YESUS KRISTUS SI WATU PENJURU ¹ Kaa ni’itu i te’a mouw e reiy’ sa mina’asa kalewo’an, e reiy’ sa mina’asa le’ekok wo e minegheghioan kamunafikan, eng kadangkean wo en sero’. ² Wo mamuali mouw masuat tanu si dade tare mouw i patoumi, si reiy’ maena-ena’ mepa’arla e ranona en susu murni wo e rohani, rio kaa e nyi’a o kouw tumou wo maka’ato eng kelawiran, ³ sa kouw uli-ulit mine’anola eng kale’osan ni Tuhan. ⁴ Wo meiy mouw wia-Nisia, si watu matou-tou i ti’i, memang si neiy i terek ne tou, ta’an si pineleng wo niormat witu eng hadirat ni Empung. ⁵ Wo ma’anouw nikouw kangkasi kouw paken tanume si watu matou-tou kaa laa mereredeiyla e nesa wale rohani, i wee e nesa imamat kudus, kaa laa mesesempela en sesempe rohani karengan si Yesus Kristus si mekepa’aren wia si Empung. ⁶ Karengan wawean neiy i kepatik witu eng Kaol Suci: “Eng kaulitna, Niaku ku rimeta’la waki Sion e nesa watu kinapelengan, e nesa watu ruuna kemaal, wo seiy si ma’eman wia-Nisia, si reiy’ laa i papaira-irangla.” ⁷ Kaa ni’itu i wee nikouw, si ma’eman, nisia si kemaal, ta’an i wee nisea nu reiy’ ma’eman: “E watu neiy mouw i terek ne meneniwo-meneniwo bangunan, minamuali mouw watu ruuna, o kangkasi e minamuali mouw watu paleleren wo e nesa watu kasu’usu’an.” ⁸ Nisea se neiy i kasu’usu’ wia nyi’a, karengan nisea se reiy’ lale’ witu e Nuwu’ ni Empung; wo i wee e ni’itu nisea kangkasi se neiy mouw i sadiala. ⁹ Ta’an nikouw mouw si bangsa kinapelengan, imamat si rajani, bangsa kudus, umat kapunya’an ni Empung nuesa, rio kouw mabarla em pasiwo-siwon – pasiwo-siwon wangko waki Nisia, si kimeretouw nikouw kumaluari waki kareiydeman mineiy witu en terang-Na maka’erangen: ¹⁰ nikouw, eng ketareanna kouw reiy’ umat ni Empung, ta’an en teakan kouw minamuali mouw umat-Na, eng ketareanna kouw reiy’ i pakoupusla ta’an en teakan kouw minaka’ato mouw en tongkoupusen. ¹¹ Patuariku waya i koupus, niaku ku ngume’enge’ la nikouw, rio tanume si mate’u-te’up wo masengko-sengkot, nikouw kouw ma’akatla en tou witu eng kepa’aran-kepa’aran e le’ona e me’inakut mesaru e imukur. ¹² Makapunya mola eng kenaramen em patou-touan e le’os witu eng keuneran ne bangsa-bangsa reiy’ Yahudi, rio sakawisa sea masero’ nikouw tanume sitou durjana, nisea se toro lumoo’ nyi’a witu em pasiwo-siwon – pasiwo-siwonnu le’os wo malo’orla si Empung witu e nendo Nisia nu lumales nisea. ¹³ Tumu’utukouw, karengan si Empung, witu em baya eng kinetareani ni tou, le’os wia si raja tanume si timiboiy eng kakuasa’an kasa rakek, ¹⁴ ka’apa tu’u wia se wali-wali neiy i tokena kaa laa mukum se tou-tou masiwo lewo’ wo ma’ormatla se tou-tou masiwo le’os. ¹⁵ Karengan e nyi’i mouw eng kepa’aran ni Empung, nyi’a i ti’i rio ampit e masiwo le’os nikouw kouw kume’ekepla eng kapicikan ne tou-tou we’engel. ¹⁶ Tumou mouw tanume se tou merdeka wo reiy’ tanu nisea se maselok mepakela eng kamerdeka’an i ti’i kaa laa metetawunla eng kalewo’an-kalewo’an nea, ta’an tumou mouw tanume si hamba ni Empung, ¹⁷ Ormatenola em baya ne tou, i koupusola se patuari-patuarimu, meide’ mola si Empung, ormatenola si raja! ¹⁸ Heiy kouw, hamba-hamba, tumu’utukouw ampit e wuta eng keide’an wia si tuangmu, reiy’kan i te wia si le’os wo si rinda, ta’an kangkasi wia si bengis. ¹⁹ Karengan nyi’a mouw e nupus karunia, sa siesa tou karengan si wena’as witu eng kepa’aran ni Empung mesa’an em peme’itan reiy’ neiy i tantu pesa’anenna. ²⁰ Karengan toro ku’a re’en totoren pujian, sa kouw peme’itan e wewewe karengan kouw simiwo dosa? Ta’an sa kouw masiwo le’os wo kaa ni’itu o kouw lewo’ sa reiy’ peme’itan, takar e ni’itu nyi’a mouw e nupus karunia wia si Empung. ²¹ Karengan i wee e ni’itu mouw kouw kineret, karengan si Kristus tu’u si pineme’itanola i wee nikouw wo si timele’u mola paki’i-ki’itan i wee nikoo, rio kouw kumi’itla e nenus-Na. ²² Nisia si reiy’ simiwo en dosa, wo e le’ekok reiy’la witu en suma-Na. ²³ Katoroan Nisia nu paabuten, Nisia si reiy’ sumuli’ ampit e maabut; katoroan Nisia nu peme’itan, Nisia si reiy’ me’iwet, ta’an Nisia si simarakanla nyi’a wia Nisia, si maakimla ampit e nadil. ²⁴ Nisia nuesa si minesa’anola en dosa ta witu e nouwak-Na witu eng kayu salib, rio kita, si minate mouw witu en dosa, kita tumou i wee eng kaulitan. Kaa em pali’-pali’-Na kouw minale’osouw. ²⁵ Karengan eng ketareanna kouw seip tanu si domba, ta’an en teakan kouw minarengomi wia si rumerawir wo si mememiara e imukurmu.