1
Ahu tumotoro a manga penatua a nepang ihamotahula, siahu kele karua i penatua bo sairi i pihongigon i Kristus, ê mahaere hahi beteng asakum konunga’an ê mainjo mahasa iwawatara.
2
sangawalas ndomba i Ningumêlêd ê mbehamotahula, na’am lesê’en, sumata kahabogeni’o i wetena’an bopandung i Ningumêlêd, bo na’am osa mabog minjo kautungan, sumata asakum powaladan imbatangan.
3
kamotahula tumulid keleitu kamotahula mabog meretah silatahula ê mbewahitawoy behow, sumata mero-merot kamotahula dona paonguludan sangawalas ndomba iaho.
4
kamotahula, sa tapahiaha banggoronggang mahi, kamotahula mahaere balalugi konungaan ê tahi’i molatoy.
5
hahi kamotahula, hei manga taletumow, makiitange a manga matua. Osa kamotahula ihênêngem mbantanganu a saangen imbalina, nde Ningumêlêd mahalas itow hênêng i nate.
6
niaho ihenengem batanganu ambawa’i kama i Ngêlêdtow ê morowot, sani’oho i wawatatangNga a tepona.
7
pahasa kaliangannu be Sia, nde si Sia e mahiaha ihamotahula.
8
bo mahiahamange ! Kasarunu, si tapatena/ malapang a tambulehe’ mekele kele singa ê manguanguang bo mangilah itotumu dona’na tepesen.
9
sia i neman morowot mootê, nde kalaharu, awahem pahasa pog’na ambao i’toba maluha ipakelamen mekêle.
10
Ningumêlêd, humbuhan i pahasa bêlês kohomba, ê nitumiangêm a sakum si Kristus a konunga’an-Na ê têlasan, mainjo mawalêkêw, mawaêtê, mawarowot bo mawaugat i hamotahula, ihaelotoho homotahula nimapongigon sangaoras kaêto’ana.
11
ê mahasawa kawasa ahad i kaeto-eto !
12
i tinolohan i Silwanus, ê pawapilahênku êsa wog ê ndo’na emanên, siahu mamatih kopong bo homotahula tanu mehe sasani bo mawaeman i hommotahula, awahem ni’ai beles kohomba a nulit i Ningumêlêd. Tumod karengan i nêtê asakumena !
13
behamotahula pahasa a mangaharuana ê sinisir a Babilon, bo teka si Markus bata’ku.
14
sisiri anesa bo esa karengan titimu lenas sosonoi enow iwalalas ihomotahula pahasa be si Kristus. Ulit.