¹ to'ka sanahulu lima mia Kaisar Tiberius parenda'na, fai'na Pontius Pilatus dadi Gubernur mia Yudea, Herodes dadi mane' mia Galilea; Felipus torano'na Herodes dadi mane' mia mamana' Iturea boema Trakhonitis; no Lisania dadi mane' mia Abilene, ² Hanas no Kayafas dadi malangga imam agung, Ama Lamatua Ise harali'Na nema neu Yohanes, Zakharia ana'na, yang leo si'a moloa'a. ³ de, Yohanes lao' nisi'i basa mamana' sia deka no Yordan boema ana ola-ola soa neu baptisan pertobatan fo fe ambon neu sala'singgo'na, ⁴ ona'a nenesura' sia Kitab Nabi Yesaya: "ia'ka hara' lao' mia atahori yang mana ola-ola sia mo'loa'a, 'o'oti hela dala soa neu Lamatua, tao hela dala ndo'tetu soa neu'E ⁵ be'ka yang doke na mbori'e, boema be'ka mbuku lete na ali netetu'e. dala yang mapepenggo na tao netetu'e, boema be'ka dala yang nda rata sa na nando'e. ⁶ boema, basa atahori'ra rita momori masoda' lao' mia Lamatua" Yesaya 40:3-5 ⁷ boema, Yohanes nafade neu basa atahori nae' yang mana rema'ra fo ana sarani, ana oi "Hai, hei titinonosi' mia mengge meo'ra! seka yang fe nesenedat neti hei fo hei mela lao' mia Lamatua nasa'Na yang mana nema'ia? ⁸ hu na'na, mitudu hei tataonono'i yang meulau mara. afi' mufade neu aoma, ' Abraham na'na hai bei'ba'i ma' au ufade neti nggo, tebe-tebe'na lao' mia fatu-fatu ia'ka Ama Lamatua Ise'a bisa nafefela anak-anak soa neu Abraham! ⁹ lelenan'na, lao' mia li'ia ara tao ta'a sia hau'a oka'na ena, hau be'ka yang nda mana naboa melole'sa na hungga hendi'e boema honda hendi'e nisi ai rala." ¹⁰ atahori-atahori ratane neu Yohanes, "kalo ta'ona na, sa'ka yang bisa hai tao?" ¹¹ Ana na'ta, "atahori be'ka yang na'ena' badu rua, ana harus banggi no atahori yang nda ma'ena'sa. boema, be'ka yang na'ena nanat, ana tao hal yang sama ona' na'ka boe." ¹² atahori mana kumbu pajak ruma rema boe fo ara sarani'se. ara ratane neu Yohanes, " meser, sa'ka yang harus hai tao?" ¹³ Yohanes nafade'se , "afi mo'e bea nalena'a lao' mia sa'ka yang nenena'etu soa neti hei." ¹⁴ serdadu ruma ratane neti'e, "ta'obe no hai? sa'ka yang harus hai tao?" Yohanes na'ta neti'se, "afi mo'e doi lao' mia se'ka boe no paksa hoko'na no tudu e'edik. na'adadi oama no hoo nggadi'ma." ¹⁵ faina basa atahori'ra rae'a doo'be fo Mesias nema, basa sira ratatane sia rala'nara rala soa neu Yohanes, ia'ka Kristus do hoko. ¹⁶ Yohanes na'ta'se boema ana ola' nae, "Au mana fe sarani' neti hei no oe. te hu atahori esa mano kuasa lena' lao mia au'e akan nema. fo aka'a buka sendal'Na tali'na boeo au nda layak'sa. Ana akan sarani hei nendi' Roh Kudus boema no ai. ¹⁷ lala'oa ana sia lima'Na ena fo nameu hendi lantai pengirikan boema fo ana kumbu gandum yang malole nisi soka'Na rala. te