¹ mia fai fefetu'na, Yesus lao' keliling nisi nusak-nusak'ra boema no desa-desa'ra fo Ana dui boema Ana na'alolosa Ama Lamatua harali'Na. Ana lao no rasul ka sanahulu rua'ra, ² boema Ana no ina'ra yang Yesus oi nitu'a lao mia aonara rala boema ara hai lao mia basa hedi rausa ara. termasuk no Maria, yang ara oi Magdaena, yang Yesus oi nitu de'ulaka hitu lao mia aona rala. ³ boema Khuza Herodes bendahara'na sao'na Yohana, Susana, boema fe'e hela ina nae yang ara pake sira hata eto nara aon fo ara dukung neu yesus. Perumpamaan Soa Neu Mana Sela Nggari' ⁴ de atahori nae' kumbu boema atahori-atahori ra lao mia basa nusa'ra rema randa ro Yesus, Ana nafade neu'se nendi perumpamaan esa io: ⁵ "atahori tani esa ana sela nggari. faina ana sela nggari, fini'ra ruma nggodi sia dala'a bife'na de ara heta-heta'e, boema faa mbui'ra raa hendi'se. ⁶ ma ruma nggodi risi fatu'ra ata'a, de faina fini'a mulai muri te hu ana meto karna ana nda hambu oe'sa. ⁷ fini ruma nggodi risi nggaut ma'ateme'a talada nara boema ana mori namololo' no nggaut de nggaut'a hapi nala'e. ⁸ hela'a fini ruma nggodi risi rae yang mana gembur boema ana mori subur de hambu hasil naena natun esa lao rua." Ana dui basa perumpamaan na boema Ana ola nae, "atahori yang na'ena ndiki na ana rena, fo ana rena nala malolole!" ⁹ basa na'ma, Yesus ana nenori nara ratane neu'E soa neu perumpamaan na'ka arti'na. ¹⁰ Ana nafade oi, "soa neti hei Au ufade Kerajaan Ama Lamatua rahasia'Na, te hu soa neu atahori laen Au ufade endi'i perumpamaan na fo, 'mae ana mete tete, ana nda nita'sa, boema mae ana rena, te hua ana nda nahine'sa." Yesaya 6:9 Yesus Dui Namemeu Perumpamaan Fini'a ¹¹ perumpamaan'a arti'na ona ia'ka: "fini naa sama no Lamatua harali'Na. ¹² fini yang nggodi risi dala'a bife'na ona'a atahori yang mana rena Lamatua harali'Na. basama, nitu'a nema boema ana ha'i nala Lamatua harali'Na lao mia rala nara fo ara nda ramahere fo ara nda rasoda'sa. ¹³ fini yang mana nggodi risi rae fafatu na ona'a atahori yang mana rena rala Lamatua harali'Na no ana simbo nala no nemeho'o, te hu ana nda na'oka sa. ara ramahere aka'a ma'ahulu'na, te hu sususa'a nema'na, ara lao hela sira nemehere nara. ¹⁴ fini yang mana nggodi risi nggaut ma'ateme'a na ona'a atahori yang mana rena Lamatua harali'Na, te hu pas no ana mori, te hu dudu'na natimba no rasa khawatir'a, hata eto'a, boema momori'a meulau'na de ara nda hambu raboa losa ramalatu'sa. ¹⁵ te hu fini yang mana nggodi risi rae mana gembur naa ona'a atahori yang mana rena Lamatua harali'Na boema ana mbeda neu rala ana'na meulalau, boema ana naboa sia ketekunan'na." Netudu Hoo Mandela'ma ¹⁶ "nda hambu atahori esa'sa boe yang ana nambila nala lambu'a, basana ana tatana'e nendi kandi do okona ana mbeda'e neu koi'a raena. te hu, ana mbeda lambu'a neu mamana'na sia ata'a fo atahori'ra yang mana sia ume rala'ra rita manggarelo'o. ¹⁷ hu na, nda hambu esasa boe yang nda nenenta'sa, boema nda hambu nefeni esa'sa yang nda nenenafade'sa te hu basa'e rendi'se nisi manggarelo'na. ¹⁸ hu na, mete malolole ona be hoo rerena'ma karna