¹ basama, Yesus dudu atahori hitu nuluh laen ara yang mana tungga ro'E, boema ANa denu'se sira rua-rua'a fo ara lao ra'ahulu risi'i basa nusak-nusak'ra no mamana-mamana yang Ana nae tuli'ra. ² Ana olah' no'se oi, "etu-oru'a nae'na selih, te hu ue osana aka'a mbei'a. hu nana, hule neu lamatua yang mana ma'ena etu-oru nae'a fo ana denu atahori'ra yang mana a tao ue osa'ra fo ara kumbu etu-oru nara." ³ "lami! Au denu hei ona'a bibi lombo ana'a nisi'i serigala'ra talada nara. ⁴ afi'i mendi saku doi'a, tondos, hokona sandal. boema, afi'i mitea esa boe sia dala talada'a. ⁵ ama misi'i ume be'ka mesan oo, ama loo hara'a na'ahulu mae, 'soada mole' soa neu ume ia.' ⁶ kalo atohori yang mana sia nara suelai meulau'u na, soda mole yang mana sia hei'e ana nahani no'se, te hu, kalo oko'o na, soda mole' yang mana sia hei'e bali' neti nggi. ⁷ ama leo mi ume naa. ama mia no minu sa'ka yang ara fee neu hei, karna atahori esa tao ues na ana hambu babae'na. afi'i ama pindah-pindah lao mia ume esa misi'i ume laen. ⁸ setiap ama misi nusak esa rala boema atahori-atahori yang mana sia na'ra simbo hei, na ama mia nanat yang ara so'u o'o fee hei. ⁹ ama fee nahai atahori yang mamahedi'ri yang mana leo sia nara, boema ama mifade'se mae, "kerajaan Ama Lamatua'a deka no hei ena.' ¹⁰ te hu, kalo hei misi'i desa esa boema atahori-atahori mana sia nara nda simbo'o hei'sa. naa ama lao misi'i dala-dala mana sia nusak na fo ama olah'a mae, ¹¹ 'afu'a yang mana tai sia sia hai ei mara boe'o hai sapu sah hendi'se sia heimata mara. te hu, ama misineda iaia: kerajaan Ama Lamatua'a deka ena.' ¹² Au ufade neti nggi: fai' na'ka, huku doki'i mana mia Sodom'e naa nda monae'na ona'a yang sia nusak na'sa." Nesenedat Soa Neu Yang Mana Tolak Yesus ¹³ "celaka neu hoo, Khorazim! celaka neu hoo, Betsaida! ona'a be kalo Au tao mukjizat-mukjizat yang sama ona'a mia Tirus no Sidon, naa ne'okon ara toba'ta eni'a doo ena noa ara endo boema ara pake side sususa'a no side mala'afu'u. ¹⁴ te hu, losa fai na'etuna, huku doki'i mana mia Tirus no Sidon fe'e malole lao mia hoo huku doki'i ma. ¹⁵ boema hoo, Kapernaum, ne'oko hoo mae ara so'u hoo surga'mu? hoko'o, ara honda hoo misi'i raefafao mamate'sa rala neu! ¹⁶ se'ka boe yang ana rena hoo, ana boe rena Au. te hu se'ka yang ana tolak hoo, ana boe tolak Au. boema, se'ka yang ana tolak Au, ana boe tolak Eni yang mana denu Au." Nitu-Nitu'ra Be'ute Ro Mana Tungga Yesus ¹⁷ basama mana tungga Yesus ka hitu nulu'ra bali'i ro ramaho'o de ara rafade oi, "Lamatua, nitu-nitu'ra boe be'ute neu hai sia Hoo nara'Ma rala." ¹⁸ Yesus olah mabli'se oi, "Au ita Nitu'a tuda lao mia lalai'a ta ona'a kilat. ¹⁹ ama bubulu na Au fee hei kuasa fo hei tatabu mengge no lilia'a, boema kuasa sia basa bebe'i bara'ai' musuh'ra. nda hambu esa'sa boe yang ana na'asususa hoo. ²⁰ te hu, afi'i hoo mumuho'o karna roh-roh nara be'ute mbali nggo, te hu mumuho'o karna hoo nara'ma nenesura'a sia surga." Yesus Huleoo'e Neu Ama'Na ²¹ fai na, Yesus namaho'o sia Roh Kudus'sa rala boema Ana olah nae, "Au o'e makasih neu Hoo Ama, Lamatua soa neu lalai'a no raefafo'a, hu na Hoo funi hal-hal ia'ra lao mia atahori yang mahine'ra. te hu, Hoo mutudu neu ana diki'i fe'e mana mbila'ra. ya Ama, hu na yang pas no Hoo rala'Ma. ²² Au Ama Ngga fee basa-basa'e neu Au, boema nda hambu atahori esa boe yang