¹ lele' naa pas Lamatua Yesus se losa Betfage no Betania mia lelete' Zaitun, sia deka Yerusalem, ma Lamatua Yesus denu ana nanori nara, ² Ana denu'se nae, "hei mi'i hulu' misi'i kambo mana sia mata naa, fo mete ma hei mita keledai tena' esa yang atahori nda fe'e sae rita'esa mana pa'aa sia naa, na ama sefi mendi'e nema. ³ mete ma atahori mete rita hei, fo ara ratane rae, 'saa de hei lea mendi' keledai'a?,', naa ama mifade mbali'se mae, 'Lamatua Yesus denu hai ima lea'e fo Ana nae sae, de defo fee hai mendi bali'e ia nema,"' ⁴ basa ma, ara reu de ara mete rita keledai tena' esa yang mana pa'aa mia lelesu dea', si'a dala'a bife'na, boema ara sefi rala'e de ara rae lao. ma atahori hira rema rambari' mia mata nara de ara ratane rae, 'saa de hei sefi mendi keledai'a fo mae lao?" ⁶ ma ara ra'ta ona' saa yang Lamatua Yesus fuli hela neu'se, basama atahori'ra fee'se rendi keledai'a lao. ⁷ ara lea rendi' keledai'a losa Lamatua Yesus, basama ara dae sira lafe nara risi' keladai'a nggarasa'na de fee Yesus endo' neu ata'. ⁸ basama, atahori nae' bela sira lafe nara risi' dala' ata, boema ruma reu tati hau ro mia sira osi nara de bela neu dala' ata. ⁹ basama atahori nae' rema de ruma lao' ra'ahulu' boema ruma lao tungga Yesus dea'Na de ara nggasi rae, "Hosana! Ua-nale' soa neu Eni yang Ama Lamatualain na'a o'onda'E lao mia Lalai ata' nema. Mazmur 118:25-26 ¹⁰ Ua-nale' soa neu hita ba'i Daud parenda'na! Hosana, soa neu Ama Lamatua mana sia nusak tetun inggu teme'Na!" ¹¹ basama, Yesus losa kota Yerusalem de Ana nisi' Ama Lamatualain ume'Na rala. de Yesus mete matalolole ndule basa mamana' nara, mete basama Ana no Eni ana nanori nara lao bali' risi' kambo Betania reu te te relo'a tena ena. Lamatua Yesus Sumba Hau Huu Ara Esa ¹² fefetu anana, ma ara lao hela Betania, de Yesus ndoe. ¹³ fe'e seku sia dodo' te mete ma ara rita hau huu ara' esa yang sofe no'a roo, de Yesus neu deka'e fo nae seu boa'na. te hu Ana losa te nda nita boa' esa'sa boe, aka'a roo nara sofe, te fai mbule-boa nara nda fe'e losa'sa. ¹⁴ hu na'naa, Lamatua Yesus ola' mbali hau huu a nae, "afi' sudi atahori esa boe naa nita hoo mbule-boa'ma, te lao mia fai'ia hoo nda sudi muboa'sa losa-lolosa na neu." boema ana nanori nara rena. Yesus Lao Nisi' Ama Lamatualain Ume'Na ¹⁵ basa naa, ma ara losa Yerusalem. de Yesus nakando nisi' Ama Lamatualain ume'Na rala. neu te atahori tao dadi pasar, Ana oi hendi basa mana sia ume rala boema Ana timba hendi' mei-karosi'ra lenggu-babara mana maseo-mahasa mbui nduna'ra, ¹⁶ basama Ana na'angge atahori fo nda bole rendi sa'sa nara tungga Ama Lamatualain ume'Na sa. ¹⁷ basa naa, ma Ana nanori'se nae, "hei boe mihine' to nenesura' oi, 'Au ume Ngga ia ume hule-oo'e soa neu basa nusak'ra' ? te hu, hei tao mala'e dadi neu na'o'ra mamana na'abubue' nara." ¹⁸ lele'na o malangga-malangga nggarei'ra ro mana to'u too-lane rae fafo'ra boe rena de ara sangga-sangga dala' fo risa'E. te ara ramahia'E boe, te atahori nae' sia nara hii rena Eni nanori'Na. ¹⁹ de, fai'a nae ma'ahatu', ma Yesus no ana nanori nara lao hela nusak Yerusalem naa. Mi'ena' Nemehere' Sia Ama Lamatualain Rala ²⁰ fe'e fefetu ana'na, ma ara tungga bali' mamana naa, de mete te rita hau huu ara mana meto' losa oka'na. ²¹ ma Petrus nasaneda de ana ola' mbali Yesus nae, "Meser, mete mita! te Hoo sumba' hau huu ara ia de ana meto losa oka'na ena!" ²² de, Yesus na'ta mbali'se nae, "mi'ena' nemehere' sia Ama Lamatualain rala. ²³ Au ufade neti nggi te mete ma hei mi'ena' nemehere' tebe-tebe neu'E, na mae hei denu lelete' ia mae, 'fee'ne boti' fo ana lali' nisi' tasi'a o ana lali',' sadi'a afi hei rala nemehere mara rababanggi, hei musi mimihere tebe-tebe' neu Ama Lamatualain naa basa'e dadi ona' saa yang hei nau. ²⁴ hu na'naa, Au ufade neti nggi, saa yang hei hule oo'e neu'E, ama o mimihere mae hei simbo mala ena, naa mete te Ana fee neu hei ona' saa yang hei mo'e a. ²⁵ boema, mete ma hei mae hule oo'e, naa ama afi' esa nambeda' esa, naa fo Ama Lamatualain o fee ambon neu hei sala-singgo mara boe. ²⁶ hu mete ma, hei esa fe'e nambeda' esa, naa Ama Lamatualain mana sia nusa tetun inggu tetun'Na o nda fee ambon neu hei sala-singgomara'sa boe." Malangga Yahudi Natane Lamatua Yesus Koasa'Na ²⁷ basa naa, ma ara bali' risi' Yerusalem reu. de Yesus fe'e losa Ama Lamatualain ume'Na rala, ma malangga-malangga nggarei'ra ro mana to'u too-lane raefafo'ra, ma atahori lasi Yahudi'ra rema randa ro'E. ²⁸ de ara ratane mbali Yesus rae, "seka denu Nggo uma mumue' mia ia afi'sa, do seka fee koasa neu Nggi?" ²⁹ Yesus nahine' ara rae sangga dala' fo rae ra'atutuda'E de Ana na'ta mbali'se nae, "Au boe ae utane nggo netanes esa sie . hei mi'ta Au, dei fo Au u'ta hei Au hambu koasa mia se'ka'E. ³⁰ se'ka denu Yohanes mana sarani'a, sarani atahori, Lamatualain do atahori? mi'ta Au dei!" ³¹ ara dudu'a neu-nema, de esa ola' mbali esa rae, "kalu hita ta'ta tae, 'lao' mia sorga,' naa ne'o Ana na'ta nae, 'naa saa de hei nda nau mimihere Yohanes mana sarani'a sa? ³² te hu, kalu hita ta'ta tae, 'Lao mia atahori denu' na mete te basa malangga'ra ramatau atahori nae' ramue de ara oi fee Yohanes mana sarani naa'o Ama Lamatualain a'te'Na esa boe. ³³ hu na'naa, ara ra'ta Yesus rae, "hai nda mihine'sa." basama, Yesus o na'ta mbali'se nae, "ta'o naa, na Au boe nda ufade neu nggi, seka yang denu Au sa boe."