¹ Lamatua Yesus se losa dano'a seri', mamana naa narana Gadara. ² pas Yesus onda mia ofa' ata, boema tou esa sofe' no'a duladale de'ulaka nema mia rates ara de nanda no Yesus. ³ hatu-rerelona o ana leo si'a rates ra dalada nara, basa atahori'ra ramatau'e. ⁴ ara pa'a rita'e rendi' rante boema ara langge ei nara, te ana na'etu endi basa rante'ra no ana nasenggi hendi basa langge'ra mana sia ei na. nda hambu atahori esa nambarani humu'e sa boe. ⁵ ana nggasi-ki si'a rates' ara no sia mbuku-lete'ra, tungga-tungga'a fai, hatu rerelona, boema ana uta-e'edi ao'na nendi' fatu tande'. ⁶ de, ana mete nita Lamatua Yesus fe'e mia dodo' nema, ma ana fela de ana sende' lu-langga'na neu Yesus mata'Na. ⁷ de, ana randu nahere' mbali Yesus nae, "au bubulu' Hoo Ia Ama Lamatulain ana mone' ise Na, de Hoo mae tao sa mbali au?, au hule neu Nggo endi'i Ama Lamatualain nara Na, fo afi'i Hoo sik'sa au!" ⁸ hu, Yesus nafade mbali'e nae, " hoo ia duladale de'ulaka, dea mu lao' mia atahori ia rala!" ⁹ basama, Yesus natane mbali'e nae, "hoo narama se'ka?" de ana na'ta nae, "au nara ngga Legion, te hai nitu'ra nae ma seli''. ¹⁰ ana hule-hule neu Lamatua Yesus fo afi' oi sira lao' mia nusak naa ¹¹ sia mamana naa hambu fafi lalaet esa naena seli' ara soso'a mia deka no lete' ata. ¹² boema duladale de'ulaka ra hule mbali Yesus rae, "denu a hai misi'i fafi na ra sini." ¹³ de Yesus tungga'se. hu na naa, duladale de'ulaka ra rela hela atahori naa risi'i fafi'ra. fafi mana ma'abubue ra nanae nara nda sala'sa na rifon rua. ara rela tungga dano a bife na basama ara boke dano rala reu, de basa'se tena dano rala reu. ¹⁴ Rita ta'o na boe, atahori mana tada fafi ra rela reu rafade mia kambo rala, de basa atahori'ra rema mete rita saa mana dadi' sia naa. ¹⁵ atahori'ra rema de randa ro Yesus, beoma ara mete rita atahori yang nitu pa'aa endo' sia naa boe, ana dudu'a na meulau bali' ena boema ana pake bua-lo'as meu lalau ena, de ara rita ma ara ramatau. ¹⁶ basa atahori yang mana rita no mata nara bali' de ara reu dui-bengga rae atahori mulu'a Yesus nahahai'e boema Ana oi nitu'ra rela risi'i fafi'ra. ¹⁷ de, atahori mana sia kambo rala'ra rena rala, ma ara rema ro'e Yesus fo Ana lao hela sira kambo na. ¹⁸ basama, Yesus nae hene ofa' ata neu, ma atahori mana hai' lao' mia duladale de'ulaka'a no'e fo eni tungga no Yesus se boe. ¹⁹ te hu, Yesus nda nau'sa, Ana nafade mbali'e nae, "bali' ume'ma mu fo dui neu hoo odi-a'a mara basa'se mae, no Lamatua susue lalai'Na neu au de Ana fee au hai boema Ana oi hendi nitu'ra lao mia au ao ngga rala nisi'i fafi'ra reu." ²⁰ basama, atahori naa lao bali' de ana neu dui bengga neu basa atahori mana sia Dekapolis soa no Lamatua Yesus tao nahahai eni boema Ana oi hendi nitu'ra lao' mia eni ao na nisi'i fafi'ra de basa atahori mana rena ra nggengger. Yairus Ana'na Mate Ena Te Lamatua Yesus Nema De Ana Fe'ne Fala Bali' Boema Ina Esa Namahedi Mbo'a-Mbo'a Raa' Te Ana Hai ²¹ Pas Lamatua Yesus ro ofa'a risi'i dano seri reu, te