¹ mia fai esa, atahori nae rakarumbu rala Lamatua Yesus fo ara rena Lamatua harali'Na. fai na, Lamatua Yesuis nambari' nisi dano Genesaret bife'na, ² boema Ana mete ofa rua yang mana sandar sia dano na bife'na, te hu atahori nara basa'se lao' hela ofa'ra de ara reu sasafe'lolou pu'at nara. ³ Lamatua Yesus hene neu ofa esa ata, na'ka Simon ofa'na, de denu Simon timba ofa'na dano rala neu na'adodo no retan'a. boema, Lamatua Yesus endo no Ana nanori atahori nae lao' mia ofa'a ata. ⁴ Ana o'ola basama, Lamatua Yesus nafade neu Simon oi, "lao' nakando nisi oe'a roman'na neu fo nggari hoo pu'atma fo pu'a uu'ra." ⁵ Simon nata na, "Meser, hai tao ues ia mae mate eni tetemba'na fe'e iana, te hu nda hambu sasa'saboe! te hu, karna Hoo yang denu, de au nggari pu'ata ona' yang Hoo nanau'Ma." ⁶ boema, de ara tao tungga, ma ara rala u'u naena seli de sira pu'at nara sofe lena de pu'ata nae sika hendi'e. ⁷ boema, ara sein torano' baba'u nara mana sia ofa'a laen'ara fo ara rema bantu rala'se. basama, basa torano' baba'u nara basa'se rema de ara ra'aisi u'ura risi' ofa'a ra ru'ase rala'a losa basa'se sofe no'a u'u losa ofa'ra hela'a mbeis'na molo hendi'se. ⁸ faina Simon Petrus mete nita hal ia'ka, ma ana sende lunggu langga'na nisi Lamatua Yesus mata'Na boema ana ola' nae, "lamu lao hela au, Lamatua, hu na au ia atahori yang sosofe no'a sala'singgo!" ⁹ Petrus ola' ta'ona hu eni no basa atahori yang mana no'e heran soa neu u'u nae yang ara rala'ra. ¹⁰ sama ona'a Yakobus no Yohanes, Zebedeus ana'nara yang Simon torano'nara. Lamatua Yesus nafade neu Simon oi, "afi mumutau. sia li'ia, hoo dadimu mana pu'a atahori." ¹¹ basama ara nore ofa-ofa'nara risi rae'a ata'a, boema ara lao' hela basa nara de ara lao tungga Lamatua Yesus. Atahori Yang Mamahedi Kusta Ana Hai ¹² fai esa, Lamatua Yesus mia nusak esa. sia nusak na'ka, sia naa atahori esa aona sososfe no'a kusta. fai'na atahori na nita Yesus, ana sende lunggu langga'na losa mata'na dai rae'a boema ana hule neu'E, "Lamatua, kalo Hoo nau, na Hoo tao au hai." ¹³ boema, Yesus lo lima'Na de nggama neu atahori na'ka. Ana ola nae, "Au nau, dadi hoo hai." li'na boe, hedi kusta'na mopo hendi basa'se ¹⁴ te hu, Lamatua Yesus parenda atahori na'ka fo afi nafade neu esa boe de Ana ola nae, "lamu fo mutudu aoma nisi imam. fee korban soa neu hoo hahai'ma ona'a sa'ka yang musa parenda'na fo dadi bukti soa neu'se ¹⁵ basa atahori'ra dui bengga tentang Lamatua Yesus nara'Na de atahori'ra nae rema ra'abubue fo rena nanori'Na boema fo ara hai lao' mia sira hedi'raus nara. ¹⁶ te hu, Yesus lao-lao esa na Ana loa hela'se nisi mamana ma'afuni fo Ana hule oo'e. Atahori Nda Mana Lao' Nala'sa Ana Hai ¹⁷ mia fai esa, faiu'na Lamatua Yesus pas Ana nanori, atahori-atahori farisi no ahli-ahli Taurat yang ara rema lao' mia basa nusak'ra sia mamana Galilea, Yudea, no nusak Yerusalem boe endo sia na. boema, Kuasa Ama Lamatua Ise no Yesus de Ana tao nahai'i atahori nae ¹⁸ boema, ara mete rita atahori ruma lemba rendi atahori esa yang nda mana lao' nala'sa sia mamana susunggu'na, de ara usaha rendi'e rala neu tao'e nisi Lamatua Yesus mata'Na. ¹⁹ te hu, karna atahori mana ma'abubue'ra talalu nae de ara nda hambu dala' fo rendi'e rala neu sa, ma ara hene risi ume'a mbuni'na, de ara