1
neu fai esa rala, ma Yesus Hule oo'e mia mamana esa, pas Ana Huleoo'e basa, Ana nanari nara esa natane neu'E, "Lamatua, Munori mifade hai Huleoo'e ona'a Yohanes nanori nafade ana nanori nara."
2
basama Yesus nafade mbali'se oi, "pas hei huleoo'e, huleoo'e ona'a ia'ka:
'Ama, Nara'Ma ma'afo meni.
dula dale'Ma ana onda.
3
fee hai hahambu dadai' nana nininu sia fai'ia rala,
4
boema fee ambon neu hai salah singgo'mara
hu naa hai boe fee ambon neu atahori yang mana tao salah neu hai beo.
boema, afi fee hai tuda mi'iloli misi'i salah singgo rala."
Huleoo'e, Sangga, Boeme Mo'e Neu'E
5
basama Yesus nafade neu'se oi, "kalo lao mia hei'e esa mi'ena odi a'a torano' esa boema hei misi nono'ma ume'na naa sia fai tetemba' no hei mifade neu'e mae, 'torano', au o'e pinjam fee au roti telu,
6
karna au torano ngga esa lao-lao de ana tuli sia au ume ngga tetemba ia, te hu au nda uena sasa sia ume'sa boe, fee neu'e naa ninu.'
7
ne'oke hoo nono'ma nata neu hoo lao mia ume'na rala oi, 'afi ganggu au! te lelesu'a mana nggoe ena boema au oo umbu ana nggara mana sunggu ena. de au nda bisa fela fo fee hoo sasasa boe.'
8
au ae ufade neti nggo mae hoo nono'ma nda nau fela sa boema ana nda nau fee hoo sasasa boe karna mae hei mo odi a'ao, te hu karna hoo mo'e tata, pasti ana akan fela boema ana fee sa'ka yang hoo mo'e a.
9
dadi, Au ufade neu hoo mo'e, maka hoo hambu. sangga, maka hoo akan mita'e. hoo mo'e, maka lelesu'a akan ara buka soa neu hoo.
10
see huleoo'e maka ana akan hambu. se'ka yang tungga sangga maka ana hambu. beoma se'ka mesan ana no'e maka lelesu'a akan buka soa neu'e
11
nda hambu ama esa'sa yang ana'na no'e u'u ma ana fee ana'na mengge'sa
12
hoko na ana fene ura'sa kalo ana'na no'e manutelo'o
13
kalo hoo yang de'ulaka'a muhine fee meulau soa neu hoo umbu ana'mara, apalagi Ama Lamatua mana sia nusa surga. Ana kan fee dula dal;e soa neu atahori-atahori yang ro'e rata neu'E."
Yesus Pake Dula Dale Mia Amak Lamatua Lain
14
fai esa, Lamatua Yesus Ana use nitu'a mia tou esa yang nda mana na'ena dedea o'olah'sa. basa hendi nitu'a nela, atahori yang nda ma'ena dedea o'olah'sa ana bisa o'olah boema atahori nae'e nggengger.
15
te hgu, sira atahori ba'ube rafade oi, "Ana mbu nitu nendi'i duladale Beelzebul, malangga nitu."
16
sira ba'ube laen ara rae soba Yesus, de ara ro'e Yesus natudu sa'ka yang dadi neu tanda lao mia surga.
17
te hu, Yesus bubulu sa'ka yang sia sira dudu'a nara de Ana nafade neu'se oi, " seabe nusak esa nambalutu e'eto boema ara ramusuh maka ara rambalutu e'eto. boema, odi a'a umu ana nara ramusuh de ara saranggangga leli.
18
dadi, kalo nitu'a boe nambalulutu e'eto boema ana namusuh ao, mia be'nema nusak naa hambu tetu'? Au a'ona karna hei mae Au pake duladale Beelzebul foo Au use neu nita'ra.
