¹ Yesus nae lao hela Ama Lamatualain Ume Huhule oo'e Na, ma ana nanori nara esa ola' mbali'E nae, "Meser, mete mita ume ia meulau na seli' boema ara dama rala ume'a fatu nara malole hie'!" ² de, Yesus na'ta mbali'e nae, "hoo mete aka'a ara ume ia ara rafefela'e meulau' makandedela'k too?, mete te neu mate'ena, te sea saranggangga hedi' basa'e nda hela fatu esa nato'u no fatu esa sa boe." Sususa-Sosona' Ma'ahulu'na Nema ³ basama, Yesus se lao lete' Zaitun ata' reu de ara endo' mbali Ama Lamatualain ume huhule oo'e Na, ma Petrus, no Yakobus, Yohanes, boema Andreas ratane mbali Yesus mesa'Ne rae, ⁴ "mufade hai, fai hira' fo fai naa losa, boema fai mate'ena losa naa tatanda nara ona' saa?" ⁵ basama, Yesus na'ta mbali'se nae, "sadi'a hei matalolole, fo afi' sambe atahori fee dala' rangat neu hei. ⁶ mete te atahori nae' rema rendi' Au nara Ngga, ara ola' rae, 'Au ia Eni.' fo ara fee dala ranggat neu atahori nae'. ⁷ mete ma hei rena oi ara atahori ramusu' fo esa tati mbau esa, naa ama afi' mimitau. mema' basa nara dadi ta'o naa, te hu nda fe'e losa mate'ena sa. ⁸ hu na'naa, mete te leo esa natati-nambau no leo laen, beoma nusak esa namusu' no nusak laen. raefafo'a nandesi' sia be'be; atahori nggasi-ki ndoes'a sia be-be. basa nara fe'edo nae nameda feu'. ⁹ de, hei musi minea mata lolole ao mara. te hoko' naa ara humu rala hei fo ara tao hei misi' mamana ma'etu, boema ara poko-paru hei sia ume huhule oo'e rala basana ara fee hei misi' manek'a mata'na, fo hei mifade Au dala meulau Ngga neu'se. ¹⁰ de, hei musi mi'i lolosa' Au hara-lii Ngga na'ahulu' neu basa nusak'ra sia raefafo' ia. ¹¹ boema, mete ma ara humu rendi hei misi' mamana ne'etu-neladi' o ama afi' mimitau mae heimi'ta ta'o bee?, te mae ara ratane hei dii-ona'o fo hei nda mi'ta mala'sa o, dei'fo Ama Lamatualain dula-dale'Na yang na'ta nala hei. ¹² mete ma, sia ume esa rala hambu atahori nemere' Au, mete te odi-a'a nara mesa'se sangga dala' fo tao risa'se, do ama do ina nara ramahere Au naa, ana nara tao risa'se. ¹³ boema, hei mimihere' Au de mete te basa atahori ramanasa hei. te hu, atahori se'ka yang na'atata' losa mate'ena, naa ana hambu masoda' lao' mia Ama Lamatulain." Minea Matalolole' Afi' Losa Hei Mate ¹⁴ Lamatua Yesus ola' fai nae, "mete ma, hei mete mita atahori de'ulaka'ra rema rae tati-mbau atahori nemehere'ra fo sira yang mana sia Yudea'ra rela risi' lete' ata' reu. ¹⁵ ta'o na'naa pas hei se'ka fe'e sia ume mara sini'na ata' naa halai onda dei boema afi' halalai o'o-ba'u hei sa'sa mara sia ume rala. ¹⁶ boema hei se'ka fe'e sia mole-osi mara afi' sudi bali' ha'i bua-lo'a mara sia ume. ¹⁷ mamates'a nala sira ina mairu'ra boema ina mana rasusu ana diki mana mbila', te sira nda bisa rela' halalai' rala'sa. ¹⁸ ama hule-oo'e fo basa nara afi' dadi sia pas fai udan. ¹⁹ te fai'naa, susu-sosona'a