¹ Nepatauna anatara keluargana Saul monno keluargana Daud namadoie. Daud namamadoi napa wewessi kya, takka keluargana Saul makin namadoie nakukura ngoba pawessi. Enne Ana Daud aDadi ne Hebron. ² Adadi bana ana kabani na Daud ne Hebron. Ana bodina ngarana Amnon, wali Ahinoam, ma winne Yizreel. ³ Kaduada na ngarana Kileab, wali Abi gail mawinne tunduna Nabal, ata Karmel. Katoudana ngarana Absalom anana Maakha, ana mawinnena Talmai, tokko Gesur. ⁴ Kapatana ngarana Adonia, anana Hagit. Kalimmana ngarana Sefaca, anana Abital. ⁵ Kaennena Yitream, wali Elga ole ummana Daud. Hidda ana gaina adadi tubana Daud ne Hebron. Abner Mawyata tubana Pakaia dengai Daud ⁶ Nyaka, dadiba patauna hida keluarga Saul monno keluarga Daud. Abner nya lyolobana paper cayada keluarga Saul. ⁷ Saul namilikai Selir nga rana Rizpa, baana mawinnenai ama. Panewebana Isyboset Barrana Abner, "Appa ne yo u kau barrai selir amagu?" ⁸ Bani langngu takkaba na hida patekina Isyboset. Patekkina, "Nepaetamu, ka towa bonggaga awli Yehuda? Dkkie nebahinna yauwa kuboge setiagu aro barrada keluarga Saul, ama mu, ole dadi-ole dadimu, monno dudadi-dudadimu. Yauwa daku yakiu limma danana Daud. Takka, mupa deitoga parawi salah tuba mawinne nebahinna ⁹ Kadukkanawe Allah na hukumuni Abner, nalouka kyapowe, badaku pakako kowe nehahinnana na pakirana MYORI nebarrana Daud, appakya baku pakakowe, ¹⁰ Hahinna na baku padikkige sangadina keluarga Saul monno pakedde sangadina Daud tubana Israel monno tubana Yehuda, wali Dan dukki barra Bersyeba." ¹¹ Isyboset dana wale pongnguba ia patekki orona bana madauta. ¹² Bage, Abner napatuka na ata barra Daud monno napa ngindina lii, "Garra milikage ne negeri?Putusage kata pakettena bata berjanji itto bada. Nehahinna takkana, limmagu nadekugu tubana bakodo ngindia ngarakuwa ata Israel ne barramu." ¹³ Nawale Daud, "Naduwai! Yuwa enga pada di pongngubago janji itto bada. Takka iage padengngigu barramu, ber janji bada bowekkina ne arogu, kecuali bumai ullu wai bami Mikhal, ana mawinnena Saul, wudi bu bowekkina ne arogu." ¹⁴ Daud hinna kaina bana patukana ata barrana Isyboset, anana Saul, monno patekkidai, "Yagai ole ummagu Mikhal pkole waimu kalita khatan ata Filistin." ¹⁵ Bage, Isybboset napa tukana ata dekea namawinne wali barra laina, na Paltiel, anana Lais. ¹⁶ Laina napalolo dengai bana ngio, monno nadeku dukki nee Bahurim Bahurim. Napanewe Abner barrana, "Kako wali." Nyaka Paltiel wali lyolobana. ¹⁷ Balina, panewebana Abner monno paama-paama ata Israel. Patekkida, "Hahinna bana hitti ulluna, yo u nama doibaba kambumu gai kapedea Daud banya tokko tubamu. ¹⁸ Nyaka neba hinna, kawarrika, orona MYORI napanewe babana tubana Daud, hinnawe, "Monno banya lede Daud, hambaku, Yauwa enga pasella pongngudi umat-Ku Israel wali limma dana da ata Filistin monno wali limma danada ngarakuwa gobbada.' " ¹⁹ Abner napanewe dommo aroda ata Benyamin. Abner kaina pa newe dommo arona Daud ne Hebron tubana ngaraku wa ne awaina kambuda ata Israel, monno awaina paetada ngarakuwa keluar ga Benyamin. ²⁰ Neba ammi Abner ba palolo duakabullu ata ne Hebron, Daud napa tukkena pangaa tubana Abner monno ngarakuwa ata pakodona. ²¹ Balina Abner