19
kalo Au use nita'ra endi'i duladale Beelzebul, no duladale be'ka hoo umbu ana'mara ara use nitu'ra? no naa, sira akan dadi reu mana ma'etu neu nggo.
20
te hu, kalo Au pake dula dale Lamatua fo use neu nitu, duladale Lamatua'a nema soa neu hoo.
21
kalo atahori yang mana madere bara'ai boema naena sisiro ma ana nanea ume mane'a, hahambu dadai'na teme're.
22
te hu, kalo hambu atahori yang ma'adere lena' no eni'e fo ana musu'e boema ana nakala'e, maka atahori mana lebi ma'ade'a ha'i nala sisiro'na yang selama ia ana namahena neu'e boema ana nababanggi hendi sa'ka yang ha'i nala'ra.
23
kalo se'ka nda no Au'sa, ana namusuh no Au. boema se'ka nda na'abue no Au'sa, na ana saranggangga leli."
Dula Dale De'ulaka'a Bali Nema
24
"kalo dula dale de'ulaka'a dea neu lao mia atahori esa aona, dula dale na'ka akan lao keliling tungga mamana-mamana yang mada'a fo ana sangga mamana susunggut, te hu ana nda nita'sa. hu na, ana olah nae, 'au ae bali isi'i ume yang au lao hela'a.'
25
pas ana bali'i, ana nita ume'a nenesapu nggai meu'u boema neneatur rapi ena.
26
basama, dula dale de'ulaka'a na neu no'e nono nara hitu yang lebih de'ulaka'ra lena' mia'e rema lao ro'e sia ume'ade atahori'a ana tamba namabalutu lena'a hendi lao mia ma'ahuluna."
Atahori-Atahori Yang Mana Bahagia'ra
27
pas Yesus ola-olah ia'ia, ma ina esa nggasi lao mia atahori nae'ra talada nara oi, "diberkatilah tei'i yang mana bonggi Hoo boema susu' yang mana na'susu Nggo."
28
te hu, Yesus nafade mbali'e oi, yang mana bahagia'ra atahori yang mana rena nala Ama Lamatua'a harali'Na basana ana tao tungga'e."
Yunus Tanda'na
29
pas atahori-atahori'ra rakukumbu tamba ramanae,ma Yesus olah oi, "titi'nonosi iara, titi'nonosi yang de'ulaka; ara ro'e tanda esa, te hu nda akan fee'se tanda esa sa boe, aka'a Yunus tanda'na fee neu se.
30
ona'a Yunus yang ana dadi neu tanda soa neu atahori-atahori yang mana sia Ninewi'ra, ona'a Lamatua'a Ana mone'Na yang Ana dadi neu tanda soa neu titi'nonosi iara.
31
"fai mate'ena nema, te ina mane'a lao mia ona nema no basa-basa atahori titi'nonosi iara boema ana akan fee huku doki neu'se karna ana nema lao mia raefafao'a tonggo'na fo nae rena Salomo mahine'na, te hu sia ia hambu atahori esa lena' hendi lao mia Salomo'e.
32
sia fai kiamat, atahori-atahori Ninewi'ra ara fela bali'i roo titi'nonosi iara boema ara huku doki'se, karna atahori-atahori Ninewi'ra ara tobat lao mia Yunus neu na'alolosa Lamatua harali'Na neu'se, te hu sia hambu atahori esa lena' lao mia Yunus'e."
Mata'a Na Lambu Soa Neu Oa'a
33
"nda hambu atahori esa'sa boe yanga ana dede nala lambu, na ana mbeda neu mamana ma'afuni'i ho'ko na ana tao neu kap'a raena. te hu, ara mbeda'e neu lambu'a mamana'na fo basa atahori yang ara ume rala rema reita manggarelo'.
34
mata naa lambu soa neu hoo aoma, de kalo hoo matama meulau, na basa hoo aoma sofe no'a manggarelo'. te hu, kalo hoo matama de'ulaka na basa hoo aoma sofe'e no'a ma'ahatu'a.
