¹ faina Lamatua Yesus nabasa hendi basa dudui'Na mia atahori nae mata na, ma Ana lao' Kapernaum rala neu. ² sia na, atahori esa Perwira Romawi yang naena athe yang ana sue. athe na'ka ana namahedi na'a mate. ³ faina perwira na'ka rena Yesus nara'Na, ma ana denu atahori lasi-lasi Yahudi ruma reu randah ro Lamatua Yesus fo ara ro'e Ana nema namodo eni athe'na fo ana hai lao' mia hedi'na." ⁴ de atahori lasi na'ra rema randa ro Yesus, boema ara ro'e tebe-tebe neu Yesus. ara rafade oi, " atahori ia'ka pantas Hoo tolong'e, ⁵ karna atahori ia ana sue hita nusak'na boema ana yang nafefela sinagoge soa neu hita." ⁶ Lamatua Yesus neu sama-sama noo'se. faina Ana losa deka no Perwira ume'na, ma Perwira denu nono'na ruma rema rafade neu Yesus oi, " Lamatua, afi'i sudi mu'ubebengge ao'Ma soa neu au te au nda pantas simbo Hoo sai au ume ngga. ⁷ hu na, au ao ngga oan rasa nda pantas uma neu Nggo. te hu, aka'a Hoo ola' dedeat deke esa, fo au athe ngga ana hai. ⁸ te, au ia athe lao' mia atahori boe hu maena' Prajurit-prajurit. de kalo au denu prajurit esa ae, 'lao', ana boe lao. boema kalo au denu prajurit alen esa ae, 'uma' ana boe nema. boema, kalo au denu athe ngga ae, 'tao ia,' athe ngga boe akan tao na." ⁹ de Lamatua Yesus rena nala hal naa ma, Ana ona'a nggengger soa neu Perwira Romawi na. ma Ana heo' mbali atahori nae mana tungga dea'Na, Ana nafade'se oi, "Au ufade neti nggi, Au nda fe'e hambu nemehere' monae ona'a ia'ka sia Israel'sa." ¹⁰ losa atahori yang nenedenu ra losa bali' Perwira ume'na, de ara reu te Perwira athe'na hai ena. Janda esa Ana'na Fela Bali' Lao Mia Mamates ¹¹ fefetu na ma, Lamatua Yesus lao nusak esa nara'na Nain, Ana neu no ana nanori nara boema atahori nae' ma'abubue yang mana tungga ro'E. ¹² losa deka no lelesu leo Nusak ma ara randa ro atahori'ra o'o mamates ana mone' esa dea neu. mana mate naa ina falu esa ana mone ise'na. de, atahori nae' sia nusak na'ka lao' sama-sama ro ina falu'a. ¹³ de Lamatua nita ina falu'a boema, Lamatua rala'Na namasue ina falu'a de Ana nafade neu'e oi, "afi' nggae." ¹⁴ basama, Ana neu deka'e de Ana nggama neu kopa'a. atahori-atahori yang mana lu'a kopa'a ara rambari. boema, Lamatua Yesus ola' oi, "hai mone tena, Au ufade neu nggo, fela!" ¹⁵ basama, atahori yang fa'ra mana mate'a endo boema ana ola-ola. de, Lamatua Yesus denu bali'e neu se'u mama'na ¹⁶ basa atahori yang mana sia nara basa'se ramatau raseli' de basa'se koa kia Lamatua nara'Na boema ara ola-ola rae "Nabi monae esa nema sia basa hita talada nara!" boema "Ama Lamatua Ise melawat rauinggu'Na." ¹⁷ de, basa'e dui bengga neu basa nusak ra sia Yudea boema basa mamana laen yang mana deka no'se. Yohanes Pembabtis Denu Ana Nanori'na Neu Se'u Yesus ¹⁸ Yohanes ana nanori nara rafade neu Yohanes basa hal na'ra. ¹⁹ boema, Yohanes no'e ana nanori nara rua de ana denu'se reu randa ro Lamatua fo ara ratane rae, "Hoo ia yang mana nema ia ena do?, doo hai fe'e mihani yang mana nema laen'a fai?" ²⁰ ara rema losa Lamatua Yesus ma, ara ratane rae, "Yohanes Pembaptis denu hai ima mitane neu Nggo, ' Hoo yang akan mana nema'a naa ena do?, doo hai fe'e mihani mana nema'a laen fai?"' ²¹ pada saat na, Yesus fee atahori nae hai lao mia hedi raus nae, wabah, no roh-roh de'ulaka. Ana boe fee atahori poke' nae rita bali'. ²² Lamatua Yesus nata neu atahori karua na'ra oi, "ama mi fo dui Yohanes soa neu saa'ka yang hei mita boema saa'ka yang hei rena: athori poke ana nita bali', atahori nda mana lao nala'a sa ana lao bali', atahori yang mana mamahedi kusta ana hai, atahori mbake ana rena bali', atahori mates ana fela bali', boema sao neu atahori-atahori hata'ta hambu dudui maeulau. ²³ hu na, nemehoo'ot soa neu atahori yang nda mana ma'atunu lao mia Au'sa ²⁴ basama Yohanes atahori dedenu nara lao, ma Yesus nafade neu atahori nae mana sia na'ra soa Yohanes oi, "tao sa hei lao mi mete mo