¹ Waoho kawalian sarorona mahemanang’e a Ngêlêd tow kêlê manga hêdong i halês. ² Bo sarorona mahahalasenange kalembisa Ngeled tow mahales i hita, nde i mehem batangaNa be wawaled sapong andior i Ngeled tow. ³ Sumata tapedtuhan bo pahasa katapia’an bo koromuan na’am i wakodait a tutual i hamotahula sarorona a tutud manga tow leno. ⁴ Kaleboho kodait tapia suma motirayo nde pahasa i yai ahii i wêkelê bo rorona kamua darayow. ⁵ Kawalian oho i munen ange mauleng, alahem totumu sundal, tapedêtuh bo tow moromu, kaleitu ma rua-rua kawaheman, mahaere beteng a asuang kaholano’an Kristus bo Ningumeled. ⁶ Na’de hamutahula i wawureng i tow bo mokodait alahem bereguna, nde pahasa i aho meangai bo’ro i Ningumeled, amange tow durhaka. ⁷ Kaleaho na’am komotahula mahalas silatahula. ⁸ Awahem a talêwe kamotahula a karendeman, sumata yai talewe kamotahula keraw i Ngeledtow, wa’aho kawalian menonow keleitu manga hedong a keraw. ⁹ Nde keraw mawawua kamaulengan bo kaulitan. ¹⁰ Bo silihenange asia pandung i Ngeled’tow. ¹¹ Naam lumas minjo beteng a tatawoy karendeman nde alahemoho buana, sarorona i wawaturu tatawoy i aho. ¹² Nde iwomoha asia pinatulid i latahula a tampa-tampa i ruru i mawasokia’am. ¹³ Sumata pahasa bewaturu i sulo kinawilahanem, nde pahasa kawilahan mehe sulo. ¹⁴ Waaho kawalian behuam: mawolom hei komotahula mebo’oo osa tumod a tutud i tow i matem nde Kristus sumulo i homutahula. ¹⁵ Waaho kawalian imunenange mauleng, kalembisa kamotahula menonow, naam kaleitu totumu kabal, sumata mainjo towpandey, ¹⁶ Bo tuliden ange tepo yai telewe, nde tebei nendo mawuling-wuling tapia. ¹⁷ Kalianemoho na’ komotahula puneh, sumata damejinange sarorona mahaila kahabogem i Ngêled tow. ¹⁸ Bo na’de kamutahula mapolo lango i nanggor, nde nanggor mawalembo kahabegen, sumata sa rorona kaomotahula mawuling tutuh lenas. ¹⁹ Bo iwohodait anesa bo walina a masambow kahateren, bo katar sarani, sumahai bo mekahi tanu Ngeled tow bo kaenowan i nate. ²⁰ Menenet dumayow a pahasa ngalan i Ningumeled a Namang matatang. ²¹ Osa kumiding ngange batanganu o nesa bo a nesa osa matalo si Kristus. ²² Hai karoangu, kumuru a karoangu kelei a’ Ningumeled, ²³ Nde karoangu kaleitu kohong mekele Kristus kaleitu kapala jamaat, nde si sia. ²⁴ Kalembisa jamaat kamuru be si Kristus, keleimboho makaroangan. ²⁵ Hei karoang, ihales karoangu kelembisa Kristus maheles i jamaat bo behenam batangaNa be hamutahula. ²⁶ Bo dinahes, kelembisa sia bineresim bo pinedanom i nahe bo kukua. ²⁷ Saniboho i pa’na jamaat sasange na, loor alahem ahii lekew suma i wekele i boho saniboho jamaat beresi a hii da’i. ²⁸ Keleia boho manga karoang, i halesange karoangu kalemio batanganu si sei maheles i karoanga, maheles kahi batangana. ²⁹ Nde alahemoho totumu maree i mbatangana, sumata piawiana bo i iaha’ana, kelei Kristus a jamaat. ³⁰ Nde hita kelei batangaNa. ³¹ Nde manga tuama i pa’namio si wapana bo si mamana nde mainjo esa bo karoanga, saniboho silandua mainjo esa batangan. ³² Ahi, rona ihahua kahakoan, sumata mainjo panduhu patalian Kristus bo jamaat. ³³ Kaleaboho hahi kamotahula esa bo esa: ihalesange karoangu kalemio maheles i mbatanganu bo karoangu sarorona ormatenange karoang.