MATOU-TOU MEWALI ESA NGA AWU ¹ Tuanakan kangkasi nikouw, heiy tu’awewene-tu’awewene, tumu’utukouw wia si tu’atuamamu, rio sa wawean witu e nelet nea se reiy’ lale’ witu e Nuwu’, nisea kangkasi reiy’ ampit e lelila’an se neiy i untungla kaa eng kalakuan ni tu’awewenena, ² sa sea lumoo’, kumura eng kamurni wo eng kelale’na em patou-touan ni tu’awewene nea i ti’i. ³ E lelo’ormu te’a mouw eng kenaramen lahiriah, nyi’a i ti’i ampit e mengepa-ngepang em bu’uk, mepake lelo’or mas ka’apa ampit mepakela e labung wangun-wangun, ⁴ ta’an e lelo’ormu nyi’a mouw sitou batinia neiy i kakirong ampit e lelo’or reiy’ mapuneng e nasal waki roh rinda wo e lompon, eng kasa waweean arga witu em beren ni Empung. ⁵ Karengan tuana mouw eng kenaramenna ne wewene-wewene kudus eng ketareanna masudeiy, nyi’a i ti’i se wewene-wewene minee em paarapen nea wia si Empung; nisea se tu’utuk wia si tu’atuamana, ⁶ Masuat tanu si Sara si lale’ wia si Abraham wo ngimaranla nisia tuangna. Wo nikouw nyi’a mouw kouw urang-urangna, sa kouw masiwo le’os wo reiy’ meide’la pe’iwetan. ⁷ Tuanakan kangkasi nikouw, heiy tu’atuama-tu’atuama, tumou mouw sama’ ampit si tu’awewenemu, tanume se kaum lebe lewea! Ormatenola sea tanume si ka’ampit pewaris witu e nupus karunia, nyi’a i ti’i em patou-touan, rio en sesombayangennu te’a ka’ape’an. ⁸ Wo eng kesampetanna, satorona kouw nu waya kouw esa nga iyon esa nga totor, esa nga pedaman, meupusla se patuari-patuari, tongkoupusen, wo kumeng ate, ⁹ wo te’a mouw mesesuli’la eng kalewo’an ampit eng kalewo’an ka’apa e na’abuten ampit e na’abuten, ta’an eng kapurikitna, satorona kouw maberkatla, karengan kaa ni’itu mouw kouw kineret, nyi’a i ti’i kaa laa maka’ato em berkat. Karengan: ¹⁰ “Seiy si pa’ar meupusla em patou-touan wo pa’ar lumoo’ e nendo-nendo le’os, nisia si lewo’ sa reiy’ tumayur e lila’na witu e lewo’ wo en sumpingna witu e lelila’an-lelila’an mele’ekok. ¹¹ Nisia si lewo’ sa reiy’ ma’akatla e lewo’ wo matuanala e le’os, nisia si lewo’ sa reiy’ sumero em pedamean wo me’inakut maka’atola nyi’a. ¹² Karengan em beren ni Tuhan en timuyu wia se tou-tou ulit, wo en talinga-Na witu em paaleiyen nea nu maki tulung, ta’an eng gio ni Tuhan e mapero se tou-tou masiwo lewo’.” ¹³ Wo seiy ku’a re’en si laa sumiwo lewo’ wia nikouw, sa kouw rajing masiwo le’os? ¹⁴ Ta’an ma’anouw tu’u kouw lewo’ sa reiy’ peme’itan kangkasi karengan eng kaulitan, nikouw kouw laa ma’aruiy. Kaa ni’itu te’a mouw i keide’ miouwla sapa neiy i keide’ neala wo te’a mouw meide’. ¹⁵ Ta’an kudusenola si Kristus witu e natemu tanume si Tuhan! Wo tumiro-tiro’ mouw witu e reiy’ sa mina’asa nedo kaa laa mewewee pertangongan jawab wia se susur tou makiwee em pertanggongan jawab wia nikouw tanume em paarapen em bia nikoo, ta’an e lewo’ sa reiy’ mouw ampit e rinda wo e normat, ¹⁶ wo ampit e nate makauli-ulit murni, rio nisea, se masero’ nikoo karengan em patou-touannu lale’ witu si Kristus, se mineirang karengan en sero’an nea i ti’i. ¹⁷ Karengan lebe le’os em peme’itan karengan e masiwo le’os, sa eng kapualitan i ti’i ni’i kepa’arla ni Empung, ta’an i te em peme’itan karengan masiwo lewo’. ¹⁸ Karengan kangkasi si Kristus si minate mouw mekasa i wee e reiy’ sa mina’asa dosa ta, Nisia si ulit i wee se tou-tou reiy’ ulit, rio Sia mali nikita wia si Empung; Nisia, si winunu’ mola witu eng ka’ada’anna tanume sitou, ta’an si tino’orola i ki’it e Roh, ¹⁹ wo witu e Roh i ti’i kangkasi Nisia si minea mabarla e Injil wia se roh-roh witu eng gorem em penjara, ²⁰ nyi’a i ti’i wia se roh-roh nea se ketareanna witu e nedo si Nuh nu reiy’ lale’ wia si Empung, katoroan si Empung si minena-ena’ ma’ena’ ampit en sabaar witu e nedo si Nuh nu kasuatan matiro’pe’ em bahterana, witu e wisa se toyo’ i te, nyi’a i ti’i se uwalu tou, se linawirla e rano ampuan i ti’i. ²¹ O kangkasi nikouw en teakan kouw linawirla kaa e na’asarenna, nyi’a iti’i em baptisan – maksudna reiy’ kaa laa meweweresila eng kari’irisan en jasmani, ta’an i te kaa laa mapa’aleiyla e nate nurani le’os wia si Empung – kaa eng kinato’oran ni Yesus Kristus, ²² si rimuber witu esa nga weka lele’os ni Empung, nu reiy’ mouw Nisia nu limongkot waki sorga nu reiy’ mouw ne reiy’ sa mina’asa malaikat, eng kuasa wo eng kaente’an neiy’ i tu’utukla wia–Nisia.