35
hu na, mata lolole fo manggarelo'a mana sia hoo aoma nda dadi neu ma'ahatu'sa.
36
kalo hoo aoma sofe no'a manggarelo' na nda hambu ma'ahatu sia rala'sa, aoma basa'se sofe no'a manggarelo' ona'a lambu'a mbila'na manggarelo' neu esa.
Yesus Ana Ai Atahori Farisi No Ahli Taurat
37
Yesus olah-olah basama, atahori Farisi esa no'e fo ara reu ra. de Ana neu, boema ara ra rinu.
38
te hu, atahori Farisi'a nggengger pas ana mete nita Yesus nda safe lima'Na sa te Ana na neu ena.
29 hu, Lamatua nafade neu'e oi, "atahori-atahori Farisi ona'a hoo ana sasafe lolou pingga' no nggalas mana sia deana, te hu mana sia hoo aoma sofe no'a raku tao'a no dudu'a de'ulakat.
40
woe atahori-atahori nggoa! Ana yang mana tao sia dea'a Ana tao mana sia ralana boe
41
hu na, banggi hendi sa'ka yang hoo ena mara fe neu ina falu ana mat. no na, hoo akan meu-meu
42
te hu, tu'u buku neu hoo, atahori-atahori Farisi! hu na, hoo fee hoo perpuluhanma soa neu etu oru selasih m,inggu, boema basa hoo osimara, te hu hoo nda adil mo Lamatua'a susue lalai'Na. sebenarna, hoo tao basa hal nara te nda lili'i hal-hal laen'sa.
43
tu'u buku neu hoo, atahori-atahori Farisi karna hi'aka endo misi mamana meulau sia sinagoge boema hi'aka simbo hormat sia pasar.
44
tu'u buku neu hoo karna hoo ona'a rates yang nda matatanda'sa, de atahori'ra heheta'e te ara nda rahine'esa."
45
basama, atahori ahli taurat esa olah mbali Yesus oi, " Meser, pas Hoo mufade hal-hal iara, Hoo boe mamasi rarai hai."
46
hu, Yesus nata neu'e oi, hai ahli-ahli taurat! hu na, hoo tao beban mamabera' fo atahori laen ra lemba'e. te hu hoo aoma nda nau nggama beban monae'a mendi hoo lima u'uma esa'sa boe.
47
hoo mana tu'ubuku, karna hoo tao rates fee neu nabi-nabi'ra yang hoo ina ama bei ba'i mara hala'ra.
48
ona na'ka boeo' hoo mufade neu basa atahori mae hoo akiu hoo ina ama bei ba'i mara tatao nara; sira yang hala mbau nabi-nabi ra, te hu hoo yang tao rate dae nara.
49
hu na'na, Ama Lamatua dudu'aNa Ana oi, 'Au ae denu nabi-nabi no rasul-rasul fee neu'se, te hu sira ruma lao mia atahori-atahori yang Au denu'se reu te ara akan hala mbau'se boema ara siksa'se,'
50
fo bsa nabi'ra raa nara, yang ara randali lao mia ara ra'adadadi raefafo'a nema, raa'a sangga sia titi'nonosi aira,
51
lao mia Habel'a raa'na losa Zakharia raa'na, yang ara hala mbau'e mia mimber'a ata' boema mia Lamatua ume'Na. ya, Au ufade neti nggi ae titi'nonosi iara yang ara tanggung.
52
hoo mana tu'ubuku, hai ahli-ahli taurat! hu na hoo yang mana ha'i nggoe mahine'a, te hu hoo aoma nda nau rala neu'sa boema hoo baba' atahori yang rae rala reu."
53
basama Yesus lao hela mamana naa, ma ahli-ahli taurat no atahori-atahori Farisi'ra ara musuh'E boema ara tao netanes sudi'a be'ka mesan'e.
54
ara ra'abubue fo ara sangga Yesus dedea o'olah mana salah Nara