1
mia fai' na'ka, Kaisar Agustus fe parenda'a neti basa rauinggu'ra sia raefafo'a fo basa'se tungga'a sensus.
2
ia'ka sensus neu rauinggu ma'ahulu-ma'ahulu'na fai'na Kirenius dadi Gubernur sia Siria.
3
de, basa atahori'ra bali' risi' nusak ndae'huni nara fo ara daftar nara'nara aon
4
Yusuf boe lao' hela Nazaret, nusak sia Galilea, boema neu nisi Yudea, nisi nusak Daud yang ro'ena rae Betlehem, hu na'na ana titinonosi'na lao' mia Daud nema,
5
fo ara daftar'e sama-sama no Maria, tunangan'na yang fe'e mana mairu'a
6
fai'na Yusuf no Maria losa Betlehem, boema losa fai'na Maria nae bonggi boe.
7
de Maria bonggi nala anak tou ana' yang ma'ahulu'. de ana mboti Anak'ka nendi' side manggenggeo' boema ana nasusunggu'E nisi ha'oa rala karna nda hambu kama rou' soa neu'se leo'sa.
Mana Tada'ra Rita Lamatua Yesus Bonggi'E
8
sia mamana yang na'ka boeo', atahori mana tada'ra leo sia mamana momo'na fo ara rane'a bibi lombo nara sia fai tetemba'.
9
nggengger ma, malaikat Lamatua nambari' nisi sira mata'nara boema mandela masa'a Lamatua manggarelo'Na sosofe sia basa faa'na de basa'se ramatau raseli'.
10
te hu, malaikat na'ka nafade mbali'se oi, "afi mimitau hu na ama rena, Au ufade neti hei'e dudi meulau soa neu nemeho'ot monae'na seli soa neti basa nusak'ra.
11
sia fai'ia, ara bonggi fe hei atahori esa mana soi tefa soa neu hei masodamara, na'na Lamatua Kristus, sia kota Daud.
12
ia'ka tatanda' soa neti hei: defo hei mita anak mana bonggi feu esa yang ara mboti'E rendi side manggeggeo boema ara ra'asusunggu'E sia ha'oa rala."
13
nggengger'ma, ara mete rita malaikat na'ka sama-sama no tentara'ra naen'na seli lao' mia lalai'a nema ara koa kia Ama Lamatua Ise boema rafade rae, "mandela masa'a soa neu Ama Lamatua Ise mana sia nusa tetun inggu tetun boema soda mole' sia raefafo, sia atahori-atahori yang mana tungga Lamatua hihi'nanau'Na taladanara."
15
seli hendi na ma malaikat'ra lao' hela mana tadara boema ara lao bali' surga, mana tada'ra esa ola' mbali laena'ra nae, "ima fo ata lao' Betlehem teu fo ata mete sa'ka yang hita titara ia'ra, yang Lamatua nafede neu hita."
16
boema, sira lao' lai-lai reu de ara randa ro Maria no Yusuf, boema anak mana bonggi feu yang ara ra'asusunggu'E sia ha'oa rala.
17
pas mana tada'ra mete rita'E, ma ara dui oi sira rena hara'a nema nafade neu sira soa neu Lamatua bobonggi'Na.
18
boema, basa atahori yang mana mia nara rena ma ara nggenger soa neu mana tada'ra dudui nara.
19
te hu, Maria mbembeda duduit naa de ana du'a-du'a e sia rala ana'na rala.
20
basama, mana tada'ra lao bali'i reu se'u sira bibi lombo nara no rala nara ramaho'o de ara koa kia neu Ama Lamatua Ise soa neu sa'ka yang sira mete rita no sira rena'a ona'a hara yang sira rena'a.
21
boema. losa fai ka falu'na fo ara edi fu ana'ka, ara ranara neu'E Yesus, ona' nara' yang malaikat nafade'a ma'ahuluna yang ana'ka fe'e mia ambu'a rala.
Yesus Rendi'e Nisi Lamatua Ume'Na
22
losa fai-fai baptisan sama ona' hukum Musa basama, Maria no Yusus rendi bali' Yesus nisi Yerusalem fo fee Yesus neu Lamatua,
23
ona' yang mana sura' sia hukum Lamatua, "basa ana'ka tou ma'ahulu harus ara kuduskan soa neu Lamatua
boema fo fee persembahan ona'a sa'ka yang nenenafade sia Lamatua hukum'Na, nana lunda lilo'a pasang esa hoko'na mbui lunda rua."
Simeon No Hana Rita Yesus
25
tou esa narana Simeon yang leo' sia Yerusalem. tou na'ka atahori ndo'tetu boema meumare' yang ana nahati penghiburan lao' mia Ama Lamatua Ise soa neu Israel, boema Roh Kudus'a nanea'e.
