¹ Tialoh ihumelamem medai imtatangan ? Osa kamotahula hahi mawakeli batanganu bo nutengu i oho-osai sisei medai i pedaian imbatangana, sia isumondoom itumuli kaseaan, ² asisa tepo iai naam tulidenu mekele kahabogan totumu, sumata mekele kahabogan i Ningumeled. ³ tadoo tepo pinanuli i kamotahula tanu kahabogan manga totumu ahii mahailala i Ningumeled. Kamotahula imenonow awasiamange kaharean, kahabogan, kolangoan, mawesta-westa, perjamuan lukubo masiri atutuh dinarangan. ⁴ i oho silatahula maerang, awahem kamotahula ahii lumas mawalosoh imbatangan medo-roro asuang pederean emekele ahii wetenaan, bo silatahula monero i kamotahula. ⁵ silatahula e mehe potangongen be Sia, alam i sumadiam mawatutus tou menonow bo tou imatem. ⁶ kamoalian e kukua besusuyem amanga totumu i matem, osa silatahula, i wekele bo manga totumu. Wateru kelei batangan ; sumata e tutuh menonow i wekele kahabogan i Ningumeled. ⁷ asia mange e susutem . Apa-apaan i aho iête mbatanganu bo tumêtêngêm, osa kamotahula dona sumombayang. ⁸ apahamunan : kauli-ulitan ihales esatou bo tou balina, awahem beles kumolo katadooan i kaseaan. ⁹ utunan esatou bo tou balina bo ahi i mosamo-samong. ¹⁰ nesatou bo tou balina, iwekele bo konungaan kinaerean e totou esa tanu pangurus i konugaan i Ningumeled. ¹¹ bana tou menuru, kelei oho sia menunu kelei tou mapongitau kaol i Ningumeled ; osa sabana tou maselewir, kele aho sia tumulid bo kougatan kohomba- Ningumeled, osa Ningumeled bewonuga asuang asiamange apaan Yesus Kristus. Sia mahawunya i konunga bo kawasa aha kaeto-eto ! Ulid. ¹² ê nihalês, naam kamotahula maherang êlanga imbaha pedaian i mahi be kamotahula tanu nujian, kepom keleitu mbana nawa-awa ê tahi’i norom. ¹³ marayow, iwekele bo asia tanu kinaerean asuangi pedai’an Kristus, osa kamotahula dona, marayow bo mekahi atepo Ŝia mawaturu konunggaaNa. ¹⁴ kamotahula, sa kamotahula be ŏroh iwekawalian ngalani Kristus, awahem Tutuh konunga, wai Tutuh Ningumeled bana be how. ¹⁵ bana anepang i kamotahula e medai asakum tapelime sumai tahou sumai tou tapia, sumata taetare. ¹⁶ sa sia medai kelei tou sarani, osa naam sia monokia, mekawalian merotange sia monunga be Ningumeled asuang i ngalani Tialho i oho. ¹⁷ waitalewe mahim tempona pangisa’an imolaim bo ambale Ningumeled iyo apahamunan i tutus, bo tutus i oho imolai be hita, kelembisa hahi potahadan i latahula etahii maheman a kukua Ningumeled ? ¹⁸ sere totumu mauleng toyota ahii bewawawia, asia kamoalian bo tou fasik bo tou ahii mauleng ? ¹⁹ oho sarona silatahula mahahelam indai kahabogen i Ningumêlêd mehei kanaluna, osa matulid mauleng, besi matulid e moeman.