¹ Nii tumo kamu mai toor oh i Kristus seron perkara wana natas wisa Kristus rimuh mun wia sebelah kanan ni Opo Empung. ² Pikiren perkara wana natas dai wia kawoatan. ³ ni kamu nimatemo oh tumou simindek mawali-wali Kristus, wia i Opo Empung. ⁴ Sa Kristus wia nidipta mapa loho nawak wia nikita, oh mapa loho inawak mawali-wali oh Opo Empung yang kamuliaan. ⁵ Niitumo pateno mako waya wia nawakemu oh waya sapa wia koatan pasiwo-siwon kenajisan, kapaaran, oh kapaaran lewo, keserakaan masuat oh maopo e berhala. ⁶ Niitu waya maka gahalon wia i Opo Empung, o etou maselok. ⁷ Oh kamu sumiwo intanu niitu, oh kamu tumou oh nisea. ⁸ Tehkan tiamo mako waya niitu oh gahalo, geram, lewo, fitnah, oh sirita-sirita lewo, kimaluar wia semuremu. ⁹ Tia mo kamu menowo-nowoan, kakamu timilaumo in tou ureh oh kalakuanna. ¹⁰ Oh nimakemo tou weru oh terus menerus binerumo, ni makaileko empaileken leos, kasuat i gambar khalikNa. ¹¹ Wia hal yai dai wana tou Yunani, oh tou Yahudi, oh tou bersunat, oh tou dai bersunat. Tou Barbar, oh tou Skit kapa tou bebas, Kristus wia waya gorem i ni itu. ¹² Ni itu tou sinisir ni Opo Empung i ki nudusNa oh kinaupusanNa, pakeno mako kaupusan, kemurahan, kerendahan i nate, kelemah lembutan, oh kesabaran. ¹³ Sumabaro mako kamu e tou walina oh amungan mako ne sea, se nimehe elem wia e walina, masuat oh Opo Empung nimapuni ih kamu, kamu sumiwomo mako i teintu. ¹⁴ Oh wia natas nitu waya pakeno kasih, ih nimakes, nimesa, oh limekep. ¹⁵ Nitumo nupus ni Kristus merenta i natemu ka nitumo timowomou mawali-wali esa awak oh bersyukurlah. ¹⁶ Paila nih Kristus baya kakayaanNa wia nikamu waya ih hikmat naituru oh mategor yesa tou oh walina, oh kamu kumantar mazmur, oh puji-pujian, oh kumantar i rohani. Kamu mawehe taruma kaseh wia si Opo Empung, wia gorem natemu. ¹⁷ Waya pasiwoniu kampit i lila k apa pasiwo-siwon waya niitu wia ngaran ni Tuhan Yesus. Oh mawehe tarumah kase wia nisia i Ope Empung amahta waya. ¹⁸ Eh Kawu-kawu wewene, malinga-linga wia sekawumu tanu wia si Opo Empung. ¹⁹ Eh, kawu-kawu tuama, koupus i kawumu otia makasar-kasar wia nih sia. ²⁰ Eh, pakasa neoki linga-lingan e matuamu, waya tuturu kaniitumo tewang wia Opo Empung. ²¹ Eh, papa-papa tia pawehan sumakit i nate neh okimu osea tia tawar nate. ²² Eh, hamba-hamba malinga-linga wia si tuangmu, wia koatan yai, tia sinarunea, oh masesenang nisea, taan onate leos k maindek i Opo Empung. ²³ Sasapa pasiwoniu siwono kapaaran natemu, tanu wia i Opo Empung on dai tanu wia etou. ²⁴ Pailekenniuw wia Opo Empung kamu makailek bagian ka maitantu wia nikou tanu upah. Kristus ituang nikou pareho-rehona. ²⁵ Sei simiwo kaselokan, nisia tumanggong kasumelokann ni itu. Ka i Opo Empung dai maloho i tou.