¹ Yesus, bali' lao' mia Yordan nema yang sosofe no'a Roh Kudus. basa'ma, Roh Kudus nendi'E nisi mo'loa'a ² losa fai ha'nulu fo niti'a soba'E. sia fai-fai na'ka Ana nda na ninu sa'saboe. losa fai nate'ena ma Ana ndoe. ³ boema. nitu'a nafade neu'E, "kalo Hoo Ama Lamatua Ise'a Ana'Na, na denu fatu'ra iara didi neu roti." ⁴ Yesus na'ta neu'e, "nene'sura' oi 'atahori nda a'ka mori lao' mia roti nema'sa." Ulangan 8:3 ⁵ basama, nitu'a nendi Yesus nisi mamana' esa nanaru na seli de ana natudu basa nusak-nusak'ra mana sia raefafo'a isi nara neu Yesus. ⁶ de, nitu'a nafade mbali Yesus nae, "au ae fee kuasa neu Nggo boema fee mandela masa'a soa basa mamana ia'ra neti nggo, te basa faa'iara au enangga'ra. de, au sudi'a ae fee neu se'ka yang au hi'e. ⁷ hu nana, Hoo nau koa kia au na basa ia'ra dadi neu Hoo ena heheli mara." ⁸ boema, Yesus na'ta oi, "nene'sura' oi, 'hoo harus koa kia neu hoo Ama Lamatua Ise'ma, no a'ka'a soa neu'E hoo harus koa kia." ulangan 6:13 ⁹ basama, nitu'a no Yesus nisi Yerusalem boema ana natetende Yesus nakando nisi Ama Lamatua ume'Na ata'a. nitu'a ola' mbali Yesus oi, "kalo Hoo Ama Lamatua Ise'a Ana'Na, na boke lao' mia ia'nema fo rae'Mu, ¹⁰ karna nenesura' oi, 'soa neu Nggo, Ama Lamatua Ise'a parenda malaikat-malaikat' Nara fo rane'a Hoo.' Mazmur 91:11 ¹¹ boema, 'no sira lima'nara, ara akan haso rala Hoo fo Hoo ei'Ma nda na'atunu dai fatua'sa." Mazmur 91:12 ¹² Yesus na'ta neu nitu'a oi' "nene'sura', 'afi soba' hoo Ama Lamatua Ise'ma." ulangan 6:16 ¹³ nitu'a soba nala Yesus, boema ana nela hela Yesus no ana nahani sia mamana yang laen fai. Yesus Tao Ues Ma'ahulu'Na Mia Galilea V 14 Yesus bali' Galilea neu sofe no'a Kuasa Roh, boema basa atahori'ra mana sia deka no mamana'ka dui bengga nara'Na. ¹⁵ boema Ana mulai nanori mia Sinagoge de basa atahori'ra koa kio neu'E. Atahori'ra Nda Simbo Yesus Mia Nusak Ndae Huni'Na ¹⁶ basama Yesus lao' Nazaret neu, nusak yang Yesus na'amoko mia na. ona'a biasana, Yesus neu sia sinagoge tungga-tungga fai sabat boema Ana nambari fo Ana baca. ¹⁷ de ara lo fee susura nabi Yesaya neu Yesus, de Ana buka susura meumare naa ma Ana nanda no babanggi esa nae, ¹⁸ "dula dale Ama Lamatua sia Au rala, hu nana Ana urapi Au fo ufade duduit meulau ia neu atahori mana hata'ta'ra. Ana denu Au fo ufade oi mbo'i hendi atahori mana sia tahanan'ara, boema fe atahori poke'ra rita bali', fo mbo'i hendi atahori-atahori yang mana tertindas ara, ¹⁹ boema fo dui bengga mae Lamatua susuelalai'Na nema ena sia to-to mana nema ia'ra." Yesaya 61:1-2 ²⁰ Lamatua Yesus tatana bali' kitab boema Ana fe bali' neu koster, boema Ana endo'. basa atahori mana sia na'ra heran mete rita'E. ²¹ boema, Lamatua Yesus mulai ola-ola' no'se, "fai ia, pas no sa'ka yang nene sura' sia kitab meumare'ia rala ona' sa'ka yang hei rena." ²² boema, basa atahori'ra ra'ahei reu'E te hu ara heran-heran no sa'ka yang Ana dedea o'olan'Na lao mia bafa'Na nema. ara rafade oi, "nda sala'sana ia Yusuf ana'na to?" ²³ basama, Lamatua Yesus nafade neu'se oi, "ne'oke hei ola-ola dedeat kiasan soa neu Au, 'Tabib, mu'uhahai aoma aon! hai rena soa neu sa'ka yang Hoo tao mia Kapernaum, de tao ona' na'ka boe sia ia, sia Hoo Nusak