monae na seli',eni'a Ama Lamatualain na'adadi' raefafo'a losa fai ia, nda fe'e hambu rita sususa' sama ona' ia'ka, boema nda sudi hambu sususa' sama ona' ai'ka sia fai mana nema' ia'sa. ²⁰ mete ma, Ama lamatualain nda na'a'e'eku fai' naa sa, naa mete te nda hambu atahori esa nasoda sa boe. te hu, atahori yang Ana tengga nala'ra, Ana na'a'e'eku fai sususa-sosona'nara. ²¹ mete ma fai naa losa, fo atahori rafade rae, 'ima', te Kristus sia ia!' do oko' naa ruma fai oi, 'lao' te Kristus sia naa!' ama afi' mimihere'. ²² hu naa, mesias-mesias falus no Ama Lamatualain a'te falus'ra rema fo ara ratudu' mana dadi' mata-mata' rendi' nitu'a koasa'na fo ara fee atahori dala ranggat' boema ara ratutuda' atahori mamahere'ra. ²³ de ama musi minea matalolole'! Au ufade mema' hei eni'a mia ma'ahulu nara. ²⁴ hu, losa fai' naa, pas fai sususa-sosona' monae'a basa, 'relo'a dadi ma'ahatu'' boema fula'a o nda sudi manggarelo' sa ena. ²⁵ nduu'ra tuda leli lao' mia lalai'a nema, boema basa koasa-koasa mana sia lalai ata'ra ra'anggonnga'."' Yesaya 13:10; 34:4 Ama Lamatualain Ana'Na Nenema'Na ²⁶ "basa naa, dei fo basa atahori mete rita Ama Lamatualain Ana'Na nema sia lele'a ata' no koasa boema mandela masa'a monae'Na. ²⁷ basa' fo Ana denu Ama Lamatualain a'te nara mia sorga fo ara rema ra'abubue atahori yang Au tengga' ala'ra lao' mia raefafo'a suu'na losa lalai'a tongga'na . ²⁸ Yesus ola' nakando nae, "ama minori lao' mia dudui ne'etata' neu hau huu ara: mete ma hau'a dana nara nure-nure fo roo mbetu nara dea reu, naa hei bubulu' mae na fai fandu'a losa ena. ²⁹ hei o ona' na'ke boe, mete ma hei mita basa ia'ra dadi, naa hei bubulu' mae Ama Lamatualain Ana'Na deka nema ena. ³⁰ Au ufade tetebes neti nggi, te titi'ti-nonosi' ia'ra ruma nda fe'e mate'sa losa fai' naa losa. ³¹ mae lalai'a no raefafo' ia mopo o, te hu Au hara-lii Ngga ia nda basa sai-sai sa." Minea Matalolole' Te Fai Mamates'a Sangga'a Losa ³² Yesus ola' nae, "nda hambu atahori esa bubulu'sa fai bee do lii hira, Au uma'sa, Ama Lamatualain A'te nara sia sorga boema Ana'Na boe nda bubulu'sa, aka'a Ama Lamatualain mesa'Ne bubulu' ³³ de hei musi minea mata lolole', te, hei nda bubulu' fai bee, fai naa losa. ³⁴ ia'ia ona' atahori esa nae lao nisi' mamana dodo' neu. de ana lao hela uma'a, ma ana fee koasa neu a'te nara ranea ume'na boema ana babanggi fee'se esa-esa' no ue-tatao nara, de ana parenda mana manea lelesu'a fo ana nanea matalolole losa ana bali' nema. ³⁵ hu na'naa, hei musi minea hatu-rerelelon, te hei nda bubulu'sa fain saa tenu ume'a nema, hei nda mita' mae ana nema bobo'bo' doo neo faa', doo fai banggi rua', doo fefetu ana', ³⁶ afi' losa aiboi' ma ana bali' hambu nala hei mana sunggu'ru. ³⁷ Au ufade saa neu hei, naa Au boe ufade neu basa atahori ta'o naa boe, fo ara o 'ranea mata lolole' boe'