nahine'e Ana'Na a'ka Ama'Na. boema, nda hambu atahori esa'sa boe yang nahine Ama'Na, a'ka'a Ana'Na boema no atahori-atahori yang Ana'Na nae fo nafade'se." ²³ basama, Yesus heo' mbali ana nanori nara boema Ana ola-olah a'ka'a no'se oi, "mimiho'o soa neu sa'ka yang hei mete mita, ²⁴ hu na Au ufade neti nggi: nabi nae'e boema manek nae'e yang ara rae mete rita sa'ka yang hei mita fai ia, te hu sira nda hambu rita'sa. boema ara rae rena hal-hal yang hei rena sai fai ia, te hu sira nda hambu rena'sa." Atahori Samaria Yang Na'ena Rala Sususe'e ²⁵ basama, atahori Ahli hukum Taurat esa nambari fo nae soba Yesus, ana olah nae, " Meser, sa'ka yang au tao na fo au hambu masoda'a losalolosana?" ²⁶ Yesus nata nae, " sa'ka yang nene sura'a sia Hukum Taurat rala? sa'ka yang baca sia ralana?" ²⁷ atohori naa nata nae, "suelai Lamatua, Ama Lamatua Ise, no basa hoo rala teme aoma, no basa hoo ao samanama, no basa hoo bebe'i bara'aima, boema no basa hoo dudu'a aafima. boema, suelai hoo torano'ma ona'a hoo suelai hoo aoma oan." ²⁸ Yesus nafade mbali'e oi, "hoo muta'ma naa tebe. tao ona'a na'ka boe, fo hoo musoda." ²⁹ te hu, atahori naa nanauna nae fee aona batu, de ana olah mbali Yesus oi, "boema, se'ka yang au torano ngga?" ³⁰ Yesus nata naa oi, "atahori esa onda lao mia Yerusalem nema nae neu sai Yerikho, ana nanda no perampok ara de ara ha'i rala bsa bua ba'u nara no ara popoko paparu'e, basama ara lao hela'e le'a-le'a sia rae hela'a mamates ena. ³¹ de, imam esa lao tungga dala na'ka boe. de pas ana mete nita atahori na, ma ana lao hela'e neu ena ana lao tungga dala laen. 32 boema atahori Lewi esa boe'o ona'a na'ka boe, pas ana nema nisi mamana na'ka ma ana mete nita, ana lao tungga dala boboa laen. ³³ te hu, atahori Samaria esa yang ana lao tungga dala naa. de, pas ana mete nita atahori naa, ma rala'na tuda. ³⁴ boema, atahori samaria na'ka ana neu deka'e, de ana tatana bisu nara. ana tura hahari nendi'i mina no anggur, boema ana na'afufua'e neu keledai'na ata'a de ana nendi'e nisi'i mamana leleo esa, de ana namodo bisu nara. ³⁵ fefetuna, ma atahori samaria ha'i doi'i dinar rua de ana fe neu mana nanea mamana leleo'a no ana nafade'se oi, 'ama mimodo atahori ai bisu nara. boema, hei mibasa'a hei doi'mara ba'u sa urus neu'e, na defo au bili'i uma fo au fee nggati bali'se." ³⁶ boema, Yesus nafade oi, "menurut hoo, atahori ka telu nara se'ka yang dadi torano' neu atahori yang perampok ara rampok'e?" ³⁷ ahli Taurat'a nata nae, "atahori Samaria yang mana natudu susuelalai'a" boema, Yesus oi, "lamu, fo tao ona'a na'ka boe." Maria No Marta ³⁸ pas Yesus no ana nanori nara sia dala'a taladana, ma Yesus nisi'i desa esa rala boema ina esa nara'na Marta simbo nala Yesus mia ume'na. ³⁹ Marta na'ena'a odi'i esa nara na Maria yang ana endo deka no Yesus ei'Na de ana rena Yesus nanori'Na. ⁴⁰ te hu, Marta talalu sibuk tao nanat sia dapu'a fee neu Yesus no ana nanori nara. Marta neu deka no Yesus de ana nafade oi, "Lamatua, Hoo nda mita au sa do? te au odi ngga hela au mesa nggo urus sia dapu'a rala oanggo. denu'e fo ana bantu au dei!" ⁴¹ te hu, Lamatua nata'e oi, "Marta, Marta, hoo khawatir boema hoo tao mu'usususa aoma mendi'i hal-hal nae'. ⁴² aka'a hal esa yang penting. Maria ana here nala sa'ka yang meulau'a ena, boema esa nda bisa ha'i nala na lao mia'esa boe."