napanewe barra Daud, "Naduwai yauwa kusiap kako monno kupakuwai ata Israel barra tuanku tokko, gai kapa dadina kette lii dengan tuanku. Nyaka, yo u enga paretaba mo tubana ngarakuwa ne pabbei atemu." Bage, Daud napasella Abner wali kalaki ate dalam damai. Namatebana Abner ²² Nebawali ata pakodona Daud monno Yoab bapa dadige peram pokan, hida ata baammidi angindi paoledi barang ma ngeda parampokda. Abner daibai papalolo dengada Daud ne Hebron, orona nya hapasella kalaki ba bana kako. ²³ Neammi Yoab monno ngarakuwa tentara bawali, atekkina Yoab hidani, "Namaibana Abner anana Ner barrana tokko, balina napasella ka laki ateba denga damai." ²⁴ Bage, kakobana Yoab barrana tokko monno napa newe, "Appa parawimu ne yo u? Deku takkakoge na mai babana Abner ne barramu, nekaupasella bana dapakako? ²⁵ Kaupandege, Abner ana Ner nehahinna takkana bana mai wegana gu akkala yo u, kapandege yo u pirra rapa tamamu monno pirra rapa lousomu, monno kapande ngarakuwadi parawimu." ²⁶ Kakobana Yoab bana dundakai Daud bage napa tukana ata tubana badeku Abner, monno bangindi ba lia wali sumur Sirah. Takka, Daud dana pandekige. ²⁷ Ne bana wali bali Abner ne Hebron, yoab na ngindia tillu binna gerbang bapanewe kabuttika. Bage, nangu dakurana tiana dukkie bana mate, sebagai deluna raana tubana Asael, allikana. Daud Nangiou Abner ²⁸ Na rengngeba Daud ne adadi. Balina napanewe Daud, "Yauwa monno sengadigu dana salahkie aro sagana MYORI dukkie murri wali-murri wali tubana raana Abner anana Ner. ²⁹ Ne hahinnana na toddu deitowe Yoab monno ngarakuwa paburru wali waida ole dadina. Dana bya byatakiwe beruka, karudduka manua kusta, andena baterrna tokko, ma te waina tama teko, monno nakurango pangaa denga!" ³⁰ Yoab monno Abisai, allikana, hapamatea Abner sebagai deluna bana pama tea Asael, allikada ne Gibeon ne pataudanana. ³¹ Napanewe Daud arona Yoab monno arona ngarakuwa rakyata papa lolo dengana, "Irra daikadi ingngi kalambemu monno wollokana ingngi kalallu, monno ngio geloka ne aro kamatena Abner." Tokko Daud balina napadeku lira badeitowa ata mate. ³² Nebatanei Abner ne Hebron, tokko nangio male lika aro ratena Abner, monno ngio ngarakuwa bada rakyata. ³³ Hinnabana dodo kalal luna tokko arona Abner: Hinna lyoloba pata matena Abner hahinna waina pata mateda ata du a? ³⁴ Limmamu damaketteki, waimu darantaiki ole tambaga. Yo u mumate aroda ata bokala ata bottu. Hinna lyoloba yo u bumate." Nalou- louka kyaba bangio ngarakuwa rakyata tubana Abner. ³⁵ Bage, ammi ngaraku wabai rakyata angindi pangaa monno rori orona nadelakabage barra Daud. Takka, Daud na aura hinnage, "Notoge Allah na hukumga, naloukakya dommopo, baku ngaako atau ba aappa kya ne ba dana tamapo loddo. ³⁶ Nngarakuwa rakyata haetaba, monno naduwa nepaetada, hahinnana ngarakuwa baappawe para wina tokko bana duwa tuba na ngarakuwa rakyata. ³⁷ Apandebage ngarakuwa rakyata ne loddo, danyaki tokko apada dige bapamatea Abner ana na Ner. ³⁸ alina tokko napanewe barra panglimana, "Dapyandekige yemmi na pemimpin kalada bana bukkana ne loddo ne Israel? ³⁹ Neba hinna nadakke wekkigu langngokopo baurapaga batokkoaga. sedangkan hiddi ata, ana-anana Zeruya katto katowa arone barragu.