¹ Basa ma, Yesus lao losa bali'i kambo'Na Nazaret neu no basa Eni ana nanori nara tungga'E. ² pas no sira fai huhule-oo'e na boe, Yesus nisi ume nggarei'a rala de Ana nanori. fai'na atahori nae' reu nggarei de ara rena Yesus nanori'Na ma ara nggengger, basama esa natatane mbali esa rae, "Atahori ia hambu mahine' lao mia be'ka nema? boema Ana hambu Koasa ona' ia lao mia be nema? ³ Eni ama'Na tukan hau, no ina'Na Maria, boema odi'Na Yakobus no Yoses, ma Yudas boema Simon to? te nda-sala'sa na Eni feto nara sia ia ro hita boe?" de basama, ara ramanasa de ara mbu'E. ⁴ basama, Yesus nafade mbali'se nae, "sia be-be mesane'o atahori fee hadat neu Lamatua A'te dedenu'Na, te hu sia kambo'Na, naa atahori nda fee hadat neu'e saa." ⁵ de boema Yesus nda hambu tao nala saa mia mamana' naa, ona'o Ana nggama lima'Na neu atahori hira mana mamahedi'ri de ara hai. ⁶ te atahori naa'ra rala manggate nara seli de ara nda nau ramahere Yesus nanaori'Na saa, de basama Yesus lao nakando nisi kambo-kambo deka sia naa de Ana nanori. Yesus Denu Ana Nanori Nara ⁷ basama, Yesus no'e nala Eni ana nanori ka sana hulu rua' nara de Ana fee se Koasa soa neu Dula-dale de'ulaka'ra. ⁸ boema Ana nafade mbali'se nae hei lao naa ama nda bole mendi sa'sa sia dala sa boe, hei mendi aka'a teteas, ama afi' mendi kokis, doo tondos, boema doi' sia hei bobori mara rala, ⁹ hu hei pake lao-pei' te hu afi' hei pake mendi badu rua. ¹⁰ boema, Yesus nafade mbali'se fai nae, "hei losa, fo hei misi' ume be'ka, naa ama leo mii hani naa losa hei lao hela mamana naa. ¹¹ boema, hei misi' mamana esa fo ara nda nau simbo hei'sa, naa pas hei lao, na ama nggafur hendi'i afu'a lao mia hei eii mara fo ara mete rita." ¹² naa fo, ara boe'o reu na ara ola-ola' mbali atahori laen fo ara boe'o tobat. ¹³ de, Lamatua Yesus ana nanori nara lao, de ara reu oi Dula-dale de'ulaka mia atahori nae' boema ara loloa atahori mamahedi'ra rendi' mina no ara nggama lima nara reu atahori mamahedi' naa ara hai. Manek Herodes Rena Lamatua Yesus Nara'Na ¹⁴ basama, Manek Herodes'a rena Lamatua Yesus nara'Na atahori dui-bengga'E, boema ana rena atahori ola-ola' rae, "Yohanes mana sarani'a ana mori bali' ena". ¹⁵ boema atahori ruma fai rafade rae, "naa Elia." hu ruma fai rafade rae, "naa Nabi, ona'a Ama Lamatua A'te dedenu'Na esa". ¹⁶ te hu, Manek Herodes'a rena nala, ma ana nafade nae, "Ia Yohanes, au tati u'etu langga'Na, te hu ana mori bali' fai!" Manek Herodes'a Mbau Nisa Yohanes Mana Sarani' ¹⁷ mema'a Herodes yang denu atahori fo ara humu rendi Yohanes mana sarani'a, fo pa'a e boema ara tao'E bui rala neu, ana tungga'a eni sao'na Herodias hihi' na. ¹⁸ Yohanes mana sarani'a nafade nita lao hara neu Manek Herodes a nae, "hoo nda bole ha'i mala bali', hoo odi'ma sao'na fo tao neu hoo sao'ma sa, ¹⁹ hu na'naa, de Herodias nambeda