¹ Ka kapaarku oh pailekenniu kumura kawuter perjuangan siniwoku wia nihkamu., oh nisea wana Laedokia, oh pakasa reipe mailek nyaku. ² Oh rior natenea terhibur sea maesa wia nupus, oh nisea makailek pakasa ih kekayaan, keyakinan, pengertian, oh mailek sia, ni Opo Empung, siamou Kristus. ³ Kawiamou nih sia nikasindek pakasa harta Hikmat oh kapinteran. ⁴ Nyai lilaku mange, ohreimo wana tou mabobodok nih kamu wia sirita-sirita tewang. ⁵ Kamaan nyaku daimo mawali-wali nih kamu, taan wia roh niahku mawali-wali nikamu nyaku mapela-pela limoho tertip nidop niuh oh katahangan iman niuh wia Kristus. ⁶ Nih kamu timerimamo Kristus Yesus Tuhan ta; nyitu mo nidop niuh mena terus wia nisia. ⁷ Niitumo nih kamu kumalat wia Nisia, oh tumoor wia natasNa, Nih kamu musti mawes kumeter wia iman naih wehe tuturu wia nih kamu oh nateniu musti laker mataruma kase. ⁸ Mahile ilek orior ndai wana tumawan ni kamu maan tuturuNa dai wana berguna oh dai ulit kumiit tuturu turun temurun oh roh-roh kaowatan oh ndaik kumiit Kristus. ⁹ Kawia te ni Sia nimunek secara jasmania pakasa kepenuhan keAllahan. ¹⁰ Nih kamu winutamo wia Nisia, Nisimou kapala neh pakasa pemerintah o penguasa. ¹¹ Wia Nisia nikamu sinunato dai sunat siniwo ni tou taan o sunat Kristus, terdiri dari penanggalan nawak berdosa. ¹² Ka maan nisia nih kamu kinubur wia baptisan o wia Nisia nih kamu kumiit binangkit. Maan oh kepercayaannu wia paayangen kuasa Nih Opo Empung timou Nih sia wia etou nimate. ¹³ Nih kamu kahi, maan katare nimate kapasiwo siwoniuh oh kahi nih kamu daik sinunat secara lahiria tinoumo ni Opo Empung mawali-wali Nihsia, timondong Nihsia nkimehe ampung pakasa pasiwo-siwonta. ¹⁴ Oh nih mapus ih surat utang yang oleh katantuan-katantuan hukum malapur oh minancam nikita. Oh niitu naih Na rou maan Naihna paku wana kayu salib. ¹⁵ Nih Sia kimahat e pemerenta-pemerenta oh eh penguasa-penguasa oh sea siwoNa tontonan laker tou wia gorem kemenanganNa wia natas nea. ¹⁶ Nih tumou dai toro wayaniu eh tou maukum nih kamu mengenai kakanen oh nononoten ka’pa (mengenai) hari raya), serap weru ka’pa hari sabat; ¹⁷ niitu waya mbayate bayangan bayangan wia sapa i musti maai, sedang wujudNa siamo Kristus. ¹⁸ Tia pa waya niu e kemenangan mu paggagalen netou ma towo-towo (merendahkan diri) o ma ibadah wia malaekat serta (bernilai-nilai) nawak maan pikiran-pikiranNa (yang duniawi). ¹⁹ Cedang nisia daik timimboi wia kapala, wisa pakasanawak, i tinombol o winakes mamuali esa maan urat-urat oh sendi-sendi, makilek pertumbuhan IlahiNa. ²⁰ Sakamo nimatemo mawali-wali maan i Kristus orimetamo wia roh-roh dunia, ka kamu simerakan nawakemu wana rupa-rupa peraturan seolah-olah nidop niuh wiape kawoatan: ²¹ Tea pantimboyan nyei, tea papeanan nyai, tea pasampuren nyei, ²² Nitu waya toute pakakas materi nemapake oh makit tite parentah-parentah oh tuturu-tuturu ne tou. ²³ Peraturan-peraturan yai man palohoon mbuta oh hikmat oh ibadah siniwo sandiri, tou merendahkan diri, masiksa nawak, daiwana berguna itu selain mampupuas nidop wia kaoatan.