¹ Hai moro hedong, humiitange a matuanu be si Ngeled tow nde mainjo kelewai ² Siriinange siwapanu bo simamanu, nde wai esa pêrêta wênting, saniboho kawilahan dandi yai, ³ saniboho kamotahula monunga bo malowid ambaoi toba, ⁴ osa kamotahula i moro hedong, sumata didiken ange silatahula a’najaran bo tuturu i Tuhan. ⁵ Hai hamotahula sosiu, kumiitange a tuangu ambaoi toba bo matalo, osa kaenowan i nate, kaleaboho hahi kamutahula kumiit be si Kristus. ⁶ Naam bati a sasangen mawa senang ate i tow, sumata kelei manga sosiu Kristus karengan i ate-ate tumulid pandung i Ningumeled. ⁷ Karengan kawolahan i nate tumulid i tumulid i tumawoiNa bo ahii totumu. ⁸ Kalahan i homotahula, awahem pahasa tow bo sosio, kaleahu tow binebas sa sia i tumawoyem mauleng kaereana tatawoyan mauleng be si Tuhan. ⁹ Kaleamboho hahi kamotahula tuatuang tulidenange silatahula bo i rekang ange a mawatalo imunen nange si Tuhan ilatahula bo si Tuhan i hamotahula a’ suang iSorga ahii milah i tokia ¹⁰ Potahadan, sa rorona kamotahula i êtê be si Tuhan a suang i êtê a kawasaNa. ¹¹ Pakên nangê pahasa kêlid i Ningumeled, saniboho kamotahula dona lumawah kawadeyan i tahii pelilahen, ¹² apa-apaan tatawoi i hita ahii lumawah daha bo kêtêd sumata lawahên nangê manga kupania, bo lumawah mahaimbahut, lumawah panguluan karendeman baoi toba, lumawah manga tu’tuh tapia ambao i langit. ¹³ Kalianêmaho injonange pahasa kêlid i Ningumeled saniboho kamotahula do’na lumawah a nêndo tapia bo mênênêt tumod a mawahao moho pahasa. ¹⁴ Osa tumod êtê mawokol kamaulengan bo malatang i kaadilan, ¹⁵ a’ênu sumapatu mabog kumua i ninjil enow mosononoi, ¹⁶ awahem asiamange mamoali pakênangê kêlid koêmananu, ndê kêlid diaho dona mawawate pahasa pana mahawahamange i tapia, ¹⁷ bo tirimanange sapeo kahele kawiaan bo kêlid monggongguot waaho Kukua Ngeled tow, ¹⁸ a pahasa i wonguman. Maponguman nange têbêi noras a mongongguot bo mahiyaha mange a pongumanan osa mapangeleiange ta sumondo tanu pahasa tow maheman, ¹⁹ Tanu siahu, saniboho kamotahula muhai mbaba binean kohomba kodait mauleng, bo kawaraneyan, mawasairi i Kukua, ²⁰ a pinaselewiraiku sosiu tinorunggu. Sumombayang saniboho mebaranei a mawaturu, saniboho ahu dona masirita. ²¹ Saniboho kalahan i hamotahula enggiohu, osa Tikhikus, pog a mbeles bo sosiu dedem a Ngeledtow a mahataube hamotahula. ²² Bo pandung iai iwasiuhu behamotahula, awahem saniboho hamotahula gio ihamotahula mibor i natenu. ²³ Enow sononoi bo beles a kawaheman a Ngeledtow, amang mutu-utu besi Tuhan Yesus Kristus miwid i hamotahula. ²⁴ Beles bo kohomba dumuluh i pahasa tow, mahales si Tuhan Yesus Kristus bo beles a tahii masilaka.