¹ Iboho kawalian ahu, Paulus besuang ambui tanu hii tou i Yahudi, ² tatu kinataananen i hamotahula awahem nyeledtow nde kamaulengan inate Na imelet tawoyen tanu kamotahula, ³ kuan i Ngeletdtow pandung Nga ihua tanu bewamunahu be watih kinopoku hemange. ⁴ Sumata sa hamotahula imacam, tatu kalahan ihamotahula hii kalahan i hita niboho Kristus a kalahaiku. ⁵ Atalewe ahii kalahan, hii mahasa i hua atow, ta iaitalewe ngeledtow Monggongguot be turu’nam a manga Rasul-Rasul bo Nabi-Nabi Na. ⁶ Ahii kalahan awaboho: koyow monunga, ahii tow i Yahudi mahaiwi i kamang I ngeledtou, atelewe sinadiam tanu tow i Yahudi. Ahii tow i Yahudi imainjom imainjom BataNa esa osa imayom indandi i Ngeledtow berandi i Tialog. ⁷ Ngeledtow imehe be ahu tawoyan mawa sareb i koyow monunga iboho itutu a kawasa ingeledtow mamoali ambatangeiku. ⁸ Apasaha hitai jamaat batu siahu e niwahebe-ebe ta, Ngeledtow e nimehe komba beahu kelewai tawoyen behehu iwawasairi atow ahi Yahudi koyow monunga kasihaan i Tialog ahii mahau-hau, ⁹ osa siahu kalahan i pahasa tow ngeledtow nimomia imbaoi kauhaan niai, tumulid i pandungnga atelewe bewaruru-rur am baitoba. ¹⁰ Pandung i ngeledtow saniboho iai telewe, tutulen i jamaat, pahasa tumakataka i kawasa ambao mahalah kaulitan i ngeledtow a pahasa kasihuana. ¹¹ Ngeledtow nitumulid kelei pandunga ahad kaeto-eto bo tinulid a karengan i Tialog ngelledtow ihita. ¹² Sa mebem mbe si Tialog maijo esa be sia, ki’ta bineana kaangean sarona sumusud a ngeledtow. ¹³ Iboho kawalian pangeleyeku behamotahula, saniboho kamotahula naam metawar e nate melilah kamotahula besesem, ndebesem iboho konungaanu. ¹⁴ Iboho kawalian ahu sumalimbuhu ssasaangen i Namang ¹⁵ Be Sia pahasa suru asuang sorga bo ambaoitoba tumirima ngalana. ¹⁶ sumombayang Ahu saniboho kasihaan konuangaaNa maworowot i kawaheman ihamotahula nde monggongguot asuang indekenna. ¹⁷ Yanasa kawaheman nu Kristus metewio asuang natenu osa kamotahula mamut bo sane bo beles. ¹⁸ Sumombayang Ahu, saniboho kamotahula ihaharua bo manga tow leno sa mahailah ikalebaran bo kahatangan bo katatang bo karaleman mbeles i Kristus. ¹⁹ Osa maha hilalai embeles iboho, haleot ipahasa kawandeian sumombayang ahu sarorona kamotahula pulingen asuang kasononoyan i ngeledtow lebe rekang lebe tadoo sai sumombayang a ngeledtow. ²⁰ Tanu siSia endo’na tumulid lebe beha nyatam e kawasa i tumawoi be hita, ²¹ tanu siSia, konungaan an jamaat bo besi Kristus Yesus manga suru ahad kaeto-eto ulit.