige ngarra kuwage wali ate ndanagu. Yowa mema a andagu kuduraikana a ndirraka mbarragu, mono dakku palokokigu todowa na mawinne. ⁷ Orona bahinna'a, nya balidai mawinne na ata orona mba ata Nabi dommowa nasabayanggu bamoripa mbanna dukkiko bayabalidai mawinne ata ne yok'u engnga mate ndumu mono ngarra kuwana ndu'ndimu." ⁸ Nadukkiwe kapugedde ki'i Abimelekh naka dengngawi ngarra ata papawedena napadukki kuwage parengngena mbarra ata papatukana ngarra kuwa amadouta. ⁹ Bage, Abimelekh naka dengngawi Abraham mono nehinnage bana tekkiwe, " Appawe para'imu mbarama nyamme? Appawe pasalahgu mbarramu kadukkiwe bapanippamadi haida dirraka ne mbarragu yowa mono ngarra kuwana mono sangadigu? murawi bage adatuba mbarragu!" ¹⁰ Bage, hinnage Abimelekh mbarra Abraham, " appawa ahinnagu muraige ne ahinnana mbarragu?" ¹¹ Nawale Abraham, " Papangekdagu dakki ata amadautawi Maramba Allah ne pado'u mono ngarrakuwa ata awak'ina ne'e pa matebadaga orona na mawinnegu. ¹² Domo ia, wottogu; orona mba ananai amagu, takka nda anakinai inagu, bage kanna kabali mawinnegu ¹³ Nebanna patukaga Maramba Allah lousa pananggana wali umma Amagu, ne yowa lungguni mawinnegu, 'Bowoge manawaramu mbarragu mono ra'i ge nea hinnana ia pado'u pa pasagada, lummu ga yowa: Na'amoga." ¹⁴ Nyaka, Abimelekh na dekewa mbebe, sapi, mono atana kabani mono mawinne barrana Abraham; mono napawali wi Sara mawinnena Abraham, barrana. ¹⁵ Hinnage Abimelekh, "et'a ne wannogu a ne'e aromu. Dangngiwu mba gekoge ne pa do'u pa beimu." ¹⁶ Hinnage Abimelekh mbarra Sara, " Rengngeyaga, ku nyagu ngo'u kabi'kka tabaga mbarra na'amu, Abraham, a ngaina tada aroda ngarra kuwa ata a apa lolo dengngagu. Mono ne arronda ngarra kuwa ata mbadu salawu." ¹⁷ Bage, Abraham na sembayang mbarra Maramba Allah mono napa duwa Abimelekh, mawinnena, mono ata-ata mawinnena nya kapa nda'dina lakawa. ¹⁸ Orona, na Mori na todi dawe likku anada ngarra kuwa mawinne ndu'nda'ndina Abimelekh nyakadapa ti'a orona Sara, mawinnena Abraham.