seka yang naena na ana hambu nae lena' fai. te hu seka yang nda naena'sa na ara ha'i rala aona, no'a basa sa'sanara."Tetebes'e Lamatua Yesus Bobonggi Nara ¹⁹ boema, Yesus ina'Na no bobonggi nara rema randa ro'E,te hu ara nda bisa deka ro'E sa karna atahori nae rakarumbu rala'E. ²⁰ de, ara rafade neu'E oi, "Hoo ina'Ma no bobonggi mara rambari sia dea', ara rae randa ro Nggo." ²¹ te hu, Yesus nata neu'se oi, "Au mama ngga no Au bobonggi nggara adalah sira yang mana rena nala Ama Lamatua Harali'Na boema ana tao." Lamatua Yesus Na'ahahae'e Anin Maka'hu'a ²² fai esama, Lamatua Yesus hene neu ofa'a rala no basa ana nanori nara boema Ana ola mbalise oi, "ima fo ata lao dano seri' teu." de, basase lao risi seri reu. ²³ te hu, ara lao rala taladama, Lamatua Yesus sunggu. de, anin maka'hu'a mulai fuu nema dano'a boema oe'a liu nala basa ofa'a rala de ara nda tao rala sasa'sa boe. ²⁴ basama, ana nanori nara rema rafefela Yesus de ara rafade oi, "Meser! Meser! hita mate teu'a ian!" boema, Yesus fela de Ana bua anin maka'hu'a no ree' monae'ra yang mana poko ofa'a. de anin maka'hua ana hahae no dano'a boe tenang. ²⁵ de, Ana ola' mbali'se oi, "hei mimihere mara sia be?" basa'se ramatau boema ara nggengger de ara ola' esa no esa oi, "atahori ia se'ka? de Ana bisa parenda anin no oe'a, boema ara rena parenda'Na." Atahori Gerasa Esa Ara Mbo'ie Lao Mia Roh De'ulaka'a. ²⁶ de Yesus no ana nanori nara losa mamana atahori Gerasa, sia Galilea seri'na. ²⁷ pas Lamatua Yesus onda lao mia ofa'a, ma Ana nanda noo tou esa lao mia nusak na yang sofe no'a roh-roh de'ulaka. atahori'na nda sudi pake bualo'as doo ena boema ana nda leo sia ume'sa, ana leo sia rates ara. ²⁸ atahori naa mete nita Yesus, ma ana nggasi boema ana sende lulangga'na nisi Yesus mata'Na. ana nggasi hendi basa hara'na oi, "Hoo urusan sa mo au, woe Yesus, Ama Lamatua mana sia dema-dema Ana'Na? au o'e neti Nggo fo afi siksa au!" ²⁹ hal na'ka dadi karna Yesus parenda roh de'ulaka'a dea neu lao mia atahori'na. nitu'a ana biasa nonore lelea atahori na'ka de aara tao rante neu limana boema ara ranea'e te hu ana na'etu hendi rante'a boema nitu'a nendi'e nisi mamana ma'ahatu'a. ³⁰ basama, Yesus natane neu atahori naa oi, "hoo narama se'ka?" ana nata oi, "Legion" karna nitu nae yang sia oana rala. ³¹ nitu-nitu nara hule neu Yesus fo afi parenda sira risi'i runggi rengge mamates'a rala. ³² sia mamana na'ka, fafi bubue esa yang ara sangga nanat sia lete'a ata. de nitu-nitu'ra hule neu Yesus fo mbo'ise risi fafi mana ma'abubuera nara, de Yesus fee se ijin reu. ³³ de, nitu-nitu ra rela dea reu lao mia atahori'a ma ara rela reu risi fafi'ra boema fafi'ra basa'se rela reu risi runggi rengge'ra ata boema ara rela risi dano'a de ara tena rala reu. ³⁴ de mana tada fafi'ra mete rita ma, basase rela boema ara reu dui sia nusak no basa kambo'ra mana sia deka nara. ³⁵ de, atahori nae' rema fo mete rita sa'ka yang mana dadi sia na. ara rema randa ro Yesus boema ara mete rita atahori yang ara mbo'ie lao mia nitu'ra ana fe'e endo deka no Lamatua Yesus ei'Na, ana pake bualo'as ena, boema