¹ Eh, tuang-tuang masiwo-siwo momeleos oh jumujur-jujur ria pareho-rehomu, gena-genangen nikou wewehan kankahi Tuan wana sorga. ² Sumomba-sombayang oh mailek-ilek oh mawehe terima kasih. ³ Sombayangome kami, orior Opo Empung muka mi l lan wia pemberitaan nai mi, orior kami toro sumirita rahasia Kristus, lantaran ni Sia nyaku dipenjar. ⁴ Niitumo nyaku mila mange sakumura naitantu. ⁵ Tumoumo me buta oh hikmat wia e touluar, pakenako waktunya nyai. ⁶ Niana mou sako lumilak on nupus, rei toro matowo, orior kamu ma ilek, mawehe wiwingkot wia pakasa netou. ⁷ Pakasa i pengalamanku paililaku wia i Tikhikus, patuarita koupusta, tou paling leos kaampitku wia i Opo Empung. ⁸ Nisia nerehoku wia ni kamu orior kou ma ilek e pengalaman nai mi oh sia mehe pangibioran wia natemu. ⁹ Nisia nirehoku kampit ni Onesimus, pattuarinemi i setia oh leos, esa wia nikou. Nisia mou malilila wia nikamu pakasa waya i mamuali wia nyei. ¹⁰ abea wia ni kamu dari Aristarkus, kampiteku wia penjara, oh i Markus pahanaken ni Barnabas. Terimano sia sasiamai wia nikou. ¹¹ Owia Yesus, ningaranan Yustus niseate telu kampitku wia ne antara sinunat nimamuali kampit ma payang wia kerajaan sorga. Nisea mou mangibor nyiaku. ¹² Tabea niwehemi nikamu ni Epafras. Nisiamo yesa hamba Yesus Kristus, nisia masombayang nih kamu, orior kamu tumoor leos tanu ematua e ma-eman leos kapaar ni Opo Empung. ¹³ Nyaku toro mehe kasaksian kasia masusa rendai wia nikamu. Oh wia Laodekia oh Hierapolis. ¹⁴ Tabea wi we hemi ni Lukas si tou leos oh i demas. ¹⁵ Lause tabea naimi wia e patuari wana Laodekia. Ohwana Nimva oh e Jemaat mana balenea. ¹⁶ Sasurat yai naimo baca wia nih kamu, painakuananten baca nabge wia e jemaat Laeodekia. Oh surat ne Laodekia baca nange wia nikamu. ¹⁷ Oh lilamange wia Arkipus: Whan no genang orior pelayanan tinerimamu wia i Opo Empung kelangenome leos. ¹⁸ Tabeaku wianikou Paulus. Tabea ya i tinuliseku oh lawaseku sandiri. Genangen bawakesku. Nupusku mawali me ni kamu.