V 1 ne ka ia loddona, napa tingngona wekkina na marommba Allah barra puu wasu Terbantin ne Mamre. na Abraham mbana madii ne mbinna kareka, ne dindara loddo abangata. 2 ne bana pa keketawe matana na Abraham kana etawi hida atouda ata a ndede ne balina, kana malle na Abraham wali kareka dana kana ndeibawi hida ata, mono naka wodo dukki tana deta. ³ Kana panewe na Abraham, "pa ama, baku kolle ngge manauwara lange ngara pa ama, dangu pakita, li belli ne barra nggu. ⁴ Laka yodi kopowe ne wee baku yami nggi ba pario waingge mono ka ngaumi yodi ne puu wasu. ⁵ Ne youwa lage ku ngindi kaina kabbika roti, kangami gainami kapa wessi mbalimi, lenga pawessimi ngara pa ama, kaba lage ammi pia migi ne barra nggu." Nyaka ka tekki "kako wu karaige ne patekkimu." ⁶ Nyaka na Abraham kana ngetta bana kako barrana na sara, panduana roti pirra kabibbika hina ngge. ⁷ Kabage na Abraham kana dekewa dommowa na ana sapi amorru mono adua kana yadaiwi ata papa wedena mbapa nduawa. ⁸ Lenga napa, nyaka na Abraham ngindiwa pa tauwai, mono susu lapata hida kana'a sapi papandua bada kana bondaliwi ne aroda hida ata touda. Mono engana a ndede nee barrada bana etawi mba nii ndi nga'a ne puu wasu. ⁹ Baka hida domoge batuawa na Abraham, "Gewi Sara, ole ummamu?" ka hina mbana waliwe, "Nii nai kareka dana." ¹⁰ Nyaka na ia ata kahinage bana tekkiwe, "Nemme ndou lage mba ammi domonggane mbarramu ahina ne, nyabawe na mawinnemu bawaii ana kabanina." Nee bahina batekkiwe na renge kaiwe na Sara wali binna kareka. ¹¹ Hida Abraham bada Sara, aka weda bana, na Sara ndana bisa bana pa ana. ¹² Mono, na Sara kana maiita ndana, mono na bisa kadowe bawaii ana, na laii nggu bana kaweda badona? ¹³ Hinage Maromba Allah mbarana Abraham "ne kana maiitawa na sara mono kahinage bana tekkiwe, ahina takka kadona bawaii anagu, mala ne youwa kukaa weda badona?' ¹⁴ Appa waige ndama pande mbarana maromba Allah? Nyaka nee ammi mbaliga nemme ndou lage nyaba bawaii ana kabani na Sara." Nyaka, na Sara kana kedege mono hinage, "Ndaku maiita memaki hinage" orona mbana ma dauta Na Mori kana tekkiwe "indaki, enga maiita ndumu!" ¹⁶ Takka lenga napa hinage hida ata a ndede apa kitage pakakoda lappata appa serage ne tana Sodom, Abraham hetti kaini ako ndondi mbawali. TAMBAYA SAFAAT NA ABRAHAM V 17 Na maromba Allah kana panewe "enganya kodoge baku mburrige wali barra na Abraham appawe nepa rawigu hina ne, V 18 Mala nya domo dona Abraham papa lede waina manauwarana maromba Allah barra ngara kua ata ponnu tana pamaringa pama lala? V 19 Ne baku pedewa gaikana paretawi ngara kua umbu aibana gaikana toleka ahina kaina na Allah, araige ne ndua mono ne hina takkana, kahina na Maromba Allah kana yawe ne barrana Abraham nepapa liina na Allah ²⁰ Dommo na maromba Allah kana panewe, "oro aluana ata aka wissaka, nee Sodom mono Gomora, mono nyawe aboto langu takka hida salada, ²¹ Enga burru dugu lage baku etawe appawe ne paraida ahinana paka wissaka mono kaku pandege ne hina takkana." ²² Nyaka, ama dikkira mono kapa serage ne Sodom,takka ne hina na Abraham engapu mbana ne arona na Maromba Allah. ²³ Bage na Abraham kana barrawi mono kana tua,"appaka kahina takka pongnguwe mupa modda hida ata ndua mono ata abokala? ²⁴ Neba hinako, waikudi hida ata alima kabullu ne wanno? Appaka enga nyapuge ne youu mbupa modda ne wano dumanauwara kidi hida ata alima kabullu andua awaina nee ndana na? ²⁵ Pamarroge wali barramu ne mbupa moddawi hida ata alimma kabullu a olle dengadi hida ata denga. wouu dona atorrge ne tana tenana a hina? ²⁶ Nyaka Na Marommba Allah hinna ngge, " Neba wa'i ko ata limma kambulu ata ndua ne wanno Sodom, ndakku pa modda kiwe ne wanno orona hidda ata limma kambullu. ²⁷ Nyaka hinage patekkina Abraham, takana ne youwa lage Mori daku madautaki baku panewe langu kopo pauu tana mono rabbukaga. ²⁸ Wai kudi hida ata limma raige sala oleda hida ata alimma kabullu araige ne andu, enga pamoddamo nee Sodom oroda hida ata pata kabullu limma andua? Kana walewe na Allah "Yauwa daku pamoddake ne wano oroda baku etawi ata patta kabullu limma andua." ²⁹ Nyaka hina domoge na Abraham bawaiiko ata pata kabullu araige andua? "Kahinge Maromba Allah Daku pamodadda ke ne wano orona bawaii pudi ata pata kabullu araige ne andua." ³⁰ Nyaka hina domoge na Abraham ndo pakako kawe buttu atemu, takka yabeliga kaloga kaku tekkiwe ne barramu: bawaii ko atoudda kabullu ata araige andua?" Kahinage Maromba Allah "daku pamodda kiwe nee wano bawai kudi ata atoudda kabullu araige ne andua." ³¹ Nyaka hina domoge na Abraham "daku madautta kige baku enga ku ndapa tekki domogo barramu Mori, waii domoko addua kabullu ata araige ne andua?" Kahinage na Mori daku pamodda kiwe ne wano oroda hida ata addua kabullu." ³² Dukkiwe kahina domoge na Abraham, Mori dappa ndadi kage ne buttu atemu baragu, takka yaga kaloga baku tekki nyakido ne bahina padengngigu, waiiko ata aka bullu araige ne andua?" kahina ge maromba Allah mbana waliwe oroda waii pudi hida ata akabullu araige ne andua." ³³ Lenga nappa bapa panewe dengngawi na Abraham ge, Na Allah kanna wali, na Abraham kana wali kaina umma na.