¹ Kawalian nioho itia pahasa tapia, pahasa tapomandey bo pahasa kahaulitan, kahanatan bo dororos. ² Bo mamuali mekele kedong imobataiwemay leteh mabog ahe i susu leno bo sarani, iboho homotahula tumow bo mahaere kalowidan. ³ Sa hamotahula totu’u i numi’im kamaulengan ni Tuhan. ⁴ moai be Sia batu ê menonow i oho, totui betia i totumu, sumata sinisir bo beormat andior Ningumeled, ⁵ mande homotahula bewawatorotanu batu menonow tanu pomangunan, esa bale sarani tanu esa kohoyow lenas tanu imowalad powalad sarani nde si Yesus Kristus imetenaan besi Ningumeled. ⁶ Nde bana bewatih asuang i kaol : “Kaulitan Ahu inepa a Sion esa batu sinisir esa batu tumeh mahal bo sisei mange maeman be Sia ahii iwawasokia. ⁷ iboho tanu homotahula maeman, sia mahal. Sumata tanu homotahula ahii maeman, batu betia’am i matawoi pamalean imamualim Batu Tumeh bo hahi mamuali batu iwasait bo esa batu hawisud. ⁸ behawisud ambatu iyoho, awahem silatahula ahii maeman a kaol Ningumeled bo silatahula hahi be sadiam. ⁹ komotahula bangsa sinisir imamat yang rajani, bangsa lenas, totumu beteng i Ningumeled mio, osa komotahula mawatau pahasa tatawoi bako i Sia, i tumiang homotahula lumuai a karendeman a sulo ajaib. ¹⁰ atalewe ahii umat i Ningumeled sumata iyai talewe imamualim umatNa, atalewe ahii behales, sumata iyai talewe imahae’rem karua imbeles. ¹¹ imbeles, ahu metaled ihomotahula osa kele imahiwe bo malaur-laur, homotahula irekang batanganu a kahabogen i keted, meberusa lumawah i kanalunu. ¹² kawenonow mauleng a tutud i bangsa-bangsa ahii Yahudi osa silatahula ihomotahula tanu tow pana’pia’an, silatahula dona lumilah tatawoyen maualeng bo monunga Ningumeled anendo sia mogamat silatahula. ¹³ nde Ningumeled, pahasa tombaga i totumu, a manga daja kele tumaka kakuasaan, amatatang. ¹⁴ be manga masali bewasiuna tanu mukum totumu itumulid tapia bo sumirir totumu matulid mauleng. ¹⁵ wai kahabogen i Ningumeled, iboho sa matulid mauleng, komotahua mawaetew kaipitan totumu bodoh. ¹⁶ Menonow kele tow merdeka bo ahii kele silatahula mapawa-wesea kemerdakaan iyoho tanu sumolindung katapian ilatahula, sumata menonow kele sosiu i Ningumeled. ¹⁷ pahasa tow, ihales manga morowog, matalo besi Ningumeled, siriin daja. ¹⁸ komotahula, manga sosiu, kumuru teka matalo mio be tuangu, ahii mange mauleng bo moluboi, sumata ahi ahas. ¹⁹ beles kohomba sa esa tow apa’an mobulig pandung i Ningumeled mananguung pahigonen ahii musti tanggingena, ²⁰ awahem dona oonah ihua dayow, sa homotahula imigon i powakur sa komotahula tumalid sea sumata sa homotahula tumulid mauleng bo kawalian komotahua hii toro imigon, nde waaho beles kohomba besi Ningumeled. ²¹ i boho komotahula tiniang, nde Kristus hahi imigon tanu i homotahula bo imepa iyo pakiitan tanu sihow, osa homotahula kumiit a pinahebeaNa. ²² ahii tumulid sea, bo ahem towa ambabaNa. ²³ sia pinonapa, sia hii sumaluku i pinonapa anoas sia imigon ahii sia mamala. Sumata sia kumanoi sia be sia misa teka i nadil, ²⁴ mio ilumihud sea ihita asuang imbatangaNa a kayu salib, iboho hita imate a kaseaan, menonow tanu kaulitan osa manga lembitna komotahula memauleng. ²⁵ atalewe komotahula behaureng kele domba sumata iyai talewe komotahula i malengai besi gembala bo mapaiyaha i kanalunu.