¹ fai esa, mia fai sabat, Lamatua Yesus lao' tungga mole' gandum esa. mia fai na'ka, ana nanori nara etu rala gandum mbule esa rua, de ara o'oto rendi lima nara, de ara raa. ² atohori farisi'ra ratane, "sa'de hei tao sa'ka yang nda bole tao sia fai sabat'sa?" ³ Yesus na'ta neu'se no Ana nafade'se oi, "hei baca mita'sa do hoko sa'ka yang Daud tao fai'na no atahori nara yang basa'se ndoe, ⁴ de ana lao' Ama Lamatua umen'Na rala neu, ana ha'i roti persembahan, ana naa roti'a, boema ana babanggi neu atahori nara yang mana roo'e, yang nda boleh atahori raa'sa, kecuali aka'a para imam'ra?" ⁵ boema Yesus nafade neu atahori-atahori farisi na'ra oi, "Lamatua Ise Ana'Na naa Lamatua soa neu fai sabat." Yesus Fe Atahori Hai Sia Fai Sabat ⁶ sia fai sabat ma'abuika, Lamatua Yesus lao' nisi sinagoge fo Ana nanori atahori. sia mamana na'ka atahori esa lima ona'na mates. ⁷ ahli-ahli Taurat no atahori-atahori farisi ra mete matalolole Yesus fo ara mete Yesus nahai' atahori sia fai sabat do hoko, na fo ara hambu alasan tudu'E. ⁸ te hu, Yesus nahine sa'ka yang ara dudu'a sia rala nara rala. Ana nafade neu atahori yang lima mates na'ka oi, "fela boema mumburi mu talada'." de atahori na fela de ana nambari nisi na. ⁹ Lamatua Yesus nafade neu'se oi, " Au utaneu neu basa hei, sa'ka yang ara fe isin fo bisa tao sia fai sabat: tatao malole do tatao de'ulaka? fe masoda neu ao samana'a do misa hendi'se?" ¹⁰ basama Ana mete basa boboa'Na, basa'se, Lamatua Yesus nafade neu atahori yang lima mates'sa, "loo hoo lima'ma nema" basama, atahori na'ka loo lima'na neu Yesus boema lima'na hai. ¹¹ te hu, atahori-atahori farisi no ahli-ahli Taurat ara ramanasa raseli de ara ba'akor esa no esa fo ara rae tao Lamatua Yesus. Hehere' Rasul Kasana Hulu Rua'ra ¹² sia fai-fai na'ka, Lamatua Yesus hene neu lete' ata fo hule oo'e, boema Ana hule oo'e neu Ama Lamatua Ise'a lao' mia tetemba'na losa nameu aona, ¹³ fefetu anana, Ana no'e ana nanori' nara de Ana here nala atahori sanahulu rua, atahori-atahori nara nanara neu Rasul ¹⁴ Simon yang ara rae nara'na "Petrus", Andreas, Petrus torano'na, Yakobus, Yohanes, Filipus, Bartolomeus, ¹⁵ Matius, Tomas, Alfeus ana'na Yakobus, Simon yang ara rae atahori Zelot, ¹⁶ Yakobus ana'na Yudas, boema Yudas Iskariot yang mana seo Lamatua Lamatua Yesus Nanori'Na ¹⁷ basama Yesus no Rasul nara rema, Ana nambari neu mamana yang tetu'a. boema, basa ana nanori nara bubue esa ro atahori nae' lao' mia basa mamana Yudea, Yerusalem, boema lao' mia mamana tasi su'a kota Tirus no Sidon rema risi'E ¹⁸ basa sira rema fo rena Yesus nanori'Na boema hambu hai lao' mia basa sira hedi'raus nara. boema, atahori-atahori yang roh-roh de'ulaka'a nala rala nara, ara rela hela'se. ¹⁹ basa atahori'ra usaha fo hambu nggama dai Yesus hu na Kuasa yang ana dea neu lao' mia Yesus rala nema fee se hai. ²⁰ Lamatua yesus mete mbali ana nanori nara de Ana nafades'se oi, "neneberkati hei yang hata'ta hu na hei ena'ma Ama Lamatua Ise Kerajaan'Na. ²¹ neneberkati hei yang sai fai'ia ndoe hu na hei akan mi'ibeta. neneberkati hei yang sia fai'ia nggae hu na hei akan mali ²² neneberkati hei yang atahori'ra ramanasa, ra'adodo roo'nggi' mamasi'rarai nggi, boema ara ra'amumuti nggi karna Lamatua nara'Na. ²³ mimiho'o sia fai be'ka ara tao neti nggi, boema ama tetek' mimiho'o soa neu 'se te karna hei hahambu'ma monaena seli sia Surga; hu na, sira ina ama ma'ahulu nara tao Nabi'ra ona'a na'ka boe ²⁴ te hu, sususa'a nema neu hei yang mana hambu dai' hu na hei hambu mala mamaori'a malole'na. ²⁵ sususa'a nema neu hei yang saia fai'ia mi'ibeta hu na hei akan ndoe. sususa'a nema neu hei yang sia fai'ia mali hu na hei akan nggasi ma nggae. ²⁶ sususa'a nema neu hei yang sai fai'ia atahori dui bengga hei nara malole' mara hu na, sira ama ina ma'ahulu nara o'ola soa neu nabi-nabi falus ara ta'o na boe." Suelai Hoo Musuh'ma ²⁷ "te hu, Au ufade neti hei yang mana rena neu Au. ama suelai hei musuh'ma boema