¹ sementara naa, pas atahori rifon esa ara kumbu no ara rahe'heta'a, ma Yesus ola-olah'a neu ana mana tungga nara, "ama mata lolole mo ragi atahori-atahori Farisi'ra, nara munafik. ² hu na, basa'e yang mana tatana'a ara buka'e boema basa' yang mana funi'i ara ratudu'e. ³ hu na, sa'ka yang hoo ola-olah sia ma'ahatu'a rala nenerena sia manggarelo'a rala boema yang hoo utu-utu' sia kama rala nene nafade sia ume'a sini'ra. Namatau Neu Ama Lamatua ⁴ Au ufade neti nggo, hai torano nggeru, afi'i mimitau neu atahorio-atahori yang mana tatimbau ao'a, te hu basa na'na ana nda tao nala sa'sa boe. ⁵ hu na, Au fee nesenedat neti hei soa neu se'lka yang harus hei mimitau; mimitau neu Eni, yang Ana hala nala oa'a, boe Ana na'ena kuasa honda hei misi'i Neraka. ya, Eni yang harus hei mimitau. ⁶ saa'de mbui randak'a 5 ara seo'se aka'a keping 2 ? te hu, mbui-mbui'i nara nda hambu esa'sa boe yang ara lili' sia Ama Lamatua'a mata'Na. ⁷ boema, hoo langga fulu mara nene hitu reke. afi'i mimitau, hei feli mara ralena' lao mia mbui randak'a." Fee Neseneda Neu Yang Mana Nafani Yesus ⁸ "Au ufade neti nggi, se'ka yang nahine Au sia atahori'ra mata nara, naa eni boe Lamatua'a Ana'Na nahine sia Malaikat-malaikat'ra mata nara. ⁹ te hu, se'ka yang ana nafani Au sia atahori'ra mata nara eni boe Au ufuni'e sia Malaikat-malaikat ara mata nara. ¹⁰ boema, se'ka yang nafade saa yang nda ona'a Lamatua'a Ana'Na ana hambu ambon, te hu se'ka boe yang mamasi Dula dale meulau'a nda nene ambon'sa. ¹¹ pas ara rendi'se risi sinagoge no malangga boema man'no kuasa ra mata nara, afi'i mumutau soa no ta'obe hoo bela aoma do sa'ka yang hoo mae olah, ¹² hu faina dula dale meulau'a ana yang akan nanori hoo mufade sa'ka yang hoo mae o'olah." Na'asasama'a Atahori Yang Ma'hata Heto' Esa ¹³ atahori esa lao mia atahori nae'a talada nara olah mbali Yesus oi, "Meser, denu au bobonggi ngga banggi warisan no au." ¹⁴ te hu, Yesus nafade neu' oi, "torano'e, se'ka yang so'u Au dadi u' mana ne'etu soa neu hei runggi?" ¹⁵ basama, Yesus ola-olah mbali'se oi, "ama minea' boema ama matalolole soa neu raku tao'a saa mesan karna atahori momorina nda aka'a lao mia ma'ena hata heto'a nema'sa." ¹⁶ de, Yesus na'asasama duduit esa neu basa'se oi, "atahori esa na'ena hata heto'a naena seli ana rae'na bidang esa no ana hambu etu oru nae'na seli. ¹⁷ de, ana dudua sia rala'na rala oi, ' sa'ka yang au ae tao fai karna au nda u'ena'a mamana soa neu mbeda'a au nana nggara ena?' ¹⁸ boema, ana olah nae, 'ia'ia yang au ea tao. au ae bongkar soka-soka ara fo tao yang monae lena neu ia, fo au mbeda'a basa gandum no au sasa'nggara. ¹⁹ boema, au olah mbali au ao samana ngga ae, 'samana 'ee, hoo mu'ena' basa-basa'e yang nene mbeda'a soa neu toma'to; sunggu'u fela fo mua'minu boema bersenang-senanglah!' ²⁰ hu, Ama Lamatua nafade mbali atahori naa oi, ' hai, atahori nggoa'! tetemba