¹ Balina bana mate tokko ata Amon, monno Hanun anana nakeketa ba nya tokko adeluwa. ² Bage, kakobana Daud, "Yauwa ku bo pongngu po ge paka iadengai Hanun anana Nahas hahinna waina barawige bapa kaia dengai amana ne barragu." Balina Daud napa ngindi lii bana susah kaina melalui pegawai-pegawaina tubana bana mate amana. Kakobada pegawai-pegawai Daud nee negeri ata Amon. ³ Bage, Panewebada ata paama-paama ata Amon barra Hanun, morida hida ata, "Peina ne paetamu awaina barramu, Daud na hormatwa amamu bana pa ngindina lii bana susah kaina? Dupandekige kambuna bana selidika kota, bana pacecege monno bana saikarage nya ka Daud kana patukadi pe gawai-pegawai barramu?" ⁴ Bage, Hanun nawaop pai pegawai-pegawai Daud, nakikirai agai wullu ngengeda, naropodadi ka lambeda kadippu-kadippu dukki kapapa keredetada bage napa tukadi wali. ⁵ Atekkina Daud hida parawi hahinnana nyaka apatabbokana hida ata bapamakke tatakkai. Napa newe tokko, "Dangngimi nee Yerkho dukkie batimbu weullu ngengemi, bage wali bali." Patauna arodi Ata Amon ⁶ Apandebage ata Amon bana benci Daud, nyaka ata Amon akasewa ata Aram awalina Bet-Rehob ata Aram awalina Bet-Rehob:monno Ata Arama awalina Zoba Aram awalina Zoba:mangedana duakabul lu rata tentara kako tanah, wali tokko negeri Maakha rata ata, monno ata-ata Top ata-ata Top mangeda na kabullu duada rata ata. ⁷ Narengeba Daud kawoddekada, balina napa tukai Yoab monno ngaraku wa tentarana apawessi. ⁸ Majubada ata Amon, bage, aturawa barisan patauna ne arona binna gerbang. ata aram wali Zoba, ata Aram Bet-Rehob, monno ata-ata Tob monno Maakha needi apa tiawekki ne mareda dana. ⁹ Naeta Yoab ne pagobbana bana bahaya ne ayro maupun ne wali lyira. Bage, napede agai wali ata papede Israel monno atura barisan tubana baaro gobbai ata Aram. ¹⁰ Bage, na gai rakyata nakamandowa bana pimpinai Abisai, allikana, aaturawa barisan tubana baaro gobbai ata Amon. ¹¹ Bage, Yoab napanewe, "Nebana pawessi kya ko ata aram wali ne barragu, nyaka yo u yaga patulu. Takka, bana pawessi kyako ata Amon wali barramu, yauwa kumai pongngupo baku tulugu. ¹² Pawessige atemu tubana ne bangsada ito monno tubada kota-kota Allahda ito. Myori enga rawi pongngu bada aduwa ne paeta-Na ¹³ Majubana Yoab monno tentarana papa lolo dengana tubana bagobbai ata Aram, nyaka ata Aram kedu lolobada wali arona Yoab. ¹⁴ Ata Amon aeta ata Aram bakedeu nyaka mallebada wali arona Abisai monno tama ne kota dana. Bage, wali bana Yoab balina bana gobbai ata Amon monno dukki ne Yerusalem. Ngarakuwa Ata Aram Wyatawe Bapagobba Piana ¹⁵ Apandebage ata Aram bapalu pakalahdi wali ata Israel. Bage pakuwa ngarakuwa bada. ¹⁶ Hdadezer balina napatukai ata Aram maju aneena bali loko Efrat tubana bapa tauna. Adukkibana hida ata ne Helam, monno Sobakh sebagai panglima tentara Hadadezer naullu ayro. ¹⁷ Ne adadi atekkina Daud, nyaka pakuwa ngara kuwai ata Israel tubana ba palai loko Yordan,bage dukki ne Helam. Ata Aram atura barisanda tubana ba aroi Daud monnobagobbai balawai. ¹⁸ Takka nya, kedu bada ata Aram wali aroda ata Israel, monno Daud napamatei pittu ngau dara keretada ata Aram monno patta kabullu rata ata tentara akalete dara. Sobakh, panglima tentara da pakalahwa, nyaka kana mate nee. ¹⁹ Neba eta ngarakuwa tokko atakluk barra Hadadezer, bana kalah wali barra ata Israel, hida ata apa daddige dame dengadi ata Israel monno takluk ne barrada. Balina, madauta bada ata Aram tubana batuludi ngarakuwa ata Amon.