loa monae'a? mi mete fulu yang anin'na fu'e? ²⁵ te hu, sa'ka yang hei mi mete mita? atahori yang pake bua'lo'as meulau'a? mete mita, atahori yang pake bua'lo'as meulau no momori'na sosofe no'a hata eto sia Istana-istana manek. ²⁶ de, sa'ka yang hei mi mita? Nabi esa? ya, Au ufade neti nggi, lena' hendi lao mia Nabi esa. ²⁷ Eni na atahori'a, yang soa neu'e nene sura: 'ama rena! Au denu Au dedenu nggara ra'ahulu hoo. Ana yang akan o'oti hela dala fee neu Nggo.' Maleakhi 3:1 ²⁸ Au ufade neti hei, sia basa atahori yang pernah bonggi'e lao mia mama'na nema, nda hambu esa monaena lena' lao mia Yohanes. te hu, yang paling anak sia kerajaan Ama Lamatua, monaena lena' mia'e ²⁹ de atahori nae' no mana kumbu bea'ra rena hal na'ka, basa sira akui titimba-tatais Ama Lamatua karna basa sira hambu baptis lao' mia Yohanes Pembaptis. ³⁰ te hu, atahori Farisi no Ahli-ahli taurat nda simbo Ama Lamatua rencana'Na soa neu sira karna ara nda fe'e hambu bapti lao' mia Yohanes'sa. ³¹ "no sa'ka Au fee perumpamaan soa neu atahori-atahori yang mori sia masa ia'ka? ona' sa'ka atahori na'ra? ³² sira nara ona'a ana-ana mana nggua-nggua sia pasar, yang ola-ola esa no esa, 'hai fuu seruling fee hei, te hu hei nda lendo'sa, hai soda lagu sususa, te hei boe nda nggae'sa.' ³³ hu na, faina Yohanes Pembaptis nema de ana nda naa roti do ninu anggur, ma hei ola mae, 'ana nitu'a masok rala'na.' ³⁴ te hu, faina Lamatua ana'Na nema de Ana naa no ninu, ma hei ola mae, ' mete mita! Ana atahori raku'tao no mana mafu'! Ana boe kumbu no mana tagi bea boema atahori-atahori yang mana de'ulaka'ra!' ³⁵ te hu, duduat naru malole'a sia ana-ana Nara." Ina De'ulaka Esa Ana Urapi Yesus ³⁶ fai esa ma, atahori esa lao mia turunan Farisi yang undang Yesus fo ana naa no'E. Yesus neu nisi atahori Farisi' a ume'na de Ana naa no'e. ³⁷ sia nusak na, ina esa sofe no'a tatao de'ulaka. ana nahine oi Yesus nema naa sia atahori Farisi'a ume'na, ma ana boe hasa boto pualam esa yang isi'na sofe no'a mina ma'ameni'. ³⁸ boema, ana nambari neu Yesus dea'Na, deka no ei'Na, ana nggae de ana basuh yesus ei'Na nendi' lu oe'na boema ana seka nendi'i langga fulu'na. basama, ana idu yesus ei'Na no ana urapi nendi mina ma'ameni. ³⁹ Boema atahori farisi yang mana no,e Yesus mete nita hal na'ka, ma ana ola sia rala'na oi, "kalo atahori ia nabi, ne'oko Ana bubuluh ina yang mana nggama'E ia se'ka hu na ina ia tao nono'i na sofe no'a de'ulaka." ⁴⁰ Yesus rena de Ana nafade nae, "Simon, Au ae ufade hei sah esa sie. "Simon nata, "mufade leo, Meser." ⁴¹ Yesus nafade oi, "hambu atahori rua yang rahuta neu mana fee pinjaman, esa nahuta 500 dinar boema esa nahuta 50 dinar. ⁴² de basa rua'se nda bae rala huta nara'sa, de mana fee pinjaman'a ana fee ru'as se bebas mia huta nara. sia li ia, ru'ase se'ka yang sue mana fee pinjaman'a nalena?" ⁴³ Simon nata nae, "au dudu'a ngga na, au ae atahori yang mana nahuta nalena'a. "Yesus nafade neu'e oi, "hoo dudu'ama na nanda." ⁴⁴ basama Ana heo mbali ina'a, de Yesus ola neu Simon oi, "hoo mete mita ina boe? waktu Au eti mia hoo ume ma, hoo nda fee Au oe'sa fo safe Au ei nggga'sa, te hu ana safe Au ei ngga nendi'i lu oe'na boema ana seka Au ei ngga nendi langga fulu'na. ⁴⁵ hoo nda idu Au sa, te hu ana idu sasafa Au ei ngga nakando'a eni mia Au uma ⁴⁶ hoo nda urapi Au langga ngga mendi mina'sa, te hu ana tao mina ma'ameni'a neu Au ei ngga. ⁴⁷ hu na, Au ufade neti nggo, tatao nono'i de'ulaka nara Au fene ambon ena, karna ana natudu susue lalai monae'na, atahori yang hambu ambon aka'a mbei'a ana fee susue'a mbei'a boe." ⁴⁸ boema Yesus nafade neu ina'a oi, "Au fee ambon neu hoo salah singgo mara ena." ⁴⁹ atahori-atahori yang mana na ro Yesus ara ratatane sia rala nara oi, "atahori ia se'ka de Ana fee ambon neu ina de'ulaka ia?" ⁵⁰ Yesus nafade neu ina' oi, "hoo mumuhere'ma ana fee masoda' neu hoo, bali' mo soda mole'."