¹ basama, Yesus no'e ana nanori nara yang ka sanahulu rua'ra de fee se kuasa no otoritas soa neu roh-roh de'ulaka'ra, boema fee nahai basa hedi raus'ra. ² Ana denu'se reu ra'alolosa Ama Lamatua Kerajaan'Na no mandela masa'a'Na. ³ Ana ola' mbali'se oi, "afi mendi sasa boe sia hei dalama, afi mendi teteas, tondos, roti, doi, do oko'na badu esa rua. ⁴ hei misi ume be'ka boe, ama leo sia naa losa hei lao hela mamana' na'ka. ⁵ soa neu sira yang nda nau simbo hei'sa, ama lao hela nusa'na boema ama sapu'sah hendi afu mana sia hei ei'mara fo na dadi neu tatanda soa neu sira." ⁶ basama rasul'ra lao de ara lao rereo risi basa desa-desa'ra ro ara ra'alolosa Ama Lamatua harali'Na boema ara ra'hai atahori-atahori'ra lao mia basa hedi raus nara. Herodes Bingun Soa No Yesus ⁷ Herodes, manek sia mamana naa, rena soa no basa hal yang mana dadi'ra de ana bingun naseli' hu na atahori ruma rafade oi Yohanes Pembaptis'a ana fela bali lao mia mamates'a , ⁸ boema atahori ruma rafade oi Elia yang natudu bali aon'na nema, boema ruma rafade fai oi nabi esa yang mori nita mia masah ma'ahulu'a ana fela bali'. ⁹ Herodes nafade oi, "au edi u'etu hendi Yohanes langga'na. de, atahori ia se'ka yang hei dui'a ia?" de, Herodes oi ana nau fo nanda no Yesus. Nanat Fee Neu Atahori Rifon Natu Lima ¹⁰ de Yesus ate ana'nara bali', ma ara dui neu Yesus soa neu basa sa'ka yang sira tao boema Ana no'e se risi mamana yang a'ka sira nusak na nara'na Betsaida. ¹¹ te hu, atahori nae' rahine hal na de basa'se tungga'se. de, Yesus soru'se, de Ana ola-olah no'se soa neu kerajaan Ama Lamatua boema ara boe nau hambu haii lao mia sira hedi raus nara. ¹² losa faina nae ma'ahatu, ma Yesus ana nanori ka sanahulu rua nara rema randa ro'E de rafade neu'E oi, "denu atahori-atahori iara lao risi kambo-kambo no desa-desa'ra deka iara fo ara sangga mamana susunggu no nanat karna hita sia mamana rou'u." ¹³ te hu, Yesus nafade mbali'se oi, "hei yang fee'se raa rinu." Ana nanari nara rata mbali'E oi, "hai a'ka mi'ena roti lima beoma u'u boa rua'a, a'kana hai mi hasa nanat fee neu basa nae' atahori iara ." ¹⁴ basa atahori'ra nda salah'sana a'ka'a tou'ra rifon lima. Yesus nafade neu ana nanori nara oi, " denu basa'se endo' kumbu-kumbu risi mamana nara, fee'se kumbu lima nulu na neu kumbu esa. ¹⁵ de, ara tao ona'a sa'ka yang Yesus parenda'Na boema denu basa atahori'ra endo'. ¹⁶ de, Yesus ha'i nala roti kalima'ra no u'u karua'ra, Ana mete lalai ata neu, Ana fee berkat neu nanat ara, Ana bibinggi'se, boema Ana fee neu ana nanori nara fo ara banggi-banggi nanat'ra feneu basa atahori mana sia na'ra. ¹⁷ de, basa'se raa rinu losa ra'abebeta. basama, ara kumbu bali' roti-roti tonggo yang ara raa hela'ra de ara kumbu rala basa'se sofe boa sanahulu rua. Petrus Akaui Yesus Naa Kristus ¹⁸ fai esa, Yesus hule oo'e mesane, Ana nanori nara sia na ro'E boe. boema, Ana natane neu'se oi, "atahori nae oi fee Au ia se'ka?" ¹⁹ ara rata oi, "Yohanes Pembaptis, yang laen rafade oi Elia, boema yang alen fai rafade oi Hoo ia nabi esa yang ana mori mia masa ma'ahulu'ra rema yang ana fela bali nema." ²⁰ basama, Yesus natane neu'se oi, "te hu, menurut hei na Au ia se'ka?" Petrus nata nae, "Hoo ia