¹ Iboho kawalian ahu misu / mengajar ihamutahula, siahu tou besuang atutupan apa-apaan Ningumeled, saniboho penonowan nu keleitu mangatow tiniangen mekele bo niboho tiangen. ² Awahekou kumiding indeken inate, hii hele sisei ange, bo masabar ituru embele’nu osa mahalah mahowod. ³ Sa dumameji iyahaana kaenowan bo kosononoyan pebakesan i Monggongguot ⁴ Esa mbatangan, bo Monggongguot esa, kelembisa a nesa paharawan tinianga. ⁵ Esa Ningumeled, esa kawaheman, esa baptisan, ⁶ Esa ngeledtow bo namang a pahasa, ngeledtow matatang a pahasa bo pahasa. ⁷ Ta’behita ituhi-tuhid mbeles kaenouwan si nokadem mbehei Kristus. ⁸ Iboho kawalian kuan i nats: sare Sia imatangen a matatang, meang sia itawaran sehe imahe sia bewahambe a mangatow. ⁹ Awa Sia imilohom ihumapeten tatuhahi sia melengen ilumolosai ambaoitoba andoro indalem mio. ¹⁰ SiSia ilumolosen, SiSia hahi ekumeped lebe a matatang a pahasa langit, bo muling pahasa esaan. ¹¹ Bo siSia e mehe tanu Rasul-Rasul bo Nabi-Nabi mauleng mahabar ikukuha , bo gembala-gembala be manga masusui. ¹² Tanu lumekew i mangatow leno bo tawoyen a pelayanan bo momangun imbatangan Kristus. ¹³ Ahad kitai pahasa behoamat mawaesai kawaheman boulit kawandeian tanu Bata i Ningumeled. ¹⁴ Osa hita alam kahi kelueitu kedong, isendoh ohoi sendohai ikakab tapia bo ayang i tow hii wu’tul bo kalicikan ilatahula mawaureng suma iwawa sesat. ¹⁵ Ta iete tumaka i kaulitan bo beles kita tumow moho be Sia, Kristus. SiSia e matua suma siSia. ¹⁶ Nde pahasa be Sia batangan tinuliden loor sinusun bo sinogot mainjo esa a maselewir pahasa tanu tawoyen i manga tow tumirima bo momangun imbatangana am beles. ¹⁷ Boho kawalian ihuahu karuai kategasan iai be how be si Tuhan, naam penonowannu iwekele imanga tow hii mahahilala i Ningumeled bo kawarekena. ¹⁸ Bo kalahan’a endedem, dekang panonowa’na a persekutuan bo Ningumeled, nde kawodohan embana be silatahula bo kahetehan i natai latahula. ¹⁹ Kaheleman ilatahula susumên, osa silatahula sumarakan imbatangana a kahabogên bo tumawoi kasarakahan bo pahasa sokia. ²⁰ Sata’ kamotahula hii heleaboho, kamotahula beajarêm mahahilala Kristus. ²¹ Nde tinanga’am ihamotahula tanu si Sia. Bo tinirimam pangajaran be sia kele kaulitan beha turu’um be si Yesus. ²² Waaho kamotahula, bewesimbaan bo penonowan i hamotahula atalewe, sa i pa’amio a tow eto’om, bo i wetauw seseped awedu mawa’ureng . ²³ Samiboho kamotahula taleyen i monggowot a kawarekenu. ²⁴ Bo tumena a tow taleya bo pinomia wekele kahabogen i Ningumeled a kaulitan bo kaweresian bo ulit. ²⁵ Sahamotahula moboro, na’dere hamotahula tumulid sea naam tumia oho nendo awe lumeho mboronu. ²⁶ Bo na’am maha tepo a tahililahen. ²⁷ Tow tahow, mo’nam mapanahow, sumata sia dedem tumawoi bo tumawoi mauleng i palad i kamana, saniboho sia dona pebetengena a tow walia ahemoho’retala. ²⁸ Nadere mohodait ta’pia i huai mbabanu, sumata tuliden kawakodait’nu mauleng mamangun, bisana silatuhula i tunmanga maha’ere beles komba. ²⁹ Osa naam kamutahula mawatape i monggongguot lenas Ningumeled, tumapel behamotahula anendo mawa lowid. ³⁰ Pahasa kawetuan, kawahio’hio, boro, masisihuan, bo sero, i tiaam moho i hamotahula keleaho hahi ekata’piaan. ³¹ Pahasa kawetuan, kawahio’hio, boro, masisihuan, bo sero, i tiaam moho i hamotahula keleaho hahi ekata’piaan. ³² sumata kamutahula elud a kaheletow bo tow walina, mawuli-wuling beles bo mapung, kelembisa Ningumeled be si Kristus i mapung be hamotahula.