¹ sia na, atahori ruma rafede Yesus oi Pilatus sambor atahori -atahori Galilea'ra raa nara ro sira aai masu lalai'a. ² Yesus nata neu'se oi, "de hei mae ne'o atahori-atahori Galilea iara mana de'ulaka lena' lao mia atahori-atahori Galilea laen ara karna ara hambu sususa sosona' ia'ka? ³ Au ufade neti nggi, ho'ko'. te hu, kalo hei aka'a ue salah' nakano'a na basa hei boeo' mate. ⁴ do soa neu atahori ka sanahulu falu mana mate'ra, pas menara mana sia deka no dano Siloam tudah de ana tendes nala'se, ne'oko hei mae atahori de'ulaka nara lena' lao mia basa atahori yang mana leo sia Yerusalem? ⁵ Au ufade neti nggi, hoko'. te hu, kalo hei aka'a ue de'ulaka'a nekendo' na basa hei boeo' mate!" Hau'hu Yang Nda Naboa'sa ⁶ Yesus Na'asasama dududit esa boe nae: "atahori esa na'ena hau ara hu esa yang ana sela sia eni osi anggur'na. te hu, ana nema nae etu boana te ana boa nese. ⁷ de, ana nafade mbali mana tao osi'a oi, 'to telu ena au uma ae etu hau ara ia boana, te hu au nda fe'e hambu ita boa esa'sa boe. de hungga hendi hau ia hu'na! sa de hela'e fo nasofe'a rae'a?' ⁸ te hu, mana tao osi na'ta nae, 'lamatua, ao hule fo hela hau hu ia to esa fai fo ana naboa. hela'e fo au ali rae nama sia boboa nara fo au mbori neu'e boema au fee pupuk neu'e, ⁹ ne'oke hau'a naboa to mana nema ia. kalo nda naboa sa fo, lamatua hungga hendi'e Yesus Nahai' Pas Mia Fai Sabat ¹⁰ fai esa, Yesus nanori mia sinagoge esa pas no fai sabat. ¹¹ mia naa ina' esa ana kerasukan dula dale de'ulaka'a de tao'e namahedi to sanahulu falu ena. ina'a ruku tele de ana nda nambari tetu' nalasa. ¹² pas Yesus mete nita'e, ma Ana no'e ina'a de Ana olah' nae, "ina'e, hoo hai ena lao' mia hoo hedi'ma" ¹³ basama, Yesus tao lima'Na neu ina'a ata boema ina'a hai mia li na boe, ana nambari tetu' de ana koa kio neu Ama Lamatua. ¹⁴ te hu, malangga sinagoge'a namanasa karna Yesus nahai atahori sia pas fai sabat. de ana ola' mbali atahori nae'ra oi, "sia fai nee atahori tao ue osa' hu na. atahori rema fo fee'se hai sia fai-fai nara, te nda sia pas fai sabat'sa. ¹⁵ hu, Lamatua na'ta'se nae, "hei atahori mana puta pio'mara! ta'obe de basa hei mbo'i hei sapi do hei keledai mana pa'a mara lao mia kandang'a rala boema ama mbo'se dea reu rinu oe sia fai sabat? ¹⁶ hu na, ina' ia tititi'nonosi'na lao mia Abraham nema boe yang nitu'a pa'ae eni to sanahulu falu ena, de ana na'ena hak soa neu mbo'ie lao mia papa'a nara sia fai sabat boe?" ¹⁷ pas Yesus nafade ona'na, ma basa'se mae boema basa atahori nae mana sai nara ramaho'o soa neu Lamatua tatao ajaib nara. Lamatua Na'asasama Duduit Sesawi deke' No Ragi'a ¹⁸ basama, Yesus nafade nae, "ona'a be'ke Ama Lamatua Nusak'Na? no sa'ka Au u'usasama' no'e? ¹⁹ Ama Lamatua nusak'Na ona'a sesawi deke' yang atahori'ra ha'ie fo ara sela sia sira osi nara; deke'na mori dadi neu hau hu, boema mbui-mbui'ra reu randuna risi'i dana nara." ²⁰ boema Ana olah fai oi, "endi'i sa fai Au u'usasama Ama Lamatua'a nusak'Na? ²¹ Ama Lamatua nusak'Na ona'a ragi yang ina'ra ha'i rala'e boema ara sambor'e nisi'i tarigu mok 3 rala losa basa adonan'a namanae." Aka'a Mbei'a Yang Hambu Masoda'a ²² Yesus masok kalua kota-kota no desa-desa ra, fo Ana nanori boema Ana lao nakando nisi'i Yerusalem neu. ²³ de atahori esa natane mbali'E oi, "Lamatua, ta'obe de oi aka'a atahori mbei'a yang hambu masoda'?" de Yesus nafade neu basa'se oi, ²⁴ "basae rakasesetik rala reu tungga lelesu'a yang makabia; hu na Au ufade neti nggo, atahori nae rasu' rala reu, te hu ara nda bisa'sa. ²⁵ kalu tenu ume'a nambari boema ana ena hendi ume'a lelesu'na, hu hoo mimbiri' sia dea'e fo hoo toki lelesu'a fo hoo randu mae, 'Lamatua, buka fee au lelesu'a, te hu Ana na'ta lao mia rala nema oi, 'Au nda uhine hoo'sa, boema hoo lao mia be uma?.' ²⁶ de hoo mu'ta mae, 'hai mia minu mita mo Hoo. boema Hoo munori mita tungga hai dala mara.' ²⁷ hu, Ana na'ta neti nggo oi, 'Au nda uhine hoo'sa boema Au nda bubulu' hoo lao mia be uma'sa. dinggo' hela Au mata Ngga, basa hei mana tao de'ulaka'ra!' ²⁸ fo hoo nggae losa nisi mara bengge titimi pas hoo mete mita Abraham, Ishak, no Yakub, boema basa nabi ra sia Ama Lamatua'a nusak'Na rala te hu ara honda hoo dea'mu. ²⁹ basama, atahori-atahori'ra lao mia rulu no muri rema, boema lao mia dii no ona rema. ara rema fo raa rinu sia Ama Lamatua nusak'Na rala. ³⁰ tetebes, te atahori-atahori yang ma'abuik'ka ana dadi neu ma'ahulu' boema atahori-atahori yang ma'ahulu'a dadi neu ma'abuik'ki." Yesus Lao Yerusalem Neu ³¹ fai esa, ma atahori Farisi ruma rema randa ro Yesus de ara denu'E oi, "lamu, lao hela mamana ia te Herodes nae hala nisa Nggo." ³² Yesus na'ta mbali'se oi, "lamu fo mufade neu rubah na mae, 'fai ia no fetun na, Au ae usee dula dale-dula dale de'ulaka'ra boema u'uhahai atahori, no fai ka teluna, na Au ubasa'a Au ue tatao nggara.' ³³ te hu, Au ae tao ukundo Au ue ngga sia fai ia, fetun no fini esa'a. hu na nda hambu nabi esa'sa yang ana mate sia Yerusalem dea'sa. ³⁴ Yerusalem, Yerusalem! hoo hala misa nabi'ra boema poko paru' atahori yang ara denu'e neti neu nggo! lao hetar Au ae ukukumbu hoo ana mara, ona'a manu ine'a na'abubue ana nara sia lida na rala. te hu, hoo nda nau sa. ³⁵ Sia li ia hoo ume ma na rou'e boema dadi neu rama nene. Au ufade neti nggo, hoo nda akan mete mita Au sa losa faina hoo mufademae, 'ua nale'e soa neu yang mana nema'a sia Lamatua rala!"