¹ basama, basa atahori nara fela rambari de ara to'u rendi Yesus nisi'i Pilatus mata'na. ² de, ara rafade neu Pilatus rae, "hai hambu mala atahori ia e'edi leleko nala hai rauinggu mara boema Ana nda nau fee hai bae bea nisi'i Kaisar sa, ma Ana dui oi Eni Kristus, Manek esa boe." ³ ma Pilatus natane Yesus nae, "tebe do, Hoo ia Manek soa neu atahori Yahudi'ra?" de Yesus na'ta nae, "naa hoo yang olah." ⁴ basama, Pilatus nafade mbali malangga imam-imam ara boema atahori nae mana sia nara nae, "au nda hambu sala'a sia atahori ia'ka sa." ⁵ te hu, ara rasu tuntut'E de ara nggasi rahere rae, "Ana hasut atahori-atahori ra no nanori nara sia basa mamana Yudea lao mia Galilea losa mamana'a ia!" Ara Ro Yesus Nisi'i Herodes ⁶ pas Pilatus rena nala hal naa, ma ana natane Yesus oi Hoo ia atahori lao mia Galilea do?. ⁷ de, ana bubulu oi Yesus lao mia Herodes mamana parenda'na, ma Pilatus denu ara ro Yesus nisi'i Herodes yang pas faina boe ana mia kota Yerusalem. ⁸ pas Herodes mete nita Yesus, ma ana namaho'o, te eni do ena ana nae nanda no'E karna ana rena hal nae soa Yesus masoda'Na boema tatao nono'i'Na, hu na ana nae mete no mata'na mukjizat esa yang Yesus tao. ⁹ de, Yerodes natane hal nae neu Yesus, te hu Yesus nda fee ne'ta sa'sa boe neu Herodes. ¹⁰ malangga imam-imam boema ahli-ahli Taurat ara yang mana mambari sia nara, ara fee tuduhan sudi'a beka neu Yesus. ¹¹ ona naa bo, Herodes no sardadu nara ramamae boema ara mamasi rarai Yesus. basana ma, ara papake badu malolole neu'E de ara ro bali'E nisi'i pilatus neu. ¹² ma'ahuluna, Pilatus no Herodes ru'ase ramusu'u, te hu fai ia ma ara ra'abubue. Pilatus Nda Hambu Fee Yesus Bebas'sa ¹³ basama, Pilatus na'abubue nala malangga imam-imam ara, malangga-malangga Yahudi'ra, boema atahori nae, ¹⁴ de ana nafade'se nae, "hei mendi atahori ia nema nisi'i au mae Ana e'edik nala hatahori nae. te hu, pas au tao timba tai'E mia basa hei mata mara, te au nda hambu salah sa'sa boe ona'a yang hei dudui mara neu au. ¹⁵ mae Herodes boe nda hambu salah sa'sa sia'E, naa de ana fee hei mendi bali'E neu au. mete mita, Ana nda tao salah monae sa'sa boe fo hita hukudoki'E losa Ana mate. ¹⁶ hu naa, au poko paru ala'E, naa au mbo'i bali'E." ¹⁷ [sia fai-fai paskah, naa Pilatus mbo'i atahori esa lao mia bui soa neu atahori nae.] ¹⁸ te hu, atahori nae mana sia naa ara randu rae, ''ha'i hendi atahori ia! fo mbo'i Barabas fee neu hai!" ¹⁹ [Barabas naa atahori mana sia bui rala yang mana tao namue mia kota rala boema ana mana tati mbau nisa atahori.] ²⁰ karna Pilatus rala'na ana nae mbo'i Yesus, de ana olah-olah bali no atahori nae mana sia nara. ²¹ te hu, ara nggasi rakando rae, "salibkan atahori na! salibkan'E!" ²² ma Pilatus natane neu'se lao ka teluna nae, "sa de? tatao de'ulakat saa 'ka yang atahori Ia tao? Ana nda tao salah'asa. au nda hambu salah Na sa'sa sa boe yang au hukudoki'E fene mate. hu na, au poko paru'E fo basana au bo'i bali'E." ²³ hu, basa'se rasu boema ara nggasi rahere rae salibkan Yesus. de, hara nara rasenggi'i. ²⁴ mate'ena ma, Pilatus na'etu'u tungga hihi nara. ²⁵ Pilatus mbo'i bali'i Barabas yang tao huru hara mia kota rala boema mana tati mbau nisa atahori, ona'a sa'ka yang atahori nae mana sia nara roro'e nara, te hu ana fee Yesus neu'se fo ara tao'E ona'a sa'ka yang sira hihi nanau nara. Ara Salibkan Yesus ²⁶ pas sardadu'ra ro Yesus lao, ma ara boe tahan hela atahori esa nara na Simon lao mia Kirene yang ana fe'e do nema mia desa. de sardadu ra ranggunggua salib'a neu aru'na de ara denu'e lu'a salib'a tungga Yesus dea'Na. ²⁷ atahori nae'e tungga Yesus dea'Na, boema ina rao ara nggae tungga-tungga Yesus dea'Na ²⁸ te hu, Yesus heo mbali'se de Ana olah mbali'se nae, "hai ina mana lao mia Yerusalem ima, ama afi nggae soa neu Au. ama susa sona soa neu hei ao mara mo hei ana mara. ²⁹ defo losa faina te atahori-atahori ra rafade rae, 'namao'oto soa neu ina-ina yang nda mana bonggi'isa, boema yang teina nda fe'e bonggi nita ana'e sa, no susu na nda fe'e fee nita ana'ka susu sa.' ³⁰ faina te sira rafade neu mbubuku 'ra rae, 'foi hendi nggi fo tuni mala hai!' boema neu lelete'ra rae. 