Kristus lao mia Ama Lamatua." ²¹ te hu, Yesus fee nesenedat matalolole neu'se boema parenda'se fo afi nafade hal ia'ka neu esa boe. Yesus Nafade Fai Mamate'Na ²² basama Yesus nafade oi, "Ana mone'a harus hambu sususa sosona'a sao hal nae' boema atahori lasi'ra tolak'E, malangga imam-imam, no ahli-ahli taurat, de ara hala mbau'E boema Ana fela bali' mia mamates'sa sia fai ka teluna." ²³ Yesus ola-olah no basa'se oi, "te atahori esa nae tungga Au, ana harus nda nahine aona aon'sa, boema ana lu'a salib tungga-tungga fai, boema ana tungga Au. ²⁴ hu na, se'ka boe yang nae soi nala ao samana'na, ana boe akan namopo ao samana'na. te hu, se'ka yang ao samana'na mopo karna Au, ana boe hambu masoda'a. ²⁵ hambu untung sa'ka kalo ana hambu basa raefafo'a isi'na, te huana mate do hoko'na ao samana'na mopo? ²⁶ basa atahori yang yang ana maekarna Au no Au dedea o'olanggara, Ana mone'a boe akan mae akui atahori naa pas faina Ana nema sia Mandela masa'aNa boema sia Ama Lamatua Ise'a mandela masa'aNa, no basa para malaikat kudus. ²⁷ Au ufade tetebes neti nggi, hambu hei mana mambari sia ia hei atahori ruma akan mate te hei nda fe'e mete mita kerajaan Ama Lamatua'sa." Yesus No Musa Ma Elia ²⁸ nda salah'sa na, fai 8 Yesus nanori nafade basa naama, Ana no'e Petrus, yohanes, boema Yakobus hene lete' ata reu fo huleo'e. ²⁹ pas Yesus huleo'e ma, mata'Na no ao'Na ruba de bua-ba'u nara dadi reu rakandedelak. ³⁰ basama, ara rita atahori rua ola-olah ro Yesus. atahori ka rua'ra nara Musa no Elia, ³¹ yang ara ratudu aon nara sia mandela masa'a a rala boema ara ola-olah tentang Yesus mamate'Na yang mana nema ia sia Yerusalem. ³² fai'na, Petrus no nono'nara basa'se nduar raseli, te hu pas ara tebe-tebe nggengger ma, ara mete rita Yesus mandela masa'a boema atahori ka rua'ra yang mana mambari ro'E. ³³ pas Musa no Elia rae lao hela Yesus ma, Petrus nafade oi, "Meser, ta'o be na hita leo tahani ia. hai akan tao lala' telu neu ia, esa fe neu Nggo, esa fe neu Musa, boema esa fe neu Elia. " te hu, Petrus nda nahine sa'ka yang eni dedea o'olah nara nara'sa boe. ³⁴ pas Petrus fe'e ola-olah hal naa ma, lele'a nema de ana tatana nala basa'se de Petrus, Yohanes, boema Yakobus dadi reu ramatau pas lele'a tatana nala'se. ³⁵ basama, ara rena hara' esa lao mia lele'a ata nema oi, "Ia'ka Au Ana Ngga, Ana yang Au here, ama rena'E" ³⁶ ara rena basa hara' naa, ma ara rita a'ka Yesus mesa'Ne. ara rafani boema ara nda rafade esa'sa boe soa neu sa'ka yang ara mete rita'ra nara. Ana Mone' Esa Yang Ara Mbo'ie Lao Mia Roh De'ulaka'a ³⁷ fefetu nama, pas ara onda lao mia lete'e rema, ma atahori nae'e rema risi Yesus. ³⁸ atahori esa lao mia sira ana nggasi oi, "Meser, au hule neu Nggo, uma se'u mita au ana'ngga te ia au ana'ngga aka'a iseka'a. ³⁹ mete mita'e, te roh de'ulaka'a pa'a nala'e, boema nggengger-nggengger na ana nggasi'ki. roh naa boe ana rupa mbebesi'e de bafana nafufure, roh naa boe'o aka'a na'asususa'e boema ana nda nau nela hela'esa. ⁴⁰ au o'e neu Hoo ana nanori mara fo ara use hendi'e, te hu ara nda bisa oi'esa." ⁴¹ Yesus nata nae, "woe, hei titinonosi yang nda mana mamahere'esa boema mana sia dala masarangga'a! losa fai hira Au leo uhani oo