ia boe, hoo ao samana'ma Au hai ala'e. de, se'ka yang akan hambu hoo sasa mara yang hoo mbeda nara?' ²¹ ona'a na'ka boe soa neu se'ka yang mbeda hata heto'a soa neu aona, te hu nda na'ena hata heto sia Ama Lamatua'a mata'Na." Afi'i Dudu'ama Nasararangga ²² Yesus nafade neu ana nanori nara oi, "hu na, Au ufade neti nggi, afi'i dudu'a mara nasararangga soa neu hei masoda mara, soa neu sa'ka yang hei mia. do, nasararangga soa no hei aomara, soa neu sa'ka yang hei pake. ²³ hu, masoda'a lena'a mia na'nat boema ao'a lena' mia bua lo'as. ²⁴ mete mita mbui kaa. ara nda sela'nggari'sa do ara nda etu oru'sa, sira boe nda ra'ena'a mamana mbebeda do soka'sa, te hu Ama Lamatua fee'se nanat. hei lena' lao mia mbui kaa na'ra. ²⁵ se'ka yang sia hei taladamara yang no dudu'a masararangga na ana tamba to'na senti esa neu masoda'na? ²⁶ kalo hei nda tao hal-hal ana'kara iara'sa, ta'o be de hei dudu'amara nasararangga soa hal-hal laen'ra? ²⁷ mete besa-besa buna bakung, ona'a be sira mori. buna-buna nara nda tao ue'osa'sa do so'seu'sa, te hu Au ufade neti nggi, mae Salomo no mandela masa'ana boema bua loa'na nda malole'na sama ona'a lao mia buna' nara'sa. ²⁸ kalo Ama Lamatua papake u'ru hau ana' sia moo'a, yang ana mori sia fai ia boema fetu'na ara nggari'e nisi ai'a, ta'o be de Ana nda papake hei aomara lena' lao mia u'ru hau ana'sa? woe, hoo yang nda mana mamahere'sa! ²⁹ de, afi hoo sangga sa'ka yang hoo mua do sa'ka yang hoo minu, boema afi'i milolo'e ao'ma. ³⁰ hu, bangsa-bangsa sia raefafo'a ana sangga basa nara, te hu hoo Ama'ma nahine sa'ka yang hoo nau. ³¹ te hu, sangga mu'uhulu Ama Lamatua kerajaan Na, fo basa-basa'e ara fee neti nggo." Mukukumbu Hata Eto Sia Surga ³² "afi namatau, mae hei aka'a mbei'a, karna Ama Lamatua Ana fee neti hei kerajan Na. ³³ seo hendi basa hei enama fo fe neu ina falu ana mat ara. tao mamana mbebeda doi yang nda mambalutu'sa, na hata heto sia surga yang nda mana mopo'sa, no na'o a nda ha'i nala'sa do ana nambalutu karna rurutu'a. ³⁴ hu, mamana hata hetoma sia be na hoo ralama boe sia na." Athe Yang Mana Rena'a Ana Tao Eni Tatao'na ³⁵ "hengge hoo leleboma nakando no hoo lambuma mbila nakando'a. ³⁶ dadi ona' athe yang ana nahani lamatua'na bali' lao mia mamana fefetas fo ana soi fene lelesu, pas lamatua'na bali' boema ana denggu lelesu'a. ³⁷ uanale' soa neu athe-athe, yang lamatua nara hambu rala'se fe'e rahani, pas ana nema. Au ufade neti nggi, tetebes, ana hengge lelebona fo ana tao ues boema ana no'e athe nara fo ara endo' raa. Ana nema fo Ana so'u o'o fee'se. ³⁸ kalo lamatua' na nema sia tetemba nae'a do nema sia deka manggarelo boema ana hambu nala'se tao ona' na'ke, na uanale' soa neu'se!. ³⁹ hu ama bubulu, kalo tenu ume esa nahine li hira na na'oa nema sia eni ume'na, na ana nda fee na'oa namana'o sia eni ume'nasa. ⁴⁰ hu na'na, hoo boeo' meda-meda'a mukundo karna