Daud Nadeiba Lii bana Mate Saul ¹ Nebalina bana mate Saul, walibana Daud balina bana pakalai ata Amalek. Bage, Daud na dangngi ne Ziklag dua loddona madoina. ² Nangu paweda wekkige, ne loddo akatoudana, ammi ia ata awalina tentarana Saul monno kalambena hama irra monno tanah ponno katowwana. Nebana dukki arona Daud, nakawodo kataba ne tanah deta monno bana sembah. ³ age, natuwa Daud, "Gewalinyamo yo u baammigu?" Nawale na ata barra Daud, "Yauwa ku pasilliwekina baku kedu wali pasukan israel." ⁴ Daud natuwa dommo aro barrna, "Appawe adadi? Nungnga ceriterapoge bbarragu." Murrina natekkiwe rakyata nettibai akedu wali patau danana. Monno, naluwana mate oroda orona bapamatei. Saul monno Yonatan, anana, mate kaina. ⁵ Daud natuwa barra na buwamane angindi lii, "Nekaupandemoge yo u ba na Saul monno Yonatan anana, bamate?" ⁶ Pawalena na buwamane angindi berita, "Tangera neega ponnu ladakana Gilboa, balina kueta Saul baenga terrena numbuna tangerada pasukan kereta monno adoudi monno ngarakuwa ata bawola wai dara. ⁷ Nebana payerrage lira na, naetaga bage nakadengaga. Monno, youwa kupanewe barrana, 'Ya, tuanku.' ⁸ Nya natuwa, 'Garragu yo u?' Yauwa kuwale barrana, 'Yauwa ata Amalek ga.' ⁹ Bage, Saul napanewe, 'Ammigu neme monno pamateaga yauwa. Orona, ammibage alattaka tougu takka ne lolongaugu nabonnupoge.' ¹⁰ Bage, kukako barrana monno ku pamatea, orona kupandei dana tolekabana nebbana bukka kona. Balina kudekena mahkotana wali katowwana detana monno gelang aneena pummu detana, nebahinna nee ku nginndinai barra morina." ¹¹ Bage, Daud naterre ge kalambena monno na pubbuka, hinna kai ngara kuwa ata papa lolo dngana. ¹² Hida ata akawika, ngio, monno akalallu dukkie bana tama loddo, tubana Saul, tubana Yonatan, anana, tubada ngarakuwa umatana MYORI, orona baukka waina tama teko. Daud Napatukana Ata Amalek Kapamatei ¹³ Bage, natuwa Daud barrana na ata angindi lii "Ge waji nyamo yo u ne? Nawalewe na ata, "Yauwa nakawa ata ekaga, ata Amalek." ¹⁴ Napanewe Daud bar rana "Appa ne yo u kadana kaddakako limmamu bu keketa bubawa na ata paurapana MYORI?" ¹⁵ Bage, Daud napamaiya ia atana monno natekkina "Tukke neme, monno loppu katopo na ata." Balina na ata aloppu katopo dukkiebana mate. ¹⁶ Napanewe Daud arona na ata, "Raa ne ponnu katowwamu orona nengadamu bana bersaksie ne patekki doumu, 'Yauwa kupamateba ata paurapana MYORI."' Lawitina Daud Tubana Saul monno Yonatan ¹⁷ Lawitibana Daud monno bana ngio geloka tubana Saul monno Yonatan, anana. ¹⁸ Daud naparintahi tubana na lawiti ngio bapa nungngai aroda baurru wali wai Yehuda. Nehahinna takkana nama tulisa ne Buku Ata Jujura. ¹⁹ "Nemanadamu, hai Israel, na moddaa ia lete- ia letemu. Oh, yemmi tentara-tentara abukkana! ²⁰ Dapa dukkikage lii nee Gat, Dapa dendalakana ia lara- ia lara Askelon. Gai kada waila detakana mawinne Filistin, Gai kada magekokana laka wa mawinne-lakawa mawinne anada ia ata-ia ata da topola. ²¹ Hai laddakana Gilboa, kadaikana wee penni, monno kadaikana urra awennau, atau maredda-maredda angindi mate. Orona, ariona toda-todada tentara, todana Saul dapaurapada wee lengi. ²² Wali raada ia ata-ia ata papamateda monno wali morruda ngara kuwa tentara, pana na Yonatan dana madikira bana lyira, monno tekona Saul dana waliba monno nama ngidie. ²³ Saul monno Yonatan, hida ata amanawarai monno nama nadana. Netoleka monno mate dana matiakie. Nangetta kyapoge hahinna waina keila rajawali, Napa wessi kyapo walina singa. ²⁴ Hai lakawa-lakawa mawinne Israel ngiomi tubana Saul! Nya apa duwau aparammiu bana waigu ingngi kirmizi, monno ngawu amanadana; bana pawennagu doka ngawu wekkimu. ²⁵ Tentara-tentara abuk ka takkabana ne tillu patauna. Wuu Yonatan, yo u hapamate takkabau ne ponnu laddakamu. ²⁶ Yauwa kususah oromo yo u, angu nguwagu Yonatan, you muduwa langngun takka dengaga, manawaramu nama daupa dari pada manawarana ia mawinne. ²⁷ Abukka takka bana tentara, monno amodda bana ngarakuwa bendilada papa tauwaida.