hei? mendi ana'ka ia nema." ⁴² pas ana'ka deka no Yesus, ma roh de'ulaka'a ana rupa hendi ana'ka neu rae'a boema ana rurupa mbebesi'i e. te hu, Yesus boa roh de'ulaka'a na, ma Ana fee ne'ehahai ana mone'a, de Ana fee bali'e neu se'u ama'na. Yesus Nafade Fai Mamate'Na ⁴³ basa atahori'ra koa'E soa neu kuasa Ama Lamatua, te hu pas ara fe'e heran-heran soa neu sa'ka basa hal yang Yesus tao, Ana olah mbali ana nanori nara oi, ⁴⁴ "ama rena mala dedeat'ra iara malolole: Ana mone'a akan ara feneu atahori mana de'ulaka'ra." ⁴⁵ te hu, ana nanori nara nda bubulu'sa sa'ka yang Ana ola-olah, boema hal na'ka ne'efuni'i soa neu'se de ara nda rahine'sa, hu, ara ramatau ratane neu Yesus soa neu arti dedea o'olah na'ka. Se'ka Yang Ma'ahulu'u? ⁴⁶ fai esa, Yesus ana nanori nara rareresi esa no esa oi basa sira na se'ka yang mana ma'ahulu'u. ⁴⁷ te hu, Yesus nahine sa'ka yang sia sira dudu'anara, de Ana no'e ana diki esa de Ana fene namabri neu boboa'Na. ⁴⁸ Boema, Ana nafade neu ana nanori nara oi, "se'ka yang ana simbo nala ana'ka ia'ka nendi'i Au nara Ngga, ana simbo nala Au. boema, se'ka boe yang simbo Au, ana boe simbo yang mana denu Au. hu na, yang mana tuda loloe sia hei talada mara, na yang mana ma'ahulu'u." Pihak Yang Sama ⁴⁹ Yohanes nata'E boema olah oi, " Meser, hai mita atahori esa oi roh de'ulaka'a nendi'i Hoo narama de hai mae fene hahae karna ana nda masok sia hita ne'ebubuena'sa." ⁵⁰ te hu, Yesus nafade neu'e oi, "afi'i fene hahaekarna se'ka boe yang nda nareresi no hoo'sa na, ana boe no hoo." Ara Nda Simbo'o Yesus Sia Samaria'sa ⁵¹ pas losa faina deka no Yesus ara rae so'u'E ma, Ana fee rala'Na manggate fo Ana lao Yerusalem neu. ⁵² Ana denu atahori dedenu' ruma reu ra'ahulu'E. de, atahori dedenu nara lao ra'ahulu'E boema ara lao risi'i desa esa sia mamana'a narana Samaria fo ara siap basa-basa'e soa neu Yesus. ⁵³ te hu, atahori-atahori yang mana sia mamana naa nda nau simbo Yesus karna Ana nae lao nisi'i nusak Yerusalem neu. ⁵⁴ pas Yesus ana nanori nara, Yakobus no Yohanes rita hal ia, ma ara rafade oi, "Lamatua, Hoo nau na hai parenda ai'a onda lao mia lalai ata nema fo ana naa nakade' hendi basa'se?" ⁵⁵ te hu, Yesus heo' dea neu de Ana bua'se. ⁵⁶ de, Yesus no ana nanori nara lao risi desa laen ara. Baba'a Soa Neu Mana Tungga Yesus ⁵⁷ pas ara fe'e sia dala'a, ma atahori esa nafade mbali Yesus oi, "au ae tungga Hoo sudi'a Hoo mae be'mu." ⁵⁸ de Yesus olah mbali'e oi, "rubah na'ena soka'a fo ana leo boema mbui-mbui'ra yang mana sia lalai'a boe na'ena nduna. te hu, Ana mone'a nda na'ena mamana soa neu'E fo Ana sunggu'sa." ⁵⁹ Yesus nafade mbali atahori esa fai oi' "tungga Au!" te hu, ana nata nae, "Lamatua, fee au isin fo au u u'oi ala au ama ngga dei." ⁶⁰ te hu, Yesus nafade mbali'e oi, "hela atahori mana mate'ra ra'oi sira yang mana mate'a, te hu hoo harus lao mu mu'ululusa'a Ama Lamatua Kerajaan'Na." ⁶¹ boema, atahori esa fai olah oi, "au ae tungga Hoo, Lamatua, te hu fee au isin fo au u utea ala au ina ama nggara no odi a'a nggara dei." ⁶² Yesus nafade neu'e oi, "nda hambu atahori esa'sa boe yang ana tao nala lima'na neu ta'a na ana fe'e heo' bali dea'a neu fai, Yang pantas soa neu Ama Lamatua'a kerajaan'Na."