¹ hahi hamotahula a manga karoang maku’ itange iboho sawana anepang ilatahula ahii makiit anonoi ahu akukai, silatahula mande ahem behua, kamenangan i kawahioho i karoanga. ² silatahula milah kelembisa kaenowana penonowan karoangan. ³ na’am i-iwing a kawatangan, kelei mangepang-ngepang inutah, i mahe orangi’ni eman suma ma pake-wahe pahasa i loor. ⁴ orangi’nu totumu i-i winga be haruru bo orangi’nu i tahii motutus ê moêmêng bo têtêng am belen i Ningumeled bako baerah. ⁵ kêlêi boho kawahio i mangawene lenas sata lewe beidandan, ioho mangawene i mepa’ paharawen ani aNingumeled ; silatahula a kanoanga. ⁶ sa kumiit be si Abraham bo ngumalan sia tuanga. Bo hamotahula manga wata’na, sa hamotahula tumuli mauleng bo hii matalo i mamalah. ⁷ hahi mangaharoang, menonow motutul bo honoanga, kele kaum kawelio. Silatahula kele karua mahaweteng i mbêlês kohombak, e waaho katowan sani’oho sombayangu ahi’i ka-aparan. ⁸ iho ihomotahula pahasa se ia sekata bo makele kahelaman, mahales matagapo, mahales bo ihisit toho nate. ⁹ ahii malas tapia bo ta’pia suma, putung bowutung sumata hahi, salikuna, ihamerot kumamang. Osa tanu ioho hamotahula tiniang nde mahere kunamang awahem : ¹⁰ mabog mahahes katowan bo mabog mulah mangaendo mauleng, sia tu’ niaha ndilah’na a kata’piaan bo semudna a pahasa wapakuana i momandey. ¹¹ ahi’i toros tahi’i dumekang a kata’piaan bo tumuli i mauleng. Sia ahi’i toro stahi’i mangilah pesononoian bo maberusa kaeraenna. ¹² belen i Ningumeled bewanautu’ a manga totumu’ ulit, bo talingaNa bo pangeleiên besi latahula mangelei owod sumata omo i Ningumeled hoo mabog manga totumu tumuli’i katapiaan. ¹³ sisey sia tumuli ikata’piaan be homotahula, sa hamotahula dêdem tumuli i mauleng? ¹⁴ Sumata mande hamotahula hi’toro stahi’i medai’a kaaulitan, hamotahula i mosononoi nde naam hamotahula matalo asia nihatalo i latahula bo naam gentar. ¹⁵ i lenas Kristus asuang inatênu kele i Ningumeled ! Bo sumasu adia mange apahasa tepo tanu mêhê sosowat a mangatotow i mangeley sosowat besilatahula a paharawen embana behow sumata hi’ritoro stahi’i moêmeng bo, ¹⁶ bo kamaulengan inatem saniboho silatahula ê maroros ihomotahula apa’an kaenawanu e maheman be si Kristus, mainjo sokia nde tana i latahula. ¹⁷ e mauleng meda’i nde : tumuli mauleng saniboho papandungen i Ningumeled. Saniboho hahi meda’i nde tumuli kata’piaan. ¹⁸ kahi Kristus bati masa mate tanu pahasa kasean i hita. Bo tanu hahi manga to ulit bo tahii ulit, saniboho sia mêang i hita besi Ningumeled; i boho hahi sumata hahi bewawatow kumiit tutuh. ¹⁹ asuang i mongoguoth iho sia moho mawasahai bo asuang i manga tutuh bo asuang i torunggu. ²⁰ a tutuh-tutuh ilatahula a talewe hahi Nuh ahii maheman a Ningumeled, awahem Ningumeled bo sumondo i kasabaran atepo Nuh dali’ sumadia imbolutuna, bisana bati’ hisit, ba walu tow bewawawia i nahê bah ioho. ²¹ aitalewe hahi homotahula bewawawia i wangande mabaptis pandungaa ahi tanu meresih i kasamehan imbatangana, sumata tanu mangelei i nate a kamaulengan be, Ningumeled a kinatowan Yesus Kristus. ²² rumatuh a kanoal i Ningumeled, ahadem sia humapet a sorga, bo kiong i sorga kawasa bo ugat bdwawasese besia.