no Yohanes mana sarani'a de ana nae mbau nisa'e te hu nda hambu'e sa. ²⁰ beoma Manek Herodes'a boe'o namatau Yohanes mana sarani'a, te ana bubulu' Yohanes mana sarani'a atahori ndo-tetu'u de Herodes'a nanea'E. de pas Manek Herodes'a rena oi Yohanes mana sarani'a, ma ana ngengger, te hu rala'na ho'o-ho'o. ²¹ hu, losa faina pas no Manek Herodes fai bobonggi'na, ma ana tao fefetas no basa monae nusak'ra, no serdadu-serdadu nara boema basa malangga-malangga sia nusa galilea'ra. ²² de basama Herodias ana'na ina esa nema de ana lendo, de ana tao Manek Herodes no basa malangga'ra rala nara ramaho'o. basama, Manek'a natane mbali ina ana'a nae, "hoo mae mo'e a saa' sia fai ia'o, Au fee basa'e neti nggo." ²³ basama, Manek Herodes'a fulii neu'e nae, "sa'ka yang hoo mae mo'e sia Au'e, naa Au ae fee neti nggo, mae hoo mo'e Nusak ia seseri'na oo Au fee neti nggo." ²⁴ boema, ina ana'a lao bali nisi'i ina'na Herodias de ana natane mbali ina'na nae, "Au o'e saa sia Manek'a?" ma ina'na na'ta nae, "mo'e a Yohanes mana sarani'a langga'na." ²⁵ ana rena nala ma, ana nela' bali nisi'i Manek'a de ana no'e mbali'e nae, "au ae o'e, Hoo fee au Yohanes mana sarai'a langga'na tao'e nisi'i rarali'a rala." ²⁶ hu na'naa, Manek'a rala'na mera', te hu ana fuli ena neu ina ana'a boema atahori mana sia nara rena rala ena, de ana nda tao nala saa sa boe. ²⁷ basama, Manek'a parenda algojo esa nisi'i Yohanes mana sarani'a bui'na, fo ana tati nendi Yohanes mana sarani'a langga'na nema. ²⁸ basama, algojo'a bali' nema nendi Yohanes mana sanari'a langga'na nema tao neu rarali'a rala de ana fee neu ina ana'a de basama ana fee neu ina'na Herodias. ²⁹ de basama, Yohanes mana sarani'a ana nanori nara rena, ma ara rema de ha'i rendi Yohanes mana sarani'a ao sisi'na de ara reu ra'oi e. Lamatua Yesus Nahao Atahori Rifon Lima lena' ³⁰ Basama, Lamatua a'te dedeunu nara basa'se kumbu ro Yesus de ara rafade mbali Yesus sa'ka yang sira tao boema sa'ka yang sira ranori neu atahori'ra. ³¹ boema, Lamatua Yesus ola' mbali'se nae, "ima fo ata lao tisi'i mamana ma'afuni' fo ata hahae tala ao tara mbei dei." te, atahori nae' aka'a rema boema ruma lao bali'i, de mae ara rae raa-rinu boe'oo, ara nda raa-rinu rala'sa. ³² de, Lamatua Yesus no basa ana nanori nara sae ofa'a de ara lao risi'i mamana ma'afuni' ³³ te hu, atahori nae'e mete rita ma ara rahine'se. de atahori nae'e rela' tungga'se tungga-tungga'a retan'a de ara losa ra'ahulu'u Lamatua Yesus no ana nanori nara. ³⁴ pas Lamatua Yesus onda mia ofa'a ata ena, te Ana mete nita atahori nae' sia retan ata, boema Yesus rala'Na mera' mete mbali'se naa ara ona'a bibi lombo yang nda ma'ena mana tada'sa. de basama Lamatua Yesus nanori hal nae' neu'se. ³⁵ losa relo'a nae tena, ma Lamatua Yesus ana nanori nara rema rafade mbali'E rae, "mamana ia ma'afuni'i