'misimbobori mala hai!' ³¹ hu naa, mae sira tao hal-hal nara pas hau hu'a fe'e mana mori'i, sa'ka yang ne'oke ana dadi pas hau hu naa meto?" ³² hambu atahori de'ulekat rua yang ara ro'se fo hukudoki risa'se sama-sama'ro Yesus ³³ pas ara losa mamana esa narana "Tengkorak," serdadu ra salib Yesus sama-sama no atahori de'ulaka ka rua ra, atahori esa nisi'i boboa ona'Na boema esa nisi'i boboa dii'Na. ³⁴ basama Yesus nafade nae, "ya Ama, fee ambon neu'se, karna sira nda bubulu'u sa yang sira tao'sa boe." de serdadu ra honda undi fo ara raa babanggi Yesus bualo'a nara neu sira. ³⁵ atahori nae yang bekeri' sia nara mete rita no mata nara, te hu malangga-malangga Yahudi ra ra'a e'ei' Yesus no ara mali'E. ara rafade rae, "Eni na'amomori'i bali'i atahori laen, de hela'e fo fene na'amomori bali'i ao'Na kalu Eni naa Kristus, yang Ama Lamatua here!" ³⁶ serdadu'ra boe ra'a e'ei Yesus, de ara rema fo oi rae fee anggur ma'ei neu Yesus, ³⁷ boema ara rafade rae, "kalu Hoo manek soa neu Yahudi, naa fee masoda bali mala neu Hoo aoma!" ³⁸ boema, ara sura' papa' esa neu langga'Na ata'a oi: "IA'KA MANEK SOA NEU ATAHORI YAHUDI" V 39 atahori mana ue de'ulakat esa boe na'a e'ei Yesus nae, "te oi Hoo ia Kristus to? fee mudusa mala Hoo aoma beoma hai sie boe!" ⁴⁰ te hu, atahori mana eu de'ulakat esa ana ai'e nae, "hoo nda mumutau neu Ama Lamatua karna hoo boe simbo mala hukudoki ia'ka sama no'E? ⁴¹ mema' hita ia'ra hambu hukudoki ia sama no hita tatao nono'i tara, te hu Atahori ia nda tao salah sa'sa sa boe." ⁴² de, ana nafade mbali Yesus nae, "ya Yesus, musudeda mala au, pas Hoo losa misi'i Hoo Nusak ma ena.'' ⁴³ basama Yesus nafade mbali'e nae, "Au ufade tebe-tebe neti nggo, fai ia boe hoo mumulolo' mo Au tisi'i Firdaus rala teu.'' Yesus Mamate'Na ⁴⁴ faina pas li'i 12 rerelona, ma'ahatu'a tatana nala basa mamana naa losa li'i 3 bobobona ⁴⁵ karna reloa ma'ahatu boema side'e mana sia Ama Lamatua ume'Na sida hendi'e neu rua. ⁴⁶ de Yesus nggasi hara'Na nahere' nae, "Ya Ama, neu Hoo lima'Ma Au lo samana Ngga neu Nggo." Ana olah basa na'ona, ma etu Yesus hahae'Na. ⁴⁷ pas malangga serdadu'a mete nita no mata'na sa'ka yang eni nita'a, ma ana koa kia Ama Lamatua nae, ''tetebes, atahori ia nda salah'sa!" ⁴⁸ pas atahori nae yang mana rema ramalolo fo mete rita no mata nara aon sa'ka yang ana dadi sia naa, ara bali'i, ma ara poko paru tenda nara aon. ⁴⁹ basa atahori yang mana mahine Yesus no ina hira yang mana tungga 'E lao mia Galilea rambari ra'adodo de ara mete ramemeu hal-hal ia. Ara Ra'oi Yesus ⁵⁰ atahori esa narana Yusuf, eni lao mia Dewan penasehat, eni naa atahori yang hada dala meulau. ⁵¹ (ana mesa nee nda tungga na'etus boema yang sira tatao nara sa). Yusuf naa lao mia kota Arimatea, kota esa lao mia Yahudi. eni naa boe atahori esa yang mana nahani Ama Lamatua Nusak'Na. ⁵² ana neu nanda no Pilatus de ana no'e Yesus ao sisi'Na. ⁵³ boema, ana neu na'onda'a Yesus ao sisi'Na lao mia hau salaib de ana mboti'E nendi'i side Linen. basa naa, ma ana nasusunggu'E nisi'i rates esa yang ara pa'e sia lelete fatu'a ata'a. sia mamana naa, nda fe'e hambu atahori esa na'oi e sia naa sa boe. ⁵⁴ faina pas fai nenesiap,neu fai sabat nae nema. ⁵⁵ ina-ina yang mana nema ramalolo ro Yesus lao mia Galilea tungga Yusuf. ara mete rita Yesus rate'Na boema ara rasusunggu Yesus ta'o be sia rates'sa rala. ⁵⁶ basa naa, ma ara lao bali' fo ara reu tao buna rambe boema mina fo rae nggari no o'ose neu Yesus rate'Na. sia fai sabat ma ara hahae tungga'a no hukum Taurat Musa.