ama tao malolole neu atahori yang mana mamanasa hei'ra. ²⁸ ama fee berkat neu atahori yang mana sumba'so hei'ra boema ama hule oo'e fee atahori yang mana poko'paru hei'ra. ²⁹ soa neu atahori yang mana mbasa hei nasu'ma, ama fee selu nasu'ma seri boe. boema, soa neu sa'ka boe yang rau nala hei juba'ma, na afi ai'e fo ana rau nala no hoo badu'ma boe. ³⁰ fee'neu se'ka boe yang no'e neu hoo, boema kalu se'ka yang ha'i nala hoo saa'ma, na afi' hoo mo'e bali'e lao' mia'e. ³¹ tao malole' neu atahori laen ona'a hoo nau atahori tao malole' neu nggo. ³² kalu hoo aka'a suelai atahori yang mana suelai hoo, kokoa' sa'ka yang ara fee neti nggo? hu na, atahori de'ulaka'ra boeo' suelai atahori-atahori yang mana suelai'se. ³³ de kalo hoo aka'a tao malolole moo'a atahori yang mana tao malole' ro hoo, pas do hoko' hoo hambu kokoa'? hu na, atahori mana de'ulaka'ra boeo tao hal ona' na'ka boe. ³⁴ de kalo hoo fee atahori laen'ra pinjam hoo saa'ma boema hoo mumuhena foo ara fee bali' no imbalan, na kokoa' sa'ka yang ara fee neti nggo? hu na, atahori mana de'ulaka'ra boeo fee pinjaman neu atahori mana de'ulaka laen fo ara hambu bali'i ona'a yang ara fe'a. ³⁵ te hu, suelai hoo musuh'ma no tao malolole neu'e, fee atahori laen pinjaman te afi mumuhena hambu imbalan mia'e. ona' na'ka, hoo akan hambu upah monae boema hoo akan dadi ana-anak yang mahatinggi, hu na Ama Lamatua Ise malole neu atahori-atahori yang nda mana mahine hadat'sa boema atahori de'ulaka. ³⁶ hu na, malole' na hei mi'ena susue', sama ona'a Ama Lamatua yang boe sosofe' no'a susuelalai." Afi Main Hakim Ao'ma Neu Atahori Laen ³⁷ "afi ha'i hakim aoma fo ara nda hakimi hoo'sa. afi hukudoki atahori fo ara nda hukudoki hoo'sa, fee ambon neu atahori fo ara fee hoo ambon boe. ³⁸ fee fo ara boe'o fee hoo: sa'ka yang hoo uku mendi' yang maeulau, yang hoo hambu, yang nenededeni' nasofe'e, na'ka yang ara mbo'a neti hoo ivama. te hu no sa'ka yang hoo uku sudi mendi', hal na'ka boe yang ara huku sudi fee neu bali' hoo" ³⁹ Lamatua Yesus dui fee neu'se perumpamaan ia'ka oi, "hambu do hoko athori poke ana nelalao atahori poke? ona be boeo ru'ase akan toda kolo' rala reu. ⁴⁰ ana nenori esa nda akan lena mia meser'na sa. te hu, seka mesan yang hambu nenelatih ana sama ona'a meser'na boe. ⁴¹ saa'de hoo mete mita manggarau'a sia hoo torano'ma, te hu hoo nda bubulu hau balok'a sia hoo mata'ma aona'sa? ⁴² ta'o be de hoo mufade neu hoo torano'ma mae, 'torano' uma foo au nggue hendi manggarau'a sia hoo mata'ma', te hu hoo aoma aon nda mete mita hau balok'a sia hoo mata'ma? woe atahori mana leleko! ha'i hendi hau balok'a sia hoo mata'ma aona dei. basa'na fo, hoo hambu mete mita no manggarelo' de fo hoo hambu nggue hendi nggeo'a sia hoo torano'ma." Hau Hu Malole' Ana Naboa Boa Malole' ⁴³ "hau hu yang malole' ana nda naboa boa de'ulaka'sa, boema hau hu yang de'ulaka nda naboa boa malole'sa. ⁴⁴ basa hau hu ra hita tahine'se lao mia boa' nara. atahori nda kumbu boa ara' lao' mia nggaut'a rala'sa, do hoko'na etu anggur lao' mia makateme'a rala. ⁴⁵ atahori yang malole' ana tao saa mesan'o ana tao nendi rala temeao te hu atahori yang de'ulaka'a ana ato saa mesan'o ana toa nendi rala de'ulaka'na. sa'ka yang dea neu lao' mia atahori'a bafa'na, na'ka boe lao' mia rala'na rala." Fanderen Macam Rua ⁴⁶ "saa de hoo mo'e Au, 'Lamatua, Lamatua,' te hu nda tao tungga ona' sa'ka yang Au unori'ngga'sa? ⁴⁷ Au ae utudu neti hoo, ona'a sa'ka yang atahori nema neu Au'e, ana rena boema ana tao ona'a sa'ka yang Au nenori ngga. ⁴⁸ ana ona'a atahori rafefela ume esa, ayang ana ali losa roma'a fo ana ato fanderena sia fatu'a ata. de faina loe'a nema, oe'a poko ume'na, te hu ume'a nda nambalulutu'sa hu na uma'a ara tao'e sia fatu mahere'a ata. ⁴⁹ te hu atahori yang rena Au nenori ngga te nda tao tungga'sa, ana ona' atahori yang nefefela ume'na neu rae'a ata te nda maena fanderen sa. de faina loe monae'a nema, ume'na foi hendi'e boema ana nambalulutu."