boema fai'a ma'ahatu ena. ³⁶ de denu atahori nae' iara lao risi'i kambo-kambo titia iara fo ara hasa na'na-nininu'u sia naa." ³⁷ te hu Lamatua Yesus na'ta nae, "hei yang mihao'se." boema, ara ola' mbali Yesus rae, "fee hai lao mi hasa nanat' sia be feli'na 200 dinar fo fee atahori nae' iara raa-rinu ?" ³⁸ ma Yesus ola'mbali'se nae, "hei hela roti hira sia naa?mi ha'i mendi'se rema!" de ara reu sangga, ma ara hambu mia anak diki'i esa aka'a "roti poto'o lima no u'u poto'o rua." ³⁹ boema, Lamatua Yesus parenda basa atahori nae nara fo ara endo rakukumbu risi'i moo ata. ⁴⁰ atahori nae' nara endo rakukumbu, de ruma kumbu nara atahori natun esa, boema ruma kumbu nara atahori lima nulu. ⁴¹ basa naa, ma Yesus ha'i nala roti ka lima'ra de Ana boti'i langga'Na lalai ata neu, Ana no'e makasih basama Ana bibinggi roti'ra, de Ana soro neu Eni ana nanori nara fo ara rahao neu basa atahori mana sia nara. u'u ka rua'ra o Ana babanggi neu basa atahori mana sia nara boe. ⁴² de, basa atahori mana sia na'ra raa-rinu ra'abeta. ⁴³ basa naa, ma ara kumbu-kumbu bali'i nana sisa'ra, de ara kumbu rala bali'i sofe boa sanahulu rua. ⁴⁴ atahori nae' nara basa'se aka'a tou'ra o rifon lima. Lamatua Yesus Lao Sia Tasi'a Ata' ⁴⁵ basama, Lamatua Yesus parenda ana nanori nara fo ara sae ofa ra'ahulu risi'i kambo' Betsaida reu, boema Ana denu atahori mana sia nara lao bali'i ume nara reu. ⁴⁶ Ana denu nala'se, ma Ana hene nisi'i lete' ata, de Ana neu hule-o'e. ⁴⁷ pas manggaua, ma ofa'a lao neu sia tasi'a taladana ena, te Lamatua Yesus hela'a mesa'Ne sia lete' ata. ⁴⁸ boema, mete'te Ana nita anin monae'a tao nala ana nanori nara rae'a mate, nda sala'sa na li'i haa ena, basama Lamatua Yesus lao tungga oe' ata' neu se'u'se mia tasi'a taladana, losa'se ma Ana lao nakando nisi'i ofa'a mata na. ⁴⁹ te hu, pas ara mete rita Yesus lao'o sia tasi'a ata, ma ara rae ne'o fe'Ne nitu, de ara nggasi-ki ramatau, ⁵⁰ basa'se mete rita Lamatua Yesus de ara ramatau. hu, Lamatua Yesus ola' mbali'se nae, "ama ne-ne. ama afi'i mimitau te ia Au." ⁵¹ basama, Ana hene nisi'i ofa ata neu, boema anina o hai, de basa'se nggengger. ⁵² hu na'naa, basa'se nda fe'e du'a rala mujizat yang Lamatua Yesus nahao atahori ka rifon lima'ra sa. Lamatua Yesus Fee Atahori Nae Hai Lao Mia Sira Hedi-Raus Nara ⁵³ de, Basama Lamatua Yesus no ana nanori nara losa mamana esa nara na Genesaret ma ofa'a see mia naa. ⁵⁴ pas ara fe'e onda mia ofa'a ata ena, te atahori nae' mete rita ma ara rahine Yesus, ⁵⁵ de ara rela tungga-tungga ume fo ara lu'a rendi basa mana mamahedi'ra rema risi'i Yesus. ⁵⁶ mae Lamatua Yesus nisi'i desa-desa be'ka mesan do kota-kota, do oko'na nusak-nusak titia'ra bee, naa te ara rasusunggu atahori mamahedi'ra si'a rae loa'a, fo ara du'a rea sadi'a sira kois dai'a Yesus badu tonggo'Na mbei'aoo sira hai.