¹ Natuwa Daud, "Wai dommo kadona ata engapona wali ole dadona Saul nyaka kaku boge manawaragu barrada orona Yonatan?" ² Oledadina Daud wai ia ata hambana ngarana Ziba. Napa maiya ne arona Daud. Natuwa tokko barrana, "Yo u dona Ziba?" Nawale, "Hamba, morigu," ³ Dai lyolobana ata wali ole dadina Saul? Yauwa ku bo pongngupoge manawa ra barrana awali barra Allah?" Nawale Ziba barra tokko, "Wai lakawa kabani Yonatan hakabeko waina." ⁴ Natuwa tokko, "Gye nya i nya?" Nawake Ziba barra tokko "Nehahinna takkana, nya neei ummna Makhir anana Amiel nee Lo-Debar Lo-Debar," ⁵ Bage, tokko Daud napa tukana dekea nee ummana Makhir anana Amiel nee Lo-Debar. ⁶ Ammi bai Mefiboset, anana yonatan, anana Saul, monno nakawodo aronana monno sembah. Napanewe Daud,"Mefiboset!" Nawale, ne waiga hamba mu, morigu." ⁷ Napanewe Daud, "Dau madautakana, orona yauwa ku bo pongngu poge manawaragu tubana Yonatan,amamu. Kupabali pongngu pundi ngarakuwa omana Saul, ama kaweda mu, monno yo u enga ngaa patirri ngaa pangaa ponnu meja. ⁸ Kawodo bana Mefiboset monno napane we, "Appa nahambamu nya ka kaumadikira monno bu eta bongga mate ne hahinnana yauwa?" ⁹ Bage tokko napa maiya Ziba, hambana Saul, monno natekkina, ngaraku wa milikana Saul monno ngarakuwa ole dadina, ku yawi barra umbu aibana morimu. ¹⁰ Yo u pawilli paenga pongngudi tanah tubada, yo u monno ana-anamu monno hamba-hambamu monno kaammige hasilana, gai umbu aibana morimu kaenga nyage bangaa. Mefiboset, umbu na morimu, enganyage ba ngaa ngaa ponnu meja. "Ziba namilikana ana kabullu limma ata lakawa kabani monno duakabullu wa ata hamba. ¹¹ Napanewe Ziba barra tokko, "Ngarakuwa patekkimu morigu tokko ne barragu, hinnabai kurawi pongngudi ne yauwa hambamu." Mefiboset pun na ngaa ponnu mejana tokko banya kaibana ana tokko. ¹² Mefiboset wai ia ata ana kabanina nakiipona ngarana Mikha. Ngaraku wa awaina ne ummana Ziba hambanadi Mefiboset. ¹³ Mefiboset namanetap wai ne Yerusalem orona selalu bana ngaa ngaa ponnu mejana tokko. Nya hida waina duada akalego.