¹ Hinnabawe, bali walina, Daud na tuwa barra na MYORI hinnage, "Kuka ko pongngupo nee iakota ne Yehuda?" Nawale MYORI barrana, "Kakou." Natuwa dommo Daud,"Gye kakonya pongngugu?" Nawale MYORI"Nee Hebron." ² Kakobana Daud monno aduada ole umma na, Ahinoam mawinne Yizreeel monno Abigail, tedda mawinnena Nabbal, ata Karmel. ³ Ia ata-ia ata hapaka iadengai Daud kako kaina, monno ngarakuwa keluargada. BBage, nee waidi adangngi ne kota Hebron. ⁴ Bage, ammi badi ata Yehuda monno baurapa Daud nee, tubana ba nya tokko Yehuda. Neba tekkina pana u bbarra Daud bahidda ata Yabesh Gilead atanei Saul, ⁵ nya ka Daud natuka ata papa tu kana barrada ata Yabesh- Gilead. Barrada hidda ata atekkida, "Maringngimalala kona oro ngarana MYORI orona yemmi biboge mana waramu ara barrana mori mu, na Saul bi canei. ⁶ Nyaka, bana noto koge MYORI naboge manawara na monno setia-Na barramu. Hinna kaie yauwa ku boge duwa sama aro barrami, orona yemmi rawi babage aduwa aro arragu. ⁷ Nebahinna, pawessige ate waimu monno kabalimi ata bani apawessi, langngo kopo kana mateba Saul. Ne yauwa aurapbaga ata Yehuda ba yauwa tokko tubada hidda."Isyoboset Nya Tokko ⁸ Abner anana Ner, nya dommo panglima tentara Saul, nadekea Isyboset, anana Saul, monno nangin dia nee Mahanaim Mahanaim:, ⁹ Nya nakeketa banya tokko ne Gilead, tubada ata Asyuri, tubada Yizreel, tubada Efraim, tubada Benyamin, monno tubada ngarakuwana Israel. ¹⁰ Isyboset, anana Saul, umurana patta kabullu douna bana terrege tokko tubana Israel. Duadouna bana terrena pareta. Hidakidona kaum Yehuda hadeku Daud. ¹¹ Mange dana dou ba tokkowa Daud ne Hebron tubada kaum Yehuda pittu douna monno enne wulla. Patadina Mate ¹² Kawoddekabada Abner bapa lolo dobba ana buahna Isyboset, anana Saul, wali Mhanaim kako nee Gibeon Gibeon. ¹³ Bage, Yoab, anana Zeruya bapa lolo dobba anana Daud baka woddeka maju, monno bapa tabbokana uppu oba Gibeon. Pihak ia kasumu needi uppu oba bali wa i, pihak eka uppu oba yang lain. ¹⁴ Napanewe Abner oro barrana Yoab, "Pakalokodi buwa mane-buwa mane ba ouda ayro monno bapa da dige patadina ne aroda itto." Nawale Yoab, "Naduaba." ¹⁵ Bage, tukkebbada hi da ata monno bakako ne ayro monno bakirai: kaullu duada ata awalina kabisu Benyamin, wali Isyboset, anana Saul, monno kabullu duada ata awalina ana buahna Daud. ¹⁶ Ia ata-ia ata balina na woppana katowana gobbana monno nadakurana karapena gobbana, nyaka bukka woro dobba bada hida ata. Tekkiba ne padou Helkat- Hazurim nee barra Gibeon. ¹⁷ Nyaka, patauna ne loddo nahebat takka, monno Abner monnongara kuwa ata Israel kala oroda ana buahna Daud. Abner Napamatea Asael ¹⁸ Touda ana kabanina Zeruya, na Yoab, Abisai, monno Asael nangettadi wa i na hinna wa i waina sussa maweddata. ¹⁹ Asael napa wola lirana Abner monno dana elekina wello kyawana. Nya napa deku patirri wali lyira. ²⁰ Napa yerrage lirana Abner, bage kana kana tuwa, "You kadona Asael?" "O o, yauwa." ²¹ Bage, Abner napanewe, "Elena wello atau kawana, woppa ia ata kabani buwamane monno dekenai bendilana." Takka, Asael dana nauki pangau nadeku patirri Abner. ²² Napa kitage, Abner napanewekya sadekka aro barrana Asael, dangngi nenna du dekukaga. Appa ne yauwa kupalu pongngupu dukkie bu gogola? Peikugu baku keketa matagu arona Yoab, kaamu? ²³ Takka nya dana dangngiki. Bage, Abner nadakura wali lira tia na Asael bana wai numbuna, nyaka ne numbu na tembusa dukki lirana. Bukkabana nya monno namate ne paduona. Yoab monno Abisai Awolawa Abner Nyaka, ngarakuwa amai ne pabukka waina monno bana mate Asael, dangngi wai bada hida ata ²⁴ Takka nebahinna, Yoab monno Abisai awola Abner. Dukkie bana tama loddo hida ata adukki ne barra letena Ama, aneena bali timura Giah Giah, aro ne mareda gurun Gibeon. ²⁵ Pakuwa bada paburru wali waina Benyamin ne lirana Abner baiadi kasumbu, monno badede ne ia ponnu laddakana. ²⁶ Bage, Abner napane we barrana Yoab, patekina, "Appa ne teko nakako pakita bana ngaa lolo ngau? Dupande pongnguki ge amalaraka itta ammina nemme ayro kadukkana? Pirra gai kyapo madoina yo u bada paneweu aroda rakyatmu tuana bangau bawolai ole dadi-ole dadi mu?" ²⁷ Nawale Yoab, Oro ngara Allah atoleka, nehahinna takkana bu tekki memako, bana notoge ia ata-ia ata enga tengngi wekkibada ba wolai ole dadi-ole dadida. ²⁸ Bage, Yoab na powia trompet monno ngau lyolo bada rakyata. Rakyata ngau lyolo bada bapa wola wali lira ata Israel monno dapa kitabage ne patauna. ²⁹ Abner monno ngarakuwa atana kako bada aro Araba-Yordan ne agasu gedde. Hidda ata apalai Loko Yordan, kako pakita ne gasu loddo bage dukki ne Mahanaim. ³⁰ Ne bana ngau Yoab bana wola Abner monno ba na banapakuwai rakyata, kabullu iwwa ana buahna Daud amuwana, nadana kaina Asael. ³¹ Bage ana buahna Daud apalu pamatea touda ngau enne ata kabisu Benyamin, wali ngarakuwa atana Abner. ³² Hida ata adadana kamatena Asael bage atane paolei ne ratena amana, aneena ne Betlehem. Kako bana Yoab monno ngarakuwa atana ne gedde, monno dukki ne Hebron bana delakage.