ana na'ena dudu'afi meulalu ena. hal na'ka tao basa'se ramatau. ³⁶ atahori yang mana mete nita hal na'ka ara reu dui neu atahori laen oi atahori mulu yang nitu'a masok rala'na ana hai ena. ³⁷ boema, basa atahori yang mana leo sia mana deka no mamana Gerasa ro'e fo Yesus lao hela mamana, te sira ramatau raseli'i.hu na, Lamatua Yesus hene bali'i ofa'a ata neu de ara lao hela Galilea. ³⁸ te hu, atahori yang ara mbo'ie lao mia nitu'a hule neu Lamatua Yesus fo eni boe tungga sama-sama no Yesus. hu, Lamatua Yesus denu'e lao, Ana nafade oi, ³⁹ "bali'i hoo umema boema mufade hal monae ia'ka yang Ama Lamatua tao neti nggo." atahori naa lao nisi basa nusak-nusak ra de ana dui bengga sa'ka yang Lamatua Yesus tao soa neu eni'e. Yairus Ana'na Fela Bali' Lao Mia Mamates Boema Ina' Esa Hai Lao Mia Hedi'na ⁴⁰ de Lamatua Yesus bali'i losa Galilea, te atahori nae rema soru'E karna basa'se rahani ena. ⁴¹ sia na atahori esa nara'na Yairus yang ana nema nanda no Yesus, atahori na malangga sia sinagoge. ana sende lunggulangan'na de ana sembah neu Yesus ei'Na, Yairus hule neu Yesus fo Ana nema sia eni ume'na ⁴² karna ana na'ena ana ina ise' esa yang ana to sanahulu rua, de ana'na na nae'a mate. boema Yesus lao na neu enan te atahori nae'e rakasesetik sia boboa di ona'Na. ⁴³ sia na hambu ina esa namahedi raa loos nae' to sanahulu rua ena, boema nda hambu esa'sa boe yang bisa fene hai'sa. ⁴⁴ ina na lao neu deka Yesus lao mia dea'Na de ana nggama Yesus badu tonggo'Na, boema hedi raa loos'na hai. ⁴⁵ boema, Yesus natane nae, "se'ka yang nggama Au?" karna basa atahori'ra rafani, Petrus nafade oi, "Meser, atahori nae' kumbu sia basa Hoo boboa di ona'Ma boema ara rakasesetik ro Nggo!" ⁴⁶ te hu, Yesus ola' nae, "atahori esa ana nggama Au hu na Au rasa kuasa dea neu lao mia Au ao Ngga." ⁴⁷ de ina'a mete nita bahwa ana nda bisa nafani aona'sa, ma ana nema natudu aona neu Yesus te aona foti namatau de ana sendelunggu langga'na nisi Yesus mata'Na. sai basa atahori'ra mata nara, ana dui oi saa de eni nggama Yesus, boema eni hai neu ena. ⁴⁸ basama, Yesus ola mbali'e, "ana Ngge, hoo mumuhere'ma fee hoo hai. lamu mo soda mole." ⁴⁹ Yesus fe'e ola-ola, ma atahori esa nema lao mia malanhgga sinagoge ume'na de nafade neu Yairus oi, "ana feto'ma ana mate ena. afi'i sudi mo Meser nema." ⁵⁰ te hu, Yesus rena nala hara na ma Yesus nafade neu Yairus oi, "afi mumutau. mumuhere te hoo ana'ma masoda." ⁵¹ de Yesus losa Yairus ume'na, ma Ana nda fee esa masok no'E ume rala neu'sa boe aka'a Petrus, Yohanes, boema ana'ka ama'na no ina'na. ⁵² basa atahori'ra nggae makarereuk sia dea, te hu Yesus ola mbalki'se oi, "afi'i nggae, ana nda mate'sa te hu ana sunggu." ⁵³ atahori mana sia nara mali mbali'E karna basa'se bubulu ana ina'a mate ena. ⁵⁴ te hu, Yesus to'u nala ana ina'a lima'na de Ana no'e oi, "fela leo, ina!" ⁵⁵ de, ana'ka roh'na bali neu aona boema ana fela de nambari. boema Yesus parenda mana sia nara fo fee ana'ka na nanat. ⁵⁶ ana'ka ina ama'nara nggengger, te hu Yesus ai'se fo ara afi dui neu esa boe soa neu sa'ka yang ana dadi fai ia.