hu, Ana hotu'lalangge laka'ra risi ai'a rala yang nda akan mate nita'sana." ¹⁸ no nesenedat nae' yang laen, Yohanes nanori Injil neu atahori nae. Yohanes Mana Fe Sarani Sia Bui Rala ¹⁹ te hu, na Yohanes ai Herodes, mane' nusak, soa neu hal yang ana tao neu Herodes, Herodes torano' na sao'na, boema karna basa hal yang nda malole'sa yang ana tao nala'ena, ²⁰ de Herodes ana tamba ia'ka soa neu basa'e no tao Yohanes nisi bui'a rala. ²¹ de basa atahori'ra sarani'se, Yesus boe ara sarani'E. boema, Ana huleoo'e ma, lalai'a ana tabuka, ²² no Roh Kudus onda nisi'E ona'a mbui lunda. boema, hara esa nema lao' mia lalai'a ata de Ana nafade nae,"Hoo'ia Au Ana'ngga yang Au suelai'. soa neu-Nggo Au fe nemeher' neu Hoo." Yesus Titinonosi'Na ²³ losa faina Yesus mulai no uehosa'Na, nda sala'sana Ana to telu nulu. atahori-atahori ola-ola oi Yesus na Yusuf ana'na. Yusuf na Eli ana'na. ²⁴ Eli na Matat ana'na Matat na Lewi ana'na Lewi na Malkhi ana'na Malkhi na Yanai ana'na Yanai na Yusuf ana'na ²⁵ Yusuf na Matica ana'na Matica na Amos ana'na Amos na Nahum ana'na Nahum na Hesli ana'na Hesli na Nagai ana'na ²⁶ Nagai na Maat ana'na Maat na Matica ana'na Matica na Simei ana'na Simei na Yosekh ana'a Yosekh na Yoda ana'na ²⁷ Yoda na Yohanan ana'na Yohanan na Resa ana'na Resa na Zerubabel ana'na Zerubabel na Seatiel ana'na Seatiel na Neri ana'na ²⁸ Neri na Malkhi ana'na Malki na Adi ana'na. Adi na Kosam ana'na. Kosam na Elmada ana'na. Elmada na Er ana'na. ²⁹ Er na Yesua ana'na. Yesua na Eliezer ana'na. Eliezer na Yorim ana'na. Yorim na Matat ana'na. Matat na Lewi ana'na ³⁰ Lewi na Simeon ana'na. Simeon na Yehuda ana'na. Yehuda na Yusuf ana'na. Yusuf na Yonam ana'na. Yonam na Elyakim ana'na ³¹ Elyakim na Melea ana'na. Melea na Mina ana'na. Mina na Matata ana'na. Matata na Natan ana'na. Natan na Daud ana'na. ³² Daud na Isai ana'na. Isai na Obed ana'na. Obed na Boas ana'na. Boas na Salmon ana'na. Salmon na Nahason ana'na. ³³ Nahason na Aminadab ana'na. Aminadab Admin ana'na. Admin na Arni ana'na. Arni na Hezron ana'na. Hezron na Peres ana'na. Peres na Yehuda ana'na. ³⁴ Yehuda na Yakub ana'na. Yakub na Ishak ana'na. Ishak na Abraham ana'na. Abraham na Terah ana'na. Terah na Nahor ana'na. ³⁵ Nahor na Serug ana'na. Serug na Rehu ana'na. Rehu na Peleg ana'na. Peleg na Eber ana'na. Eber na Salmon ana'na. ³⁶ Samon na Kenan ana'na. Kenan na Arpakhsad ana'na. Arpakhsad na Sem ana'na. Sem na Nuh ana'na. Nuh na Lamekh ana'na. ³⁷ Lamekh na Metusalak ana'na. Metusalak na Henokh ana'na. Henokh na Yared ana'na. Yared na Mahalaleel ana'na. Mahalaleel na Kenan ana'na. ³⁸ Kenan na Enos ana'na. Enos na Set ana'na. Set na Adam ana'na. Adam na'na Ama Lamatua Ise ana'Na.