fua funi'Ma." ²⁴ basama Ana nafade oi, sebenarna nda hambu nabi esa sa boe yang ara simbo'e sia nusak fua funi'na oan ²⁵ sia ndo tetu'a rala, Au ufade neti hei, ina falu nae sia Israel mia masa Elia, pas fai'na lalai'a na'ateme losa to telu boema fula nee, fai ndoes monae neu basa nusak 'ra. ²⁶ te hu, nda denu Elia nisi'i basa atahori se'ka sa boe te hu denu'e neu nisi ina falu esa mana leo sia Sarfat, sia mamana narana Sidon. ²⁷ boema, atahori nae' ramahedi Kusta sia Israel mia masa nabi Elia, te hu nda hambu atahori esa sa boe yang ana hai, aka'a Naaman, atahori mana mia Siria nema." ²⁸ ara rena rala hal na'ka boema, basa atahori yang mana sia sinagoge ra basa'se ramanasa. ²⁹ de, basa'se fela rambari de ara nore Lamatua Yesus nisi nusak dea neu, boema ara rendi'E nisi lelete'a ata sia mamana nusak yang ara tao'e fo ara honda'E lao mia ata nema. ³⁰ te hu, Yesus birus hendi'se de Ana lao' tungga talada'nara de lao hela basa'se. Yesus Oi Hendi Nitu'a Lao Mia Ana Tou Esa ³¹ Lamatua Yesus lao nisi Kapernaum, nusak esa sia mamana Galilea, boema Ana nanori atahori nae pas fai Sabat. ³² basa atahori'ra akui soa neu nanaori'Na karna dedea o'ola Na sosofe no'a Kuasa. ³³ sia sinagoge, ana tou esa, roh nitu yang sofe no'a manggenggeo'a maso nisi aon'na rala, ana ki nggasi hendi basa hara'na, ³⁴ "hela hai mesa'ma! Hoo urusan sa'ka mo hai, hai Yesus, atahori lao' mia Nazaret nema? sa de Hoo uma mumate hendi hai? au uhine Hoo seka, yang Kudus lao' mia Ama Lamatua Ise!" ³⁵ te hu, Yesus bua' roh nitu na'ka, Ana oi, "ne'ne! dea mu lao mia atahori ia!" basama nitu'a rupa hendi ana'ka neu rae'a, mia basa atahori'ra mata'nara, ana nela dea neu lao mia ana'ka aona no nda tao ana'ka ta'o be-be sa boe. ³⁶ basa atahori mana sia nara akui boema ara heran de esa ola no esa oi, " dedea o'ola sa'ka ia? karna no wibawa boema kuasa, Ana parenda roh-roh manggenggeo'a ara dea reu." ³⁷ boema, duduit soa neu Yesus tersiar neu basa mamana'ra sia basa nusak na'ra. Petrus Mama Mantu'na No Atahori Nae Hai ³⁸ basama, Yesus lao hela ume nggarei'a de lao nisi Simon ume'na. pas no, Simon mama mantu'na namahedi mafeo matobi, hu na ara ro'e Lamatua Yesus fo Ana tao'e fene hai. ³⁹ boema, Lamatua Yesus fela nemberi deka no Simon mama mantu'na boema Ana nangge'nge hedis'a, boema hedis'a mopo de ana hai. li na boe, de Simon mama mantu'na fela de ana layani'se. ⁴⁰ losa relo'a mopo, basa atahori'ra rendi torano' bobonggi'nara yang mana mamahedi'ra lala'ena rema risi Yesus. de basama Lamatua Yesus tao lima'Na nisi'se esa-esa de basa'se hai. ⁴¹ niti-nitu ra boe rela dea reu lao mia atahori'ra rala boema ara nggasi ki rae, "Hoo ia Ama Lamatua Ise'a Ana'Na!" te hu, Lamatua Yesus bua'se, Ana nda fe'se rahara karna sira bubulu Ana adalah Kristus. Yesus Hotba Sia Nusak-Nusak Laen'ara ⁴² fefetu ana'na Lamatua Yesus lao' nisi mamana esa yang sunyi fo Ana mesa'ne. ma atahori nae sangga'E, de losa ara rita'E, ara ai'E fo Ana afi lao' hela sira. ⁴³ te hu, Ana nafade neu'se nae, " Au harus u'ulolosa Injil Kerajaan Ama Lamatua Ise neu basa nusak-nusak laen ara boe karna ia dea Ara denu Au uma." ⁴⁴ boema, Lamatua Yesus hotba mia sinagoge-sinagoge sia Yudea.