ra'onda atahori yang nda mana lao' nala'asa no mamana susunggu'na tungga'a ata nisi'i atahori'ra talada nara sia Lamatua Yesus mata'Na ²⁰ de mete nita sira nemehere nara, Yesus ola' nae, "hai torano nggeru, Au fe ambon neu hoo sala singgo ma." ²¹ ahli-ahli taurat no atahori-atahori farisi'ra rata-tane oi, "ia atahori se'ka de ana mamasi rarai Ama Lamatua nara'Na? se'ka yang bisa fee ambon neu sala singgo'ra selain Ama Lamatua Ise?" ²² Lamataua Yesus nahine sira dudu'a nara, de Ana natane'se oi, "sa'de hei mitane ona' na'ka sia hei rala'mara rala? ²³ beka yang lebih gampang, nafade oi 'fe ambon neu hoo sala'singgo'ma' do 'fela fo lao' leo'? ²⁴ te hu, na fo hoo bubulu bahwa Lamatua Ana'na berkuasa sia raefafo fo Ana fe ambon neu sala'singgo'ra," Lamatua Yesus nafade neu atahori yang nda mana lao' nala'asa, "Au ufade neti'nggo: fela, o'o mendi mamana susunggu'ma fo bali' leon." ²⁵ li'na boe, atahori na'ka fela nambari mia basa atahori'ra mata'nara boema ana ha'i nala mamana susunggu'na, de ana lao' bali' no ana koa kia Ama Lamatua Ise'a nara'Na. ²⁶ basa atahori'ra heran de basa'se koa kia Ama Lamatua. no sosofe no'a ara ramatau Ama Lamatua kuasa'Na, ara ola-ola oi, "fai ia hai mete mita dada'di yang monae'na seli!" Lewi Tungga Yesus ²⁷ basa naa'ma, Yesus dea neu boema Ana nita atahori esa mana tagi bea nara'na Lewi ana endo' sia mamana tagi bea. Yesus nafade neu'e oi, "Tungga Au." ²⁸ boema Lewi nambari, ana lao hela basa-basa'e, de ana tungga Yesus ²⁹ basama, ana tao fefeta monae fe Yesus sia ume'na. atahori mana tagi bea nae' no atahori-atahori laena'ra yang ra ra'abubue ro'se. ³⁰ te hu, atahori-atahori Farisi no ahli-ahli Taurat ara ra'a u'utu neu Yesus ana nenori nara, "saa'de hei mia minu moo mana tagi bea'ra no atahori-atahori yang sosofe no'a sala'singgo'ra?" ³¹ Yesus nata' no Ana ola' neu'se oi, "atahori-atahori sehat'ta nda butuh mantri'sa, te hu atahori-atahori yang hedi'raus sara. ³² Au nda uma fo o'e atahori mana ndo'tetu'ra 'sa, te hu fo o'e atahori-atahori mana sosofe no'a sala'singgo'ra fo ara bertobat." Atahori Farisi Na'asasama' Yohanes Ana Nenori'na No Yesus ³³ ara rafade neu Yesus, "Yohanes Pembabtis ana nanori nara biasa nda raa rinu'sa no ara hule oo'e, boema atahori Fasiri ra ana nanori nara boe. te hu, Hoo ana nanori mara raa rinu rakando'a." ³⁴ Yesus nafade neu'se oi, "hambu do hoko hei denu mana roo sao tou'a fo ara afi raa rinu waktu sao tou'a fe'e na'abubue no'se? ³⁵ te hu, fai-fai mana nema'ra ia'ra, waktu sao tou'a ara ha'i rendi'e lao' mia'se, deu fo sia fai-fai na'ka fo ara nda raa rinu'sa." ³⁶ Yesus boe dui duduit ia neu'se, "nda hambu atahori esa'sa boe yang sii nala side esa lao' mia bua feu' na fo ana soo seu neu bua mbara'nara. hu na ona'a ia, atahori na'ka nalutu bua feu'a, boema side feu' yang ana soo seu nendi'a nda pas'sa no bua mbara'a sa. ³⁷ hu na, nda hambu atahori esa sa boe yang mbo'a anggur feu nisi mamana rou' mbara. anggur feu na ana nasi' hendi mamana rou mbara'a de anggur'a mbo'a hendi'e neu rae'a boema mamana rou'a boe nambalutu. ³⁸ anggur yang feu'a harus mbeda neu mamana rou'a yang feu. ³⁹ nda hambu atahori esa sa boe yang ana ninu nala anggur mbara'a, na ana nau ninu anggur feu hu na ana oi, 'anggur mbara'a lada lena."