¹ Naaroge bana padeluge dou, bana dukkie ngarakuwa tokko maju pagoobana, Daud napatukai Yoab bana palolo dengadi ngarakuwa atana monno ngarakuwa ata Israel tubana bapa modda ata Amon monno bakepungo Raba Raba. Tangerana, na Daud engapu ne Yerusalem. ² Neadekka bana dadie ne loddo raimale, keddebana Daud wali ne padou padura waina bana paga-paga ne ponnu atap istanana. Bage naetaba ia mawinne bana rio wali ponnu atap. Notoge na mawinne naka bola pongngu. ³ Bage, Daud napa tukana ata batuwa tubana na mawinne. Patekkina na ata, "Ne hahin na takkana na mawinne nyadona Batsyeba, anana Eliam, ole ummana Uria, ata Het." ⁴ Balina Daud napa ngindina papatuka bangindia. Ammibai na ma winne barrana, bage apabarra bana bada bapa ole ummana. Balina na ma winne napa singira touna wali ne parawi adirraka, bage wali bana ummana. ⁵ Patia bana na mawinne, bage napa tukana ata tubana batekkina Daud hiddani, "Yauwa kupati a." Daud naberusaha bana burrige dalana ⁶ Balina Daud napa tuka na ata barra Yoab, "Patukai Uria, ata Het ne barragu." Bage, Yoab napatukai Uria kako menghadap barra Daud. ⁷ Maibana Uria tubana menghadap, monno tuwa bana Daud tubana bapeina Yoab monno bapeida tentara ne pataudanana. ⁸ Panewe bana Daud barra Uria, "Kako wali ummamu monno wanodi wa i mu." Nyaka, kakobana Uria wali ne istana na tokko, balina wai apadeku monno bangindi hadiah wali barra tokko. ⁹ Takka, Na Uria nee ni adura marenga dengadi ngarakuwa hamba morida ne aro binna istanana tokko. Dana kakoki wali ummana. ¹⁰ Neha hinna na atekkina Daud hidani, "Uria dana kakoki ummana," Bge , natuwa Daud barra Uria, "Dawlikimo lara marro? Appa ne yo u kada kako ne ummamu?" ¹¹ Nawale Uria barra Daud, "Tabut, ata Israel, monno ata Yehuda engai ne tillu pondok. Tuanku Yoab, monno hamba-hamba apera dengagu enga kaidi kemah dana ne mareda dana. Nabisa kado baku wali ne ummagu, tubana ngaa, enu, monno badura dengai ole ummagu? Tubana tolekamu, monno tobana ngaumu, yauwa daku rawi pongngu kige ne hahinnana. ¹² Palegebana Daud bar ra Uria, "Dangngi dommou ne loddo. Koka wudi kupasellau bukako." Nyaka dangngibana Uria ne Yerusalem ne loddo, Nekoka bana loddoge, ¹³ Daud napa maiya bangaa monno enu dengai, tubana gai kana maboka. Louso bana Uria ne bana geddege tubana bana beika ne padou beika waina, beika ole dngadi ngarakuwa hamba-hamba na morida. Takka nyamo, dana kakoki ummana. Daud Narencanage Bapamatea Uria ¹⁴ Balina, ne koka bana bana loddoge, Daud natulisa surata pangindina Yoab, monno pangindina bana dukkie limma detana Uria. ¹⁵ Nya natulisa surata hinnawe, "Ta i ayro na Uria aro barisan, ne patau danana asengit pongngu. Eruna wali barra na, ga i nya kana wena mate." ¹⁶ Nadadiwe, Ndukkie Yoab bana kepungo kota, nya napatukai Uria ne padou papande mema bawa i gobba awossuka apawessi. ¹⁷ Louso bada ngarakuwa ata kota tubana bapa taudengai Yoab, nyaka mate bada gai ana buah Daud, monno Uria mate kaina, ata Het. ¹⁸ Bage, Yoab napa tukana tubana batekkina Daud bapei wa i na bana kako nepatauna. ¹⁹ Na ya perintah barra ata papa tukana hinnage, "Nabawe patekkina ngarakuwa bana kako ne patauna barra tokko, ²⁰ Ne bana penne banina tokko monno napa newe, 'Appa katukki ne barra kota tubana patauna? Dau pandekige yo u hida ata ba tau panahda wali ne ponnu tembok? ²¹ Garraai apamatea Abimelekh anana Yerubeset? Danyaki ia ata mawinne akabena wai watu kapetti wali ponnu tembok, nyaka kana mate nya ne Tebes -11.21 Tebse? Appa yo u kau tukke ne barra tembok?" ,nyaka panewe bana, 'Monno, hambamu, Uria, ata Het, na matebana."' ²² Kako bana na ata papa tuka monno nebana dukki, na tekkina Daud ngarakuwa baappai peritah na Yoab. ²³ Napa newe ata papatuka barra Daud, "Ne hahinna takkana hida ata aloukapo pawessi wali barrana yamme monno hida ata alouso baserango ama wali mareda dana, takka yamme masuddei hida ata dukki arona binna gerbang ²⁴ Bage, hida pemanah ha patawwe bawennai hamba- hambamu wali ponnu tembok, nyaka mate bada wadde hambana morigu. Na hambamu, Uria, ata Het na mate kaina." ²⁵ Panewe bana Daud barra ata papatuka, "Tekkina Yoab, 'Kadana susahka atena orona ne adadei, orona ne teko bana ngaa ata nai monno nawwa. Pahebata serangmu tubana ne kota monno saikarage.' Hinnba pawessige atemu Daud nadekea Batsyeba bana Ole ummai ²⁶ Na rengngeba ole ummana Uria, ba na Uria oleummana bana mate. Bage, ngio bana tubana ole ummana. ²⁷ Balina bana mabawe susah mate, Daud napatukana ngindia na ma winne nee ummana tubana bana wai ole ummai. Bage, Batsyeba napa anai ia ata lakawa kabani torana. Takka bahinnawe, ne parawina Daud nadirraka aro matana MYORI.