Lamatua Ana Na nenema'Na esa nda bubulu'sa boe." ⁴¹ basama, Petrus natane neu E oi, "Meser, Hoo dui na'asasama ia'ka neu aka'a hai do dui neu basa atahori'ra boe?" ⁴² Lamatua nata oi, "se'ka yang malangga pelayan yang mana rena'a boema ana rala teme ao no lamatuana namahere fo ana nanea athe-athe yang laen ara, fo ana fee se raa rinu tungga-tungga pas no li' nana nara? ⁴³ uanale' soa neu athe na, yang pas lamatua'na nema, ana hambu'e tao eni eu'na. ⁴⁴ Au ufade neti nggo, no tetebes, lamatua na ana here fene nanea basa sa'sa nara. ⁴⁵ te hu, kalo athe'na olah sia tei na rala oi, 'au lamatua ngga nda nema la'efai sa,' de ana popoko paparu athe tou' no athe ina' laen ara, basana ana naa ninu losa ana mafu, ⁴⁶ pas lamatua na nema te athe'a nda bubulu'sa, de lamatua'na nema hambu nala'e. na lamatua'na hala nisa'e boema ana nggari'e no atahori-atahori yang nda mana rena'ra sa. ⁴⁷ athe esa yang ana nahine lamatua'na hihi nanau'na, te hu ana nda meda-meda'sa do ana tao ona lamatua'na hihi nanu'na de hambu popoko paparu nae ⁴⁸ hu, athe yang ana nda nahine sa'ka yang lamatua'na hihi nanau'na boema ana tao hal-hal yang ana hambu popoko paparu, hu ana hambu popoko aka'a mbei'a. se'ka yang ara fene nae, ara ro'e nae lao mia'e. boema sira yang ara ramahere nae neu'e ara ro'e nae lena lao mia'e boe. Yesus Tao Nababanggi ⁴⁹ Au uma fo onda ai'a neu raefafo'a, no Au ae'ado be fo ai'a mbila! ⁵⁰ te hu, Au ae sarani, boema Au rasa rala ngga nambeta losa hal na ana dadi. ⁵¹ ne'oke hoo mae Au uma endi dame soa neu raefafo'a? hoko'o, Au ufade neti nggo, Au endi sarangga-ngga'a! ⁵² sia li' ia, atahori lima sia ume esa rala ara rababanggi. atahori telu ara ramusuh ro atahori rua boema atahori rua ramusuh ro atahori telu. ⁵³ sira rababanggi; ama'na namusuh no ana tou nara, boema ana tou nara ara ramusuh ro ama'na. ina'na namusuh no ana ina nara, boema ana ina nara ramusuh ro ina'na. ina arina namusuh no ana mantu ina'na, boema ana mantu ina'na namusuh no ina arina." Na'anda-Nda' Zaman ⁵⁴ de, Yesus ol-olah mbali atahori nae'ra oi, "pas hei mita lele'a ana nakukumbu sia muri nema, hei mifade mae, 'udan'na nae onda,' boema udan'a onda tetebes. ⁵⁵ pas hei rasa anin'a fuu lao mia ona nema, na hei mifade mae, 'fai ia relo'a natobina seli, ' boema ana dadi tetebes ona na'ka boe. ⁵⁶ hei atahori mana e'edik'i! hei bisa ma'malaka lani'a no raefafo'a, te hu ta'obe de hei nda bisa na'andada zaman ia'ka sa? ⁵⁷ "saa de hoo nda bisa mu'etu' aoma'sa, soa neu sa'ka yang tetebes'e? ⁵⁸ pas hei lao mo musuh mara fo mi minda mo mana parenda'ra, na usaha fo ama ola-olah hendi'i mo hei mana matofa mara sia dala'a talada nara fo afi'i losa nisi mana na'etu'ra boema mana na'etu'ra fee hei misi'i mana manea'ra, boema mana manea'ra tao hei misi bui'a rala. ⁵⁹ Au ufade neti nggo hoo nda deamu lao mia na'sa losa hoo bae basa hoo hutamara."