atahori nae kumbu rahani sia dano a su'na. ²² boema atahori esa nara na Yairus, eni naa malangga ume huhule-oo'e. ana mete nita Yesus losa, ma ana nema de ana sende' lulangga na neu Yesus mata Na. ²³ de, ana hule tebe-tebe neu Yesus nae, "au ana feto ngga fe'e ana'ka, te ana namahedi nae'a mate. au hule neu Nggo uma nggama lima'Ma neu'e fo ana hai." ²⁴ Yesus rena nala ma Ana tungga no Yairus. de atahori nae' mana mia nara boe o' bue-bue tungga Yesus se dea nara. ²⁵ sia atahori mana bue-bue naa talada nara hambu ina'k esa hambu fula na te nda nate'esa too sanahulu rua ena. ²⁶ ana nabasa hendi eni hata-eto nara bae neu'a atahori mana namodo hedis naa te ana nda hai'sa, hu hedis'a na'anae selu fai. ²⁷ ina'a rena atahori dui-dui Yesus nara Na, ma ana nema tungga Yesus dea'Na sia atahori nae' talada nara de ana nggama neu Yesus badu'Na. ²⁸ sia ina'a dudu'a na nae, "sadi'a au hambu kois dai badu'Na mbei'a o, au hai." ²⁹ ana fe'e nggama dai Yesus badu'Na boe' raa'a naloe de ana o' meda oi eni hedi na hai ena. ³⁰ Yesus boe meda koasa kalua dea neu lao' mia ao'Na rala. boema Ana heo' dea nue de Ana mete mbali atahori nae' mana tungga se, de Ana natane nae, "sekamana kois dai Au badu Ngga?" ³¹ basama Yesus ana nanori nara ra'ta rae, "Hoo mete mbali atahori nae' ona' ia'ka ara rakasesetik ro Nggo na Hoo mutane mae, 'se'ka yang mana nggama Au?'" ³² Te, Yesus rereo' fo Ana mete se'ka yang mana nggama Eni. ³³ ina'ka rena Yesus natane ma ana namatau naseli' losa ana dere'. boema ana nema sende'lulangga na neu Yesus mata Na de ana na'ta nae, au hule fo fee ambon au, te au yang nggama Lamatua badu Na. ³⁴ basama Yesus nafade mbali ina'ka nae, "ina'e, hoo nemehere'ma yang fee nggo hai. bali' ume'ma mo rala nemeho'ot boema soda'mole' soa neu nggo." ³⁵ Ana fe'e ola-olah na'o naa boe, atahori ruma lao'mia malangga ume huhule o'e a ume na rema de ara rafade rae, "hoo ana'ma mate ena. saa de hoo fe'e muhani Meser'a?" ³⁶ te hu, Yesus nda nau rena sa'ka yang sira rafade nara na'sa boe, de Ana ola' mbali malangga ume huhule oo'e a nae, "afi' mumutau, aka'a hoo mumuhere'a." ³⁷ de Yesus nda nau esa tungga Eni neu sa boe, aka'a Petrus, no Yakobus, boema Yakobus odi'na Yohanes. ³⁸ ara losa malangga ume huhule oo'e a ume'na, te ara rita basa atahori mana sia nara nggae ei-ie ena. ³⁹ basama, Yesus nakando rala neu, de Ana natane mbali'se nae, "saa de basa hei nggae? ana'ka ia nda mate sa, te hu mana sunggu'u." ⁴⁰ hu basa atahori mana sia nara mali Yesus. boema Ana denu basa atahori'ra dea reu, Ana no'e nala aka'a ana'ka papa'na no mama'na rala reu. ⁴¹ basama, Yesus to'u nala ana'ka lima'na de Ana ola' nae, "Talita kum!" naa oi, "ina ana', Au ufade mbali nggo, fela leon!" ⁴² nggengger ma ana'ka fela nambari' de ana eo-eo, ana'ka naa to sanahulu rua ena, boema basa atahori mana sia nara rita ma ara nggengger. ⁴³ de Yesus ira ana'ka ama-ina nara nae ama afi mifade esa boe mae Au tao ta'o ia'sa boe, boema Ana denu'se fee ana'ka naa-ninu.