26
Roh Kudus nafade neu'e bahwa ana nda fe'e bisa mate'sa kalo ana nda fe'e nita Kristus yang sofe no'a kuasa Lamatua
27
boema, Simeon nema nisi Ama Lamatua Ise ume'Na no nelalao lao' mia Roh Kusus, fai'na Yusuf no Maria rendi Yesus nisi Ama Lamatua ume'Na fo tao ona' sa'ka yang sia hukum taurat rala.
28
basa ma, Simeon o'o nala an'ka boema ana koa kia Ama Lamatua, ana nae,
29
"sia li'ia, ya Lamatua kirana Hoo
fe isin neu Hoo ate dedenu'Ma ia'ka lao' no nemeho'ot, ona'a Hoo harali'Ma.
30
hu na au mata ngga nita masoda'a sia Nggo,
31
yang Hoo tao hela sia basa nusak ra matanara;
32
na'na' manggarelo'a ana mbila neu basa nusak-nusak'ra yang nda mana rahine Lamatua,
boema yang dadi neu mandela masa'a soa neu rauinggu'Ma Israel."
33
Yusuf no an'ka ina'na nggengger no'a Simeon o'ola'na soa neu ana'ka.
34
basama, Simeon huleoo'e fe'se no ana nafade neu Maria, Yesus ina'Na, oi "rena, ana'ka ia nenenafade mema' fo Ana nafoi' boema Ana nafefela atahiri nae' sia Israel, boema no'a dadi neu tatanda' soa neu basa atahori nae'.
35
(no, dombe tafa' esa akan mbau neu hoo ao samana'ma) fo atahori nae' ara ratudu' rala'nara
36
sia na boe hambu nabiah esa narana Hana, Fanuel ana'na lao' mia suku Asyer. Ana lasi'i nae ena . Ana sao nala'ma, boema ana leo no'a sao'na to hitu ena,
37
de basama sao'na mate hela'e to 84 ena. ana nda fe'e lao' nita hela Ama Lamatua Isa umen'sa, te hu ana nggarei rerelo' no tetemba' boema ana nda na'ninu'sa no ana huleoo'e.
38
sia fai na'ka, Hana nema boema ana no'e makasih nae'na seli neu Ama Lamatua Ise de ana dui tentang Yesus neu basa atahori yang mana nahati' mana soi tefa soa neu Yerusalem.
Yusuf No Maria bali' Risi Nazaret
39
basa hendi Yusuf no Maria tao sa'ka yang ona'a Lamatua Hukum Na, ara lao' bali' Galilea, risi sira nusak ndae huni nara, Nazaret.
40
ana'ka na'amoko tamba monae', sofe no'a bebe'i bara'ai no mahine'Na seli, boema Ama Lamatua fe'se berkat. Yesus Sia Ama Lama Tua Ise Umen'Na
41
tungga'a to esa na, Yesus ina ama nara lao' Yerusalem reu tao fai Paskha.
42
pas Yesus to sanahulu rua, ma basa'se lao na'reu ona'a sia fai-fai monae na'ka.
43
basa hendi fai monae na'ka, sira bali', te hu, Yesus fe'e leo' nakando sia Yerusalem te Ana nda nafade ina ama'nara sa.
44
hu na Yesus ina ama nara rae ne'o Ana lao' sia atahori nae' taladanara, de ara lao' rakando losa fai esa teme ao. de basama, ina ama nara mulai sangga'E sia basa torano'nara boema atahori-atahori yang sira rahine'ra.
45
losa ara nda rita Yesus, ma ara lao' bali' Yerusalem reu fo ara sangga Yesus.
46
losa fai telu, ma ara rita Yesus mia Ama Lamatua Ise 'a ume'Na, Ana endo sia meser-meser agama'ra talada nara, de Ana rena o'ola nara boema Ana fe natanes neu'se.
47
basa athori mana sia nara' rena'E ma ara nggengger no'a mahine'Na boema nata'nara.
48
pas ina'Na no ama'Na nara sangga rita'E, ma ara nggengger boe. boema, ina'Na natane neu'E nae, "Ama'e, sa de Hoo tao ona' ia'ka neu hai'e? ama'Ma no au sangga Hoo de hai du'a-du'a Nggo."
49
ma Yesus na'ta neu'se nae "saa de hei sangga Au? hei nda bubulu'sa te Au uma sia Au Ama ngga ume'Na?"
50
te hu, basa mana sia nara nda rahine'e sa'ka yang Ana olah-olah naa neti'se sa boe.
51
boema, Yesus lao' bali' no'se Nazaret reu no Ana tungga'se. te hu, ina'Na dudu'a dedea-o'olat na'ka sia rala ana'na,
52
Yesus tamba fai Ana tamba na'amoko boema Ana tamba mahine no rala ma'asufu'. Ama Lamatua